Nehemia 2:17 - ŊWÀʼ NYÙY

¹⁷ M nèn lò, e yòŋ lèn aáwune jii, «Vèn leéy ŋgeʼ se vèsən dzəə̀n shó si, bìʼ Jerusalem wo wù siìn e saʼkìn, a və́yí tón ne shuu se kày sə́. Vèn wiy, é vèsən kfən bòm kay yeé Jerusalem, e tsə̀ʼ woómé sìn fo vèsə́n kitu.»

Nehemia 2:17 Referans Kwoze

Esiker 5:14

M wíy siìr woŋ wón ji vifə̀m, é vitúm ve ví kaarin ven ví wáa leéy, a kèŋ, é nshaàdzəə̀ wáa kèŋ sa.

Nehemia 1:3

Áwune suúy e mò ji wír ve vé‑eè bòyìn fó kiŋkoo, e kfə̀n é Judàa dzə̀ á e mvə̀m ŋgeʼ ye tavín wùn à nshoórsí, a kay yeé Jerusaleme kù dzə̀ə́ a bèy mo vé‑eè kèrìn, a shuu se kày si kù dzə̀ə́ saa mo vé‑eè tònèn.

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Yòvdìy 3:51

M lèéy ŋgeʼ se sí nəən wónlě ŋgòn veé Jerusalem, shilív shém shí seém.

Yòvdìy 2:2

Nyùy Tàr laàr ne virə́ʼ vé dzə vee Jakov ram. Wù laàr ne vidzə̀m, là mendzən. Wù shwìíy ne kilòŋ, e kètì virə́ʼ veé Juda ve tavkín ví. Wù màʼ ne sáʼ yee fó wùn à vé saʼa, á gbú ben, a neŋ fo nsay, a woomé.

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

Nsùyrì Nyùy 79:12

Éè Nyùy Tàr, ku siìr ŋkfə́tír e vitúm vìn vi kàŋ là táŋ, ŋkfə́tír woo bìʼ liy se áwune kuùn ne wò sho.

Nsùyrì Nyùy 44:13

À yiì ne, wír vee věr ghaŋe wáa sə̀ʼ ver. Vitúm ve ví gìŋèn ver ví wáa jàʼ ver, a ŋway.

1 Samuel 11:2

Fòn Nahash bìnèr aáwune jii, «A dzə̀ ji vèn taʼ ji m maʼti ven nyaáŋ, vèn biìmé ji m fə́tí sí sén sé yìy sí, e fíʼ shoór wír veé Isray adzə̀m.»

Nehemia 2:13

Mò‑oò fəə̀ vitsə́ʼ vin, e dù dzə́ə fó Shùu Kày woo fó Mboʼ, e lò, e dù e mbìv Dàn Koosàʼ, e kfə̀n dù e mbìv Shùu Kày wo wú kiʼ Róŋ, du bèy, leey virə́v vé kày yeé Jerusalem ye vé‑eè bvəʼtin, à shuu se kày se və́yí‑iì tònèn sí.

Nehemia 2:16

Vé saʼa yòʼ‑oò lo kìíy fo m duùn, kìn kinyo ke m yii. M yòʼ‑oò ló ne yòŋ kinyo e wír veé Judàa, kìn atàá cù, kìn vilìmbìy, kìn atǎr saʼ, kìn kibér ke wìr ve vé‑eè yíi a yiì lim rə̀n.

Nehemia 3:15

Shallum woo wan Kol‑Hose nèn nàŋsín Shúu Kày wo wú kiʼ dàn. Wù‑uù bòm, e wày vitú, e wàyrí shuu si wùn à mfìn si, à kóŋ sé mfìn si. Wù kfən nàŋsín kirə́v keé ghaa Kisə̀m kee Shela e fòn ghaa sum, e dù, e mèé mo á sèʼtìn dzə́ə ye yì sə́y fo Ŋkàlaʼ Davir. Shallum‑eè dzə̀ ŋgaà saʼ woó kimbàr ke wòŋ kee Mispa.

Esra 9:9

Nyùy wor, mo vèr fə̀m dzəə̀n akwàn, bó à yoʼ làysìn ver é mvə̀m vikwàn. Á bèy, à dìn ne koŋ yé ye wiyí e vèr, aàfon veé Persiàa yéné. À kfən yiì, vèr meémé, e bòm lav yè, ye yì‑iì sàʼkìn ne, e kfə̀n kìŋsìn ver é Juda wùn ǎ Jerusalem.

Nsùyrì Nyùy 44:14

À yiì ne, vitúm vi lí ver ji awàʼ vév kilelé, e yiì, áwune wáa sheʼ ver adzə̀m adzə̀m.

Nsùyrì Nyùy 102:15

Vitúm vi wíy a ghvəm yír Nyùy Tàr, áàfon veé kitu ke nsay adzə̀me wáa leéy vikuʼùy və́, a fàn,

Mayka 7:11

Wír veé Jerusalem, ghán se á kfə̀n wíy bàʼrì kay yén sí sí gheenè. Á wíy dzə̀sì bìíy sén é kishiíy fóo fèy.