Nehemia 13:26 - ŊWÀʼ NYÙY

²⁶ Bó yòʼ‑oò yiì vikìy vee vitúm, é bo Fòn Solomon woó Isray jáy a? Fòn kitum woo moo wun yòʼ‑oò dzə̀. Nyùy və‑əə̀ kòŋ wun, e kòʼór ji fon, wù wáa saʼ Isray e dzə̀m, yii bèy, vikìy vee vitúme ku yiì, wù jáy e Nyùy.

Nehemia 13:26 Referans Kwoze

1 Afòn 3:13

M kfə̀n‑éè fó wò kifá ke bó à yoʼ lò dzə̀r. M sí fó wò káv wùn à ghvə́me ye bó yòʼ dzə̀ fòn wùmòʼ wìy fìʼsìn vèn wun e wò ghan.

Ŋgaà Tàrvìnyò 7:26

M yèn ne kifá ke kí birin, e shaà kpú, a dzə̀ wiíy wo dzəə̀n kitám, a dzə̀ lálán, a wó rəə́ sì ji asháŋ. Wìr wo wù yii mo Nyùy taʼà yíi bàʼàr wun, é wù koó kfə́ ŋgaà jay koón e wun kitam.

2 Wòŋ 1:12

bo mo‑óò fó wò vifií wùn à kiíyi, e kfə̀n fo wò vikuʼùy, e fo mbàm, e fo ghvə́m, e dzəə ye bó fòn wùmòʼ wo wù‑uù saʼan ne e wò mbìy yòʼ‑oò yiì ne a ker, a bó wùmòʼ wo wù wiy fo wò bàm yòʼ wíy a ker.»

2 Wòŋ 9:22

Fòn Solomon‑eè shaà afon veé kitu ke nsay adzə̀m e bùʼ, e kfə̀n shaà e vifii.

Ŋgàn 31:3

Lá à yòʼ biìmé, é vikìy reŋer wò. Lá à yòʼ shèm ŋgoo vikìy ve á laar afon.

1 Afòn 3:12

bo mo‑óò fó kifá ke à lonen. M sí fó wò vifií ve à wáa kiíy jeéyjeey vinyò, kfə́ə ve wìr yòʼ‑oò yiì ne a ker, a wìr yòʼ wíy a ker.

1 Afòn 4:1

Solomon‑eè dzə̀ fon wìr veé Isray adzə̀m.

1 Afòn 21:25

Ké ru kí, wìr wùmòʼ yòʼ kfə̀n‑eè dzə̀ shó wo wù‑uù yiìn vinyo ve vi wáa bir Nyùy Tàr, e fiìnè kitú kfə́ moo Fòn Ahav. A kù‑uù domsì wíiy və wun.