Nehemia 13:31 - ŊWÀʼ NYÙY

³¹ M kfən sìysì sa ji á wáa wìy a e meŋkaʼ mè e ghan se á lèmèn, à cu vifa ve mbìy ve á kavin ví. Éè Nyùy wom, á kuumé rì mo é shiliv she juŋ shi.

Nehemia 13:31 Referans Kwoze

Nehemia 13:14

Éè Nyùy wom, kú a kuumé mo bìʼ vinyo vìn, e làa yòʼ làysìn vinyo ve juŋ ve mò‑oò yii e wò woo Nyùy wóm lav wùn à lim ye mò‑oò limèe.

Nehemia 13:22

M lò, e kfə̀n fò sáʼ ji wír veé ram Levìi kfə́mrí á vitú vév, e dù, a shìy a shuu se kày, é kishiíy ké bam ki fíʼ a dzə a kee jeéy kí. Éè Nyùy wom, kú a kuumé rì sa mo bìʼ kin, a sham mo bìʼ koŋ yé ye ghaʼtíné ye yí tíy fo ghán sidzə̀m.

Nsùyrì Nyùy 106:4

Éè Nyùy Tàr, à lóo yìi sham wír vé, kii wò, à kù kuùmé mo. À lóo lùŋèr áwune, à lùŋèr sá mo.

Nsùyrì Nyùy 25:7

Ku làysìn vinyo vém ve bi ví ve mò‑oò jayin e mǒ vinsùm. Éè Nyùy Tàr, kuúmé mo mo koŋ yée dzəə̀n, bìʼ fo à yii yii vinyo ve juŋ vi.

Nehemia 10:34

«Ver vee atàá cù, vèr à wír veé ram Levìi, à wìr dzə̀m tàr ne, e shòʼtí kfəə́ se sí yíi a wìy e meŋkaʼ me cù mè e Nyùy wór lav e ghan se á sìysìn, e kiya kiya, aá wáa tòn e Nyùy Tàr woo Nyùy wór kiy cù, mo á saŋen é Ŋwàʼ Nsər.

Ŋwàʼ Luk 23:42

Wù nèn yòŋ jii, «Jesus, lóo wìy dzə e ghan se à sí sáʼ vifon vé, à kù kuùmé mo.»

Nehemia 5:19

Éè Nyùy wom, á kuumé rì mo e shiliv she juŋ shi, bìʼ kinyo kidzə̀m ke m yiìn e wír vìne.

Nehemia 10:35

«Vèr kfə̀n yíi a fo sa vifá ve mbìy vi e Nyùy Tǎr lav. Vifá ve mbìy ve vèr káv fo věr sum sí wùn à ve vèr koy kòyìn fó vici ví, aá kù wíy a yiì bèy e kiya kiya.

Nehemia 10:38

Taà cù woo Aaron ram kù wíy a dzə fo si e ghan se wír veé ram Levìi wíy a sə kirə́ʼ ké kimòʼón kìn. Á sə́, aá jav kirə́ʼ e ghvə̀m, e lì kee kimòʼón ki, e dù sho e lav Nyùy woo Nyùy wor, e dù, e wày é vitàv fó mvəm.