Nehemia 3:31 - ŊWÀʼ NYÙY

³¹ E wun bàm, Malkija wo yì‑iì dzəə̀n sá wùmòʼ woo taà kilàm kishà ke mbàm ke baar kí, nèn nàŋsín ke kí batin, e dù, e mèé e ghaa lav ye dzəə̀n ye vé lìm veé lav cù, à ye wónlě way, a yì kiʼ Shúu Kày fo á yii báʼti mànjòŋ, e dù, e bàʼ mo lav yeé kitu ke kor kày dzəə̀n.

Nehemia 3:31 Referans Kwoze

Nehemia 3:32

Vé kilàm ke kishà ke mbàm ke baar kí wùn à vé wayí nèn nàŋsín ke kí jòʼsìn, a kí kéʼ fó lav yeé kitu ke kor kày, e dù, e mèé e Shùu Kày Njiì.

Nehemia 3:8

Ussiel woo wan Harhaya, a dzə̀ taà kilàm kishà ke mbàm ke baar kí, náŋsín ke kí batin. Hananiya wo wù‑uù fer sa vishàŋsìn ve sùsù nèn nàŋsín kee wun ghaŋ. Áwune‑eè nàŋsín kay e Jerusalem, e dù, e mèé e Kày yee Kimà.

1 Wòŋ 6:40

woo wan Mayker woo wan Baaseya, wo yì‑iì dzəə̀n wan Malkija,

Nehemia 3:30

E wun bàm, wáa dzə Hananiya woo wan Shelemia wùn Hanun woo wan Tsalav wo wù meen ji ntuùfú. Áwune‑eè nàŋsín mbìv yev yìmòʼ fó. Aáwuné bàm, Meshullam woo wan Berekiya nèn nàŋsín kee wun ŋkìʼnìn laʼ.