Nehemia 3:20 - ŊWÀʼ NYÙY

²⁰ E wun bàm, Baruk woo wan Tsabbay nèn nàŋsín mbìv yìmòʼ, e kèʼ fo Kimbvən, e dù, e bàʼ e shuù wo wú nəə e taà cù wo kuʼùn woo Eliashiv lav.

Nehemia 3:20 Referans Kwoze

Nehemia 3:1

Eliashiv woo taà cù wo kuʼùn wùn aàŋgàa ŋgoo və́ vee atàá cùu nèn bòm Shúu Kày Njiì, e shwì Nyùy sho ji sì á woo jeéyí, e nèn wàyrí shuu si. Vé‑eè bòm kirə́v ké kày, e kèʼ fo fo, e dù, e meé e Kirùmèn kee Wiì, e kfə̀n dù, e mèé e Kirùmèn kee Hananel, e nèn shwì sá Nyùy sho.

Ŋwàʼ woó Rom 12:11

Lá vèn yòʼ a yiì ŋgòy. Melív men mè kú a baári fo Nyùy ghán sidzə̀m, é vèn wáa yiì lim rə́.

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Nehemia 13:4

Kinyo kìn ki‑iì kooyì, a taà cù woo Eliashiv wo vé‑eè shoʼon, wù wáa leéy vitáv veé lav cù koó ne viŋkar wùn Tobia,

Nehemia 3:21

E wun bàm, Meremot nèn kfə̀n nàŋsín mbìv yìmòʼ, e kèʼ fo taà cù wo kuʼùn woo Eliashiv shùu lav, e dù, e màysì fo lav tiimen. Meremot‑iì dzə̀ wan Uria, a Uria dzə̀ wan Hakkos.

Esra 10:28

Fo ram Bebay, wáa dzə Jehohanan wùn à Hananiya, à Sabbay, e lì Athlay.

Nehemia 10:6

à Daniel, à Ginneton, à Baruk,