Nehemia 2:19 - ŊWÀʼ NYÙY

¹⁹ Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Nehemia 2:19 Referans Kwoze

Nehemia 6:6

aá sáŋ jii: «Kí sì kikiíyín e vitúm ví mvəm, a Geshem sheŋrì ji dzə̀ á rú, vèn à wír veé Judàa taʼ e sə sáʼ. Á shií wo vèn baʼrì kay. Kí din ji à taʼ e yiì a dzə a fon wov.

Maak 5:40

Áwune nèn lò, a kèŋ Jesus kéŋen. Wù jùm wir dzə̀m fo lav, e lì taà wàn wùn à yeè wàn, à wón və́ lìm vee ataár vìyi, wùn áwune nəə́ fo wàn kì néŋé.

Hibru 11:36

Wír ámóʼó biímé, á wáa dzə̀v áwune, a caàcà, wíri wáa kèŋ. Ámóʼó wáa dzə kév ve vé‑eè kúr aàsháŋé, finrì e lav.

Lim Aŋgàa Ntum 24:5

Vèr yén ji wìr və̀n ghán e lòné. Wù ghán woŋ e dzə̀m, báyir wír ve dzəə̀n veé Juda, aá taʼ melaà. Wù kfə́n a dzə sa kilìmbìy ke wìr ve á tíy e mbìv ye á yoŋ ji ye wìr veé Naasarer.

Joon 19:12

Payler yú bey, a tàʼ ji wun maʼti á Jesus. Wír veé Judàa nèn a waamé jii, «Aà màʼtì wír və̀n, bo bó à yòʼ dzə̀ ŋkar Fòn woó *Rom. Wìr wo yoŋ wun kitú kfə́ ji fon, ŋgaàŋ táŋ a dzə̀ kóy wùn Fòn woó Rom.»

Ŋwàʼ Luk 23:2

Á dù, e nèn a toy vinyo e bàm wó, a suúy jii, «Wìr və̀n dzə̀ ben, a wù ghán, bvəər woŋ wór, sháʼnin fo wíri wáa màʼ mbàm, a shwi Fon woó Rom sho. A wù kfə̀n suuy ji dzə̀ wun *Mfə̀ə́r wo Nyùy‑iì kàʼàn, a wun dzə̀ fon wùmòʼ.»

Jeremia 20:8

M lo ji m súŋninè, m wàa toŋ, a rəəmé a dzə̀ ji ŋgeʼ wùn à kimbivìr ki waà dzə̀. Nyùy Tàr, kinyo ké ke m fiʼtì ki kfə̀n ne ji nshoórsí wùn à nshéʼmé mo kishiíy kí dzəə̀n.

Nsùyrì Nyùy 80:6

À yiì ne, nsay yer kfə́n ji kifá ke vitúm vee fó ghaŋ vi wáa taŋnín sho, aŋgàa vibàn vérí kaárí, a sheʼ ver.

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Ŋwàʼ Jov 30:1

«Yii bèy, lèn və̀n, á lò ne, a te lám e mò, a kù té wír ve dzəə̀n wónlè fo mò. Wón, a mò‑oò nyaysì atàr vév nyáysin, a bó áwune yòʼ‑oò lo mèʼ jwí sém, yé a shìy njiì wom.

Nehemia 6:9

Áwune‑eè taʼ e bemér ver bémérín, kér e kwàʼtì ji wó yérí lo, e weèy fo lìm fèn, é yí tiím. Yii bèy, kí ku nèn tàvír mo távírín.»

Nehemia 4:1

Sanballat yú ji vèr sí bóm a kay, kí nyár wun, wù shwiíy kilòŋ, e nèn a sheʼ ver shéʼén.

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Matio 9:24

Wù suúy jii, «Vèn lokir, wàn buúne buùnén, bó wù yoʼ kpù.» Wù suúy bey, á nèn a kèŋ kèŋèn.

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Nsùyrì Nyùy 123:4

Vé kavi shèʼ ne ver ntàmda, a vé kiŋkoʼòrwùné taʼ ver ntéŋ.

Jeremia 41:10

Ishmael lò fo fo, e koòrí wir dzə̀m wo wù‑uù berin é Mispa. Wù‑uù koòrí wón ntoʼ vee vikìy, e koòrí wir dzə̀m wo Nebusaradan woo mfòóme anshìy fòn Babilon‑eè lèmèn e Gedalia woo wan Ahikam. Ishmael‑iì koò áwune ji vé sháŋé, a tsəəné, a liysín sho e nsay Ammon.

Nsùyrì Nyùy 80:7

Éè Nyùy, wò woo Taà Mànjòŋ, ku kfə̀n tìír ver e věr shwin. Dìn shilív shé she juŋ shi e vèr, é vèr yiì lùŋ.

Aysaya 36:5

À kwaʼ ji shuu wo kumèné dzə̀ vifií a? Wú dzə̀ vitaáví ve dzə̀ ví màʼ rə́r a? À yèʼtí a dzə̀ e lá wùn, bó a tav kitú wòsò?