Nehemia 2:10 - ŊWÀʼ NYÙY

¹⁰ Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Nehemia 2:10 Referans Kwoze

Nehemia 4:7

Sanballat wùn à Tobia, à wír veé Arabi, à veé Ammone, à veé Ashdodi yú ji lim kimbom ke kày yeé Jerusaleme dú a kijuŋ, aá sí maysì sə́tí a nsàn si, kí nyár áwune é ŋàŋ.

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Ŋgàn 27:4

Wìr woo ŋgaà dòʼshwiíy tínsin wíri tinsín là mendzən, yii bèy, a ké ŋgaà kighèʼ ki fòy kfə́ fóyin ji wòʼ.

Nehemia 13:4

Kinyo kìn ki‑iì kooyì, a taà cù woo Eliashiv wo vé‑eè shoʼon, wù wáa leéy vitáv veé lav cù koó ne viŋkar wùn Tobia,

Nehemia 6:1

Á nèn lò, e duù e Sanballat wùn à Tobia, à Geshem woo wir Arab, à kibér ke aŋgaà vér vibàné ji m bàʼrì ne a kay, a bó shintoʼòn shi yoʼ waà dzəə bèr, aá yoŋ bèy, a bó m yóʼ ne fə̀m wàyrí visəŋ e shuù si.

Lim Aŋgàa Ntum 5:24

Kitú ke vé rər ve vé‑eè shiy lav cù wùn à vitú ve atàá cùu yú bey, kí tárír áwune. Á wáa ghaynín jii, sà kòóy ka wír vìy a?

Lim Aŋgàa Ntum 4:2

A vé‑eè shwiiy kilòŋ, bìʼ fo Pita wùn Joon‑eè yéʼey wíri jii, mo Jesus‑eè fəən fó kpu, wìr dzə̀m wo wù tatin wùn Jesus waà wíy fəə sa.

Jeremia 48:34

«Áwune sí kóʼor a dzə̀ léŋ toŋ, wú kóʼ fo Heshbon, a kiléŋléŋ kí du, mee e Eleale, líysin e Jahas. Wír vee kèʼ fó Tsoar, e dù, e meé e Horonayim, e lì veé Eglat‑Shelishiyàa yú sa mo áwune tóŋé. Ndzə́v seé Nimrim si kfən yùmkír sa.

Jeremia 48:5

Wíri kóʼ bam Luhit, tóŋé, kóʼ bèy, a tóŋe távkir tàvkín. Á yú mo wíri sə́y bam Horonayim, sə́y bèy, tóŋ ŋgeʼ se sí nəən áwune.

Aysaya 15:5

Mo woo Aysaya, m tóŋ bìʼ kitúm kee Moav. Wíri sàm ne nsàm, a dù e ŋkàlaʼ yee Tsoar, a dù e Eglat‑Shelishiya. Áwune kóʼ gwan, du e Luhit, tóŋninè. Á du e dzəə yeé Horonayim, tóŋ vifá vév ve aŋgàa vibàné bivirin.

Ŋgaà Tàrvìnyò 10:7

M yèn ne, aàkwàné ghán e vitu ve nyàm se ŋkoʼ, aàtǎr wòŋe ghán e wuú fó nsay moo akwàn.

Ŋgàn 30:22

Vinyo vìn vi dzə̀ jii, kwàn wo wú loòn, e kfə̀n ji fon, à njìʼ wo wú loòn, e yàm yámén.

Nsùyrì Nyùy 112:10

Wír ve á méŋ Nyùyi yéné, wúné wàa kìn áwune. Á kù wíy a ŋeytí sóŋ, a kpukír kpukín. Vinyo ve áwune yii, tiir vifií shó vi kù wíy a bvəərí bvəərín.

Nehemia 13:1

Wáa dzə e kishiíy fóo fèy, aá yoŋ Ŋwàʼ Mooser, a wíri yuúri. Á nèn lò, e dù yòŋ kirə́ʼ ke kí‑iì naarì ji lá wìr woó Ammon kìn woó Moav yòʼ wìy nə̀ə́ a e wír Nyùyí kintatì,

Nehemia 6:16

Aŋgàa vibàn vérí yú kinyo kìn, vitúm ve ví kaarin ver vidzə̀m vi yú sá, e nèn a fàn, e yèn vitú vév ji á dzə̀ á là kitar. Áwune‑eè yèn rú ji vèr yii lim rə̀n, a dzə̀ á e Nyùy wór vitaaví.

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Esta 10:3

Mordekay woo wír woó Juda‑aà dzə̀ kitú ke atǎr ntoʼ Fòn Ahasuru, a wír və́ veé Judàa‑aà koŋ wun e ŋàŋ. Áwune‑eè ghvə́m wun wir dzə̀m, bìʼ fo wù‑uù fùnèn féyì kitávín ji áwune wáa ker a dzəʼə̀m a dzə̀ ye juŋe, é ŋgwàʼ sév sí wáa dzə là kinyo ké a fàn.

Jeremia 41:10

Ishmael lò fo fo, e koòrí wir dzə̀m wo wù‑uù berin é Mispa. Wù‑uù koòrí wón ntoʼ vee vikìy, e koòrí wir dzə̀m wo Nebusaradan woo mfòóme anshìy fòn Babilon‑eè lèmèn e Gedalia woo wan Ahikam. Ishmael‑iì koò áwune ji vé sháŋé, a tsəəné, a liysín sho e nsay Ammon.