Nehemia 4:14 - ŊWÀʼ NYÙY

¹⁴ M lò, e yèn mo vinyo vi dzəə̀n, e nèn nànèn e yuv, e yòŋ vilìmbìy wùn à vé saʼa, à kibér ke wìr ki, e sùúy aáwune jii, «Lá vèn yòʼ a fàn aŋgàa vibàn vén. Vèn kuúmé mo Nyùy Tàr dzəə̀n e gháʼtín, e kfə̀n a dzə e beémén, e nèn fùnèn, bìʼ afə́r vén wùn à wón véné, à vikìy véné, à kfə́ə sén sí.»

Nehemia 4:14 Referans Kwoze

2 Samuel 10:12

Kúr shilív shí, e tìím kitávín, é vèsən funen bìʼ wír vesən. Á ku fùnèn bìʼ ŋkà se laʼ se Nyùy wo wù kér vèsən, é wun woo Nyùy Tàr yii á kinyo ke kiìn wun.»

Kintaŋ 14:9

Dzə̀ cáʼ ji lá á yòʼ tàv á kitú, e mèŋ Nyùy Tàr. Lá á yòʼ fàn a sa sí wìr vee fó. Áwune dzə̀ ji ncèm fo vèsən. Á tsə̀ʼ ne kikiŋ kév, a Nyùy Tàr kù dzə̀ kfə́ nshìy wòsən. Lá vèn yòʼ fàn áwune.»

Hibru 13:6

Bo dzə̀ vèsən wàa suúy lèn feyì mo wìr wùmòʼ‑oò suuyin jii: «Leey Nyùy fo mò, a bó yòʼ dzə̀ m wàa fàn kifá. A dzə̀ wìr yiì ka e mò?»

Matio 10:28

Lá vèn yòʼ a fàn wír ve dzə̀ á yùyrí ven a dzə̀ fó wùn cáʼcáʼ, a bó yòʼ dzə̀ á kùm kiyóy kén. Wìr wo dzə̀ vèn wàa fàn dzə̀ Nyùy wo dzə̀ wù tàtí wún wùn à kiyoy ke wìr ki, e laàr e və̀y.

Nsùyrì Nyùy 66:3

Vèn wáa burí Nyùy, a suúy jii, «Lim sé sí dzə̀ sigháʼtín, vitaáví vé vi kùʼ e ŋàŋ, aŋgàa vibàn vée kú a yàʼ e wò si.

Nsùyrì Nyùy 65:5

Rúrú, Nyùy, à dzə̀ ŋgaà lùŋèr wor. À yú bunrì yér, yii viŋgaʼnìn ve vinyò ji à sə́ ver. Wìr msòŋ e dzə̀m kù tiir vifií a dzə̀ e wò wùn, wir dzə̀m woó kitu ke nsay, e dù, e meé fo ndzə́ví jòʼsìn.

Nsùyrì Nyùy 20:7

Rúrú, wír ámóʼó tiir kév vifií aáwuné *vitentén vé rər, aámóʼó tiir aáwuné nyàm se ŋkoʼ. Yii bèy, a vèr tiir kér a dzə̀ é yír Nyùy Tàr woo Nyùy wor.

Nehemia 1:5

Mò‑oò bunrì jii, «Éè Nyùy Tàr woo Nyùy woó yuv, à kùʼ, aà dzə̀ e gháʼtín. À yii tíy e wò *mensàŋ, din koŋ yé ye wiyí e wír ve á koŋ wò, yúnin nsər sée.

2 Wòŋ 32:7

«Vèn kúr tímé, e wày ŋàŋ. Lá vèn yòʼ a fàn, lá vèn yòʼ weèy bìʼ fon woó Assiriya wo wù wiy e vé rərí anín. Vèsən kér ŋgaà wo wù kér vitaáví e vèsə́n mbìv, a bó fòn woó Assiriya yòʼ kérí.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Remrí 10:17

bìʼ fo Nyùy Tàr woo Nyùy won dzəə̀n Taà Vitu. Wù shaà anyùy adzə̀m. Wù dzə̀ Ŋgaà Vitaàví, a wù ghàʼtí feyì, a kí dzə̀ ji á wáa ghvəm a wun. Bó wù yòʼ yii binbìnè, a bó wù yòʼ yii bin nsaʼ mbvə́nkíwó.

Remrí 1:21

Vèn leéy ri, Nyùy Tàr fò ne ven nsay. Vèn nəə́ shó, e faàsì, e yòv, kù mo Nyùy Tàr woo Nyùy atàr vén‑eè kàʼàn. Lá vèn yòʼ fàn, lá vèn yòʼ weèy.

Nsùyrì Nyùy 143:5

M kuúme ghán se sí‑iì shaàn, kuúme vinyo vidzə̀m ve à yiìn ne, m kuùmé lim se à lìmèn ne e Isray.

Nsùyrì Nyùy 66:5

Vèn wiy, e yèn lim ye Nyùy lìmèné. Wù ghàʼ ne e lìm se wù lim e wìr msǒŋ mvəm sí.

Nsùyrì Nyùy 46:11

Nyùy Tàr woo Taà Mànjòŋ dzə̀ vèr áwune. Wun woo Nyùy Jakov dzə̀ kikiŋ kér.

Nsùyrì Nyùy 27:1

Nyùy Tàr dzə̀ kikaʼày kém, a luŋèr wun mo. A dzə̀ m wàa fàn la? Nyùy Tàr dzə̀ kóy wóm wo tavíné. A dzə̀ m kfə̀n a fàn ka?

Ŋwàʼ Jov 37:22

Nyùy sə́y fó taa e viwìr vi, njaʼkìr moo *kisha ke mbàm ke baar kí, a vikuʼùy və́ ví dzə̀ viwíy, a wìr lèéy, shúu kù mà wun.

Ŋgaà Tàrvìnyò 12:1

Éè wánlè nsùm, kú a kuumé Ŋgaà Mbom wò, aà dzə̀ə́ e wò vinsùm. Á kuumé, é bo vishiíy ve bi ví wìy a wìy. Viyá ve mendzə̀n ve à wíy a suuy jii, «M yòʼ dzəə́ yú fó a yi dzəʼə̀m.»

Ŋwàʼ Fəə 14:14

Nyùy Tàr yíi màʼ rə́r sén, kù dzə̀ cáʼcáʼ ji vèn tiím á ji nyaáŋ.»

Ŋwàʼ Fəə 14:25

Wù kfən nə̀ʼə́y kár se vitentén, la ví yòʼ dzə́ə a dù kijuŋ. Áwune suúy jii, «Vèsən lo fo wír veé Isray vìné bàm, bìʼ fo Nyùy Tàr sí funèn vindzəʼ vév, aáwune só vèsən.»

Atǎr Nsaʼ 3:27

Wù dù, e mèé, e nèn tòŋ sóŋ é wòŋ agwan woó Efrayim foo fèy. Wír veé Israyi báʼtí, wùn áwune nèn a səy fo agwan fèy, a wù sì kilìmbìy kév.

Daniel 11:32

Wù wíy leèrì wír ve á yaʼayin mensaŋ me Nyùy, e boʼtí áwune. Yii bèy, a wír ve á lumen kinyo ke Nyùy, e kpù shóo wíy tiím kitávín, e meŋ sáʼ rə́.

Sekariya 14:3

Á bèy, é Nyùy Tàr nèn fəə̀ kfə́, e nə̀ə́ vitúm vìn e rə́r sí, e kù a màʼ réŋréŋ mo wù‑uù maʼ fo ŋgùʼ.