Nehemia 3:15 - ŊWÀʼ NYÙY

¹⁵ Shallum woo wan Kol‑Hose nèn nàŋsín Shúu Kày wo wú kiʼ dàn. Wù‑uù bòm, e wày vitú, e wàyrí shuu si wùn à mfìn si, à kóŋ sé mfìn si. Wù kfən nàŋsín kirə́v keé ghaa Kisə̀m kee Shela e fòn ghaa sum, e dù, e mèé mo á sèʼtìn dzə́ə ye yì sə́y fo Ŋkàlaʼ Davir. Shallum‑eè dzə̀ ŋgaà saʼ woó kimbàr ke wòŋ kee Mispa.

Nehemia 3:15 Referans Kwoze

Joon 9:7

e sùúy sho jii, «Dù é kisə̀m ke á yoŋ ji Siloam, e sù sí yée fó.» A nsàv yìr yee Siloam rə̀n dzə̀ ji Lontum. Wù dù, e sù, a kfən e mvə̀mlaʼ, a wù sí yén virə́ʼ.

Aysaya 8:6

«Wír veé Judàa bìn ne ndzə̀m e mò, a m kù yii kér áwune ji weè, moo ndzə́v yee Shiloa ye yí léŋ bèn ji weè. Á kù sí yú vijuŋ a dzə̀ vé wóov woo ntaŋ kùm Fòn Resin, à Fòn Peka woo wan Remalia.

Nehemia 12:37

Á meé é Shùu Kày wo wú kiʼ dàn, e nèn tèém, e kòʼ tìítiy e nsèʼtì seé Ŋkàlaʼ Davir, e kibiʼtí ké kày, e shaà e mbìv kùy ntoʼ Davir, e nèn dù e Shùu Kày woó Dzəə̀ Ndzə̀v, e mbìv yee fo shùy yii tó.

Ŋwàʼ Luk 13:4

Vèn kuúmé kinyo ke kí‑iì kooyin é Siloam ki. Lav‑iì keèsì, e yùyrí wír nshòv waamé e ghvə̀m. Vèn kwaʼtì ji wír vee shooyi‑iì kpù bey, bìʼ fo yì‑iì dzəə̀n aŋgàa njò, e shaà wír ámóʼó é Jerusalem foo fèy à?

Nehemia 2:14

M lò, e shaà, e dù, e mèé e Shùu Kày wo wú kiʼ Dàn, a dzə̀ fo Kisə̀m ké Fòn ki‑iì dzəə̀n, la dzəə̀ yòʼ a dzə ye nyàm ye mò‑oò koʼon tósín.

Jeremia 40:6

Jeremia nèn dù e Mispa, e yèn Gedalia woo wan Ahikam, wùn áwune, à wír ve vé‑eè berin é nsay Judàa wáa dzə.

Nehemia 3:14

Malkija woo wan Rekav‑iì nàŋsín Shúu Kày wo wú kiʼ róŋ. Wù‑uù bòm, e wàyrí shuu si wùn à mfìn si, à kóŋ sé mfìn si. Rekav‑iì dzə̀ ŋgaà saʼ woó kimbàr ke wòŋ kee Bet‑Hakkerem.

Nehemia 3:12

Shallum woo wan Hallohesh, a sáʼ wun mbìv kibàr ke Jerusalem kímóʼ kí, nèn nàŋsín kilíŋ kímóʼ kí, a wón və́ vee vikìyí‑iì tòm wun.

Nehemia 3:9

Refayia wo wù‑uù sáʼ mbìv yìmòʼ fó kimbàr ke wòŋ ke dzəə̀n kee Jerusalem, a dzə̀ wan Hur nèn nàŋsín ke kí‑iì batin.

Nehemia 3:7

Kirə́ʼ ke kí‑iì dzəə̀n aáwuné ghaŋ ki dzə̀, a yì‑iì nàŋsín Melatia woo wír woó Gibeon wùn à Jadon woo wír woó Meronot, à wír veé Gibeone, à veé Mispàa, Mispa wo yì‑iì dzəə̀n kirə́ʼ ké dzə ke ŋgaà saʼ woó mbìv wòŋ ye á liysin ne Yufret.

2 Wòŋ 32:30

Fòn Hesekiya‑aà sə̀r ntoò ndzə̀v yee Gihon, e lì, yí sə́y é Ŋkàlaʼ Davir, a leŋ, a dù e mbìv yee fo shùy yii nəə. Vinyo ve Fòn Hesekiya‑aà yii vidzə̀m vi‑iì ghán kijuŋ.

2 Afòn 25:4

wír vée Babilone tóʼ kay yeé ŋkàlaʼ. Fòn wùn à və́ vé rərí nèn woòné vitsə́ʼə́, e meè fó mvə̀m ŋkàlaʼ, e fəə̀ fó shùu kày e nsàn virə̀v vé kày see sibaà, e ghaa kiboo keé ntoʼ, a wír veé Babilone kaárí ne ŋkàlaʼ, e tàr. Áwune tósín, e lèʼ, e nèn a dù e dzəə̀ kiwòóy kee Jordan.

Atǎr Nsaʼ 20:3

Á báʼtí bey, a wír veé ram Benjamine yú ne ji wír veé Israyi kòʼ ne a e Mispa. Wír veé Israyi kú a dzə fo, a ghaynín mo rə́mrə́m kinyò kee bey ki‑iì ghanen, e bóo koóy.

Atǎr Nsaʼ 20:1

Wír veé Israyi ku nèn fəə̀ wir dzə̀m, e kèʼ fo Dan, e dù, e mèé e Beersheba, à fó nsay Gilead, e bàʼtí e Nyùy Tǎr si e Mispa ji kitú kimòʼón.

Nehemia 2:17

M nèn lò, e yòŋ lèn aáwune jii, «Vèn leéy ŋgeʼ se vèsən dzəə̀n shó si, bìʼ Jerusalem wo wù siìn e saʼkìn, a və́yí tón ne shuu se kày sə́. Vèn wiy, é vèsən kfən bòm kay yeé Jerusalem, e tsə̀ʼ woómé sìn fo vèsə́n kitu.»

Nehemia 3:19

Eser woo wan Jeshua nèn nàŋsín ke kí batin, e kèʼ fo mbìv ye yì kiʼ dzə́ə ye yì sə́y e kitàv ké vifa ve rər, e dù, e mèé fo kayi duùn, e bvə̀nén. Eser‑iì dzə̀ ŋgaà saʼ woó Mispa.

Ŋgaà Tàrvìnyò 2:6

e tùŋ bií wóm mendzə̀v wó a setí mendzə́v fó fo, a wayrí e vici ve m bìyìn.

2 Samuel 5:9

Mo Davir tònèn ŋkàlaʼ yee shooy, e bìnèr yír ji Ŋkàlaʼ Davir, e nèn a dzə fo. Wù lò, e bòm gháŋ si, e kaàrí, e tàr, e kèʼ fo vé‑eè wayin a dzə̀ nsay ye wayín é wǔn gwan, e mbìv ye shùy yii tó fo fo.