Nehemia 2:20 - ŊWÀʼ NYÙY

²⁰ M bìnèr aáwune jii, «Nyùy woó yuv yíi a leéy fo vèr. Ver vee akwàn vəə́ yíi kèʼ, a bàʼrì Jerusalem, yii bèy, a bó vèn yòʼ kér kilíŋ fo. Vèn yòʼ kér ghay e vinyò vee kùm Jerusalem, a bó vèn yòʼ kér vitsə́ʼ vímóʼ ví fó.»

Nehemia 2:20 Referans Kwoze

Lim Aŋgàa Ntum 8:21

Bó yòʼ dzə̀ féyì à wàa ker kilíŋ e mvə̀m kinyò fèn, bìʼ fo shilív shé shi yòʼ dzə̀ shigheénén fo Nyùy.

Esra 4:3

Yii bèy, Serubbabel wùn Jeshua, aàtǎr kfəə veé Israyi nèn bìnèr aáwune jii, «Bó yòʼ dzə̀ vèn tàtí ver, é bo á baʼri lav Nyùy wor. Kù yíi bom ver lav Nyùy Tàr, wo dzəə̀n Nyùy woó Isray, kù mo Sayrus woo fon woó Persia‑aà foon sáʼ ji vèr baʼri.»

Nehemia 2:4

Á nèn dzə̀r e mò fó ntoʼ ji m sà kì koŋ ji á yée le e mò á? M nèn bùnrì Nyùy woó yuv,

Lim Aŋgàa Ntum 10:31

Wù yòŋ mo jii, ‹Konelur, Nyùy yù ne bunrì yé, e kfə̀n kuùmé mo à rə́si sə́ vé kitàne.

Nsùyrì Nyùy 35:27

Ké wìr ve á tom mo ji m dzə̀ là njò, ku yiì, aá wìy a sheʼrí, a sàvnìn, a binsí ji Nyùy Tàr dzə̀ rú e gháʼtín. Shií və kù dzə̀ kfə́ ji ŋgaà lìm və só.

Aysaya 56:5

bo m bóm kirə́v e mǒ lav, e saŋ yír sév shó wir dzə̀m. Kin ki wíy bòŋ, e shaà fo áwune wáa ker a dzə̀ wóné, bìʼ fo yír yéví kù wíy a tiy fo, e dù, e jòʼsì, aá yòʼ wíy làysìn.

Ŋgaà Tàrvìnyò 7:18

Ku yiì vinyo vee vibaà vin vi vidzə̀m, e làa yòʼ yiì kímóʼ kí, e tonén. Aà ghvə́m Nyùy, bo vinyo vé vidzə̀m vi yíi a ker shintíy she juŋ shi.

Nsùyrì Nyùy 51:18

Kú a kòŋ ŋkàlaʼ yee Sion, a yiì kijuŋ sho. Ku kfə̀n bòm virə́v vé kày ye yí gìŋèn Jerusaleme.

Nsùyrì Nyùy 20:5

é vèr wìy a ndzəʼ ji fòn sò á ne aŋgaà və́ vibàn, a yòv nsiì e Nyùy yir, wun woo Nyùy wo wù sə́ ver. Nyùy Tàr ku fò fon kifá kidzə̀m ke wù lóné.

Lim Aŋgàa Ntum 10:4

Wù nèn a fàn, e tùy sí e wùn wó, e dzə̀r jii, «Dzə̀ ká, Tàr?» Yì bìnèr jii, «Nyùy yù ne bunrì yé, e kfə̀n yèn lim yé ye juŋe, e kuùmé wò.

Sekariya 6:14

Á kù wíy a lèm ntáráʼ və̀n e mǒ lav cù, wíri lóo yen, aá wáa kuumé Helday wùn à Tobija, à Jedayia, e kfə̀n a kuumé Josia woo wan Tsəfaniya.› »

Nsùyrì Nyùy 122:6

Vèn wáa bùnrì ji nyaáŋ wáa dzə e Jerusalem, a lon ji wír ve á koŋ Jerusaleme wáa dzə kijuŋ.

Esta 4:11

«Wìr dzə̀m kì mo nsər dzəə̀n é ntoʼ. A fə̀m dzə̀ nshìylav, kìn dzə̀ wír wo wù dzə́, a fə̀m dzə̀ é mbìv wòŋ rəné, bo á kù kì. A wìr sàsìn, e tò é mvə̀m ntoʼ, kìn dzə̀ wiíy, kìn lumèn, a bó á yoʼ tòóy tooyín, bo ŋgaàŋ kù kér a fóo kpu. Wáa dzə ji lá á yòʼ yùyrí ŋgaàŋ, bo fòn kù kér fóo ràmsì kitoómé kfə́ ke á fèrìn e *kisha ke mbàm ke baar kí shó. Kém kí dzə̀, a sì lèn kishiíy mtaár, a bó á yoʼ dzəə tòóy mo ji m nəə́ é mvə̀m ntoʼ.»

2 Wòŋ 26:5

Wù kù‑uù yú fo Nyùy e ghan se taà cù woo Sekariya‑aà dzə̀ə́ sho, a wù tír wun e vinyò ve Nyùy. Mo wù‑uù jumrì Nyùy Tàr bey, Nyùy Tàr nèn səə̀vì wun.

Kintaŋ 10:10

Wíy lóo dzə e ghan se vèn banen, a sheʼrí Nyùy, kìn dzə̀ ŋkàʼ wo á lèmèn ji woó ghan see shó, kìn dzə̀ woo bìʼ ŋwee wo fíyi, vèn tòŋ sóŋ é kitu ke cù ye tonèné, e kfə̀n tòŋ é kitu ke cù kikòŋnìn, é mo woo Nyùy Tàr wáa kuumé ven, a sə ven. Kù dzə̀ mo Nyùy Tàr woo Nyùy won.»

Ŋwàʼ Fəə 28:29

«Á mo à kù wíy yiì bèy, Aaron lóo nəə́ e kirə̀ʼ kee jeéy kí, é wù wáa ker kifin keé nsaŋ ké a tàr kinyo sho, aá toóŋé ne yír sé kfəə seé Isray sho. Yír sév sí kù wíy a dzə e wun shùu shiliv ghán sidzə̀m, é la m yòʼ dzəə wìy làysìn wír vém.

Cù 24:7

Á yíi neèr kiláy kee *frankinsen kee wúntí kíwun e ŋgoo si fóo fèy ji á yií lóo tòn, é kí wáa dzə ŋkùvtu kiban ji cu Nyùy Tàr ye və́yí bin fo fo.

Cù 2:2

Wù yii bèy, é wù nèn lì, e dù, e yèn wón Aaron sho, áwune vee vitó və́, vee atàá cù, é taà cù wùmòʼ ŋeʼ meŋkfəŋ fo meŋkfə̀ŋ me á cuùrìn ne meŋgvə́r shó mèy, kiwó kifur, e tàtí wùn à kiláy kí, e tòn e kiy cù ji sàʼ vifa ve cù. Dzə̀ cu ye və́yí bin fo fo, a kirəm kfə́ kí boŋ Nyùy Tàr.

Nehemia 1:4

Mo m yuun vinyo vìn, e nèn dzə̀ʼə̀m, a toŋ. Vishiíy ví wáa liysín vinín, a m diyì, lem jíŋ, kfə̀n bunrì Nyùy woó yuv.

Nsùyrì Nyùy 102:17

Wù kù wíy yu bunrì aghéʼncey, e làa yòʼ ŋway kinyo ke áwune lón ji wù yii.