Nehemia 13:28 - ŊWÀʼ NYÙY

²⁸ Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Nehemia 13:28 Referans Kwoze

Nehemia 2:19

Sanballat woo wir Horon wùn à Tobia woo ŋgaà saʼ woó Ammon, à Geshem woo wir Arab yú kinyo kìn, e nèn a sheʼ ver, a yòŋ jii, «Vèn yii a dzə̀ ka kin? Vèn taʼ a tav kitú vèn à fòn à?»

Nehemia 12:22

Vé‑eè sàŋ yír sé atǎr kfəə veé ram Levi wùn à yír sé atàá cù si, e lèm e ŋwàʼ, e kèʼ fo ghan se Eliashiv‑iì dzəə̀n ji taà cù wo kuʼùn, e kù a saŋ sa bèy e Joyiada ghan, a saŋ e sé Johanan si, à sé Jaddua si, e dù, e meé e ghan se Darius‑iì sáʼ e Persia.

Nehemia 12:10

Jeshua‑aà dzə̀ tàr à Joyiakim, a Joyiakim dzə̀ tàr à Eliashiv, a Eliashiv dzə̀ tàr à Joyiada,

Nehemia 3:1

Eliashiv woo taà cù wo kuʼùn wùn aàŋgàa ŋgoo və́ vee atàá cùu nèn bòm Shúu Kày Njiì, e shwì Nyùy sho ji sì á woo jeéyí, e nèn wàyrí shuu si. Vé‑eè bòm kirə́v ké kày, e kèʼ fo fo, e dù, e meé e Kirùmèn kee Wiì, e kfə̀n dù, e mèé e Kirùmèn kee Hananel, e nèn shwì sá Nyùy sho.

Nehemia 2:10

Sanballat woo wír woó Horon wùn Tobia woo wir lìm woó Ammon yú ji wìr wìy ne a ji wun sə́ a wír veé Isray, kí nyár áwune é ŋàŋ.

Ŋgàn 20:26

Fòn woo fií yii tar woŋ, fəər aŋgàa yiì ye bií, maʼ ŋgeʼ aáwuné kitu là mendzən.

Ŋgàn 20:8

Fòn kóʼ e kàvàʼ ji wun tínen nsaʼ, lóo tàr kinyo, wù kìíy kíwun.

Nsùyrì Nyùy 101:8

M yíi a laàr wír ve á méŋ Nyùy adzə̀m fo mǒ wòŋ. M yíi a laàr áwune mo kishiíy kí dzəə̀n. M kù yíi fəə́r wír ve bií fo Nyùy Tǎr ŋkàlaʼ adzə̀m.

Nehemia 13:25

M sáʼ áwune, e kuùrì, e dzə̀v ámóʼó, e dzə̀n nə́ŋ, e kàn áwune, á yí kilìʼ e Nyùy yir. M yòŋ jii, «Vèn yòʼ dzəə́ wìy a juùr wón vén e wón vitume, a vèn yòʼ dzəə́ wìy a way sa wón vév é lav ji vikǐy won vén, kìn ji vén vee vikìy.

Nehemia 4:1

Sanballat yú ji vèr sí bóm a kay, kí nyár wun, wù shwiíy kilòŋ, e nèn a sheʼ ver shéʼén.

Esra 10:8

Wìr wo wù yíi gòʼ, e làa yòʼ wìy e mvə̀m vishìíy vee vitaár, bo á yíi koo a vifá və́ vidzə̀m, e fəə́r wun a fo wír vəə́ kintatì. Á mo atǎr saʼ wùn à vilìmbìy vi yòŋèn.