Nehemia 3:24 - ŊWÀʼ NYÙY

²⁴ E wun bàm, Binnuy woo wan Henadad nen kfə̀n nàŋsín fómóʼó, e kèʼ fo Asaria ghaa lav, e mèé e Kimbvən, e dù, e bàʼ e kor kày.

Nehemia 3:24 Referans Kwoze

Nehemia 3:19

Eser woo wan Jeshua nèn nàŋsín ke kí batin, e kèʼ fo mbìv ye yì kiʼ dzə́ə ye yì sə́y e kitàv ké vifa ve rər, e dù, e mèé fo kayi duùn, e bvə̀nén. Eser‑iì dzə̀ ŋgaà saʼ woó Mispa.

Nehemia 10:9

Wír veé ram Levìi nén a dzə jii, Jeshua woo wan Asania wùn à Binnuy woo lò fó rám Henadad, à Kadmiel,

Nehemia 3:27

Aáwuné bàm, wír veé Tekoàa nèn kfə̀n nàŋsín kirə́ʼ kímóʼ kí kee kèʼ fó ŋkìʼnìn kirùmèn ke ghaʼtín kí, ke kí somènè, e dù, e bàʼ e wǔn kày yeé Ofel.

Nehemia 3:11

Malkija woo wan Harim wùn Hashuv woo wan Pahat‑Moav nèn nàŋsín kilíŋ kímóʼ kí wùn à Kirùmèn ke Kiy se bomén sí.

Nehemia 3:23

Aáwuné bàm, Benjamin wùn Hashuv nèn nàŋsín mbìv ye yì‑iì kiʼ láʼ yév. Aáwuné bàm sá, Asaria nèn nàŋsín kee wun ŋkìʼnìn lav. Asaria‑aà dzə̀ wan Ma‑Aseyia, a Ma‑Aseyia dzə̀ wan Ananiya.

Esra 3:9

Jeshua wùn à wóné, aàfə́r vəə́ nèn tàtí Kadmiel wùn à və́ vee wóné, a dzə̀ rám Hodavia, á wáa leéy wír ve á baʼrì lav Nyùy Tàr. Wón Henadad ve kù‑uù dzəə̀n sá wír veé ram Levìi wáa sə áwune.

Nehemia 10:10

wùn aàfə́r vév ámóʼó vee Shebania, à Hodia, à Kelita, à Pelayia, à Hanan,