Nehemia 3:28 - ŊWÀʼ NYÙY

²⁸ Atàá cùu‑uù nàŋsín mbìv kùy Shùu Kày Nyàm se Ŋkoʼ, a wìr náŋsin kirə́ʼ ke kí kiʼ shúu lav və́.

Nehemia 3:28 Referans Kwoze

2 Wòŋ 23:15

Á bèy, á nèn sə̀ŋ wun, e dù sho e shùu kibùʼ wo nyám se ŋkoʼ si yii nəə fo fo e ntoʼ, e yùyrí fo.

Jeremia 31:40

Kiwoóy ke á yii maʼày dzə́n sé wíri shó, kfə̀n sər sa kibvə́ sho, e lì súm seé bvə̀m gwan, e kèʼ fo Kiwoóy ké Kidron, e dù, e bàʼ e kor woó Shùu Kày Nyàm se Ŋkoʼ, e mbìv ye shùy yii tó fo foo, wíy a dzə kirə́ʼ kee jeéy kí kidzə̀m ji ké Nyùy Tàr. Bó á yòʼ kfə̀n dzəə́ wìy a tuŋ fó, aá yòʼ dzəə́ wìy bvəʼə́y.»

2 Afòn 11:16

Á bèy, á nèn sə̀ŋ wun, e dù sho e shùu kibùʼ ke nyám se ŋkoʼ si yii nəə fo fo e ntoʼ, e yùyrí fo.

Nehemia 3:23

Aáwuné bàm, Benjamin wùn Hashuv nèn nàŋsín mbìv ye yì‑iì kiʼ láʼ yév. Aáwuné bàm sá, Asaria nèn nàŋsín kee wun ŋkìʼnìn lav. Asaria‑aà dzə̀ wan Ma‑Aseyia, a Ma‑Aseyia dzə̀ wan Ananiya.

Nehemia 3:10

Aáwuné bàm, Jedayia woo wan Harumav nèn nàŋsín kilíŋ ke kí‑iì batin, a kí dzə̀, a dzə̀ e wun ghaa lav. Hattush woo wan Hashavneya náŋsín ke kí batin.

Nehemia 3:29

Aáwuné bàm, Tsadok woo wan Immer nèn nàŋsín ke kí kiʼ lav rə. E wun bàm, Shemayia wo wù‑uù leey Shúu Kày woó mbìv yee fo shùy yii tó, nèn nàŋsín kímóʼ kí. Wù‑uù dzə̀ wan Shekania.