Nehemia 13:27 - ŊWÀʼ NYÙY

²⁷ Kí nén a dzə ji vèr biʼnin ven é liì kisaŋ wo biibí və̀n, e wày vikìy vee vitúm e lav, e bìn ndzə̀m e Nyùy wor a?»

Nehemia 13:27 Referans Kwoze

Esra 10:2

Shekania woo wan Jehiel woo rám Elam nèn a suŋnín e Esra jii, «Vèr ŋwày ne nsər Nyùy wor, e wày vikìy é lav, a dzə̀ wón vitum ve ví gìŋèn ver vin. Yii bèy, mo kí fə̀m dzəə̀n ben, bó ké Isray ki yóʼ ne mày màyìn.

1 Samuel 30:24

A dzə̀ yuùrí la kinyo ke vèn suuy kìn? Wír ve á kì gòʼòn, a shìy vifá e kilaʼáy wùn à ve á kì duùn é shùu rərí kù lo, e jàv réŋréŋ.»

Nehemia 13:23

Kú a dzə e ghan fóo fèy, m yén sá wír veé Juda, aá kér vikìy a dzə̀ wón veé Ashdod wùn à veé Ammon, à veé Moavi,

Esra 9:14

A dzə̀ vèr kfə̀n a shoʼór rú nsər yè, a bvə̀yrì vijín vèr à vé joònè vine á? A vèr yiì bèy, bo bó à yòʼ yíi shwiíy kilòŋ vèsən, e laàr ver à rámé shó, é la wìr yòʼ bèr a?

Nehemia 10:31

«Vitúm vee shoon vi wíy wìy e vifá ve way ví, a fə̀m dzə̀ vifá ve yi, e kishiíy ké bam, kìn é kishiíy ke kuʼùn kí, é la vèr yòʼ yùn. «Lóo dzə e saàmbà kiya, é vèr wáa kwiír kwáʼ si, e kfə̀n a tiiné kaá e dzə̀m.