Nehemia 13:23 - ŊWÀʼ NYÙY

²³ Kú a dzə e ghan fóo fèy, m yén sá wír veé Juda, aá kér vikìy a dzə̀ wón veé Ashdod wùn à veé Ammon, à veé Moavi,

Nehemia 13:23 Referans Kwoze

Nehemia 10:30

Vé‑eè lìʼ bey, e yòŋ jii, «Vèr yòʼ yíi a juùr wón vér e wón vitum veé nsay fène, a bó vèr yòʼ yíi a lì sa vév vee wón, a way e lav.

Esra 10:10

Taà cù woo Esra nèn nànèn, e sùúy aáwune jii, «Vèn ŋwày ne Nsər Nyùy, e wày vikìy vee vitúm e melav, e nèn a dzə̀sì lòn woó Isray sho.

2 Korin 6:14

M nén a tàʼ, e tir ven vee wír Nyùy jii, lá wìr yòʼ a tatí wùn wìr woo və̀y, é wùn wun wáa yiì a kinyo amòʼón. Vèn kì sá ji bó yòʼ dzə̀ kinyo ke ru kí wùn à ké kisaŋ ki shèm ŋgoo. A bó yòʼ dzə̀ ndzə ye ranén wùn à ye sənér làŋsìn sá, e kfə̀n ji kifá kimòʼón.

Nehemia 13:1

Wáa dzə e kishiíy fóo fèy, aá yoŋ Ŋwàʼ Mooser, a wíri yuúri. Á nèn lò, e dù yòŋ kirə́ʼ ke kí‑iì naarì ji lá wìr woó Ammon kìn woó Moav yòʼ wìy nə̀ə́ a e wír Nyùyí kintatì,

Esra 10:44

Wír vìn adzə̀me‑eè kér vikìy a dzə̀ vitúm, aámóʼó‑oò sí kér wón wùn à vikìy vee shooyi.

Nehemia 4:7

Sanballat wùn à Tobia, à wír veé Arabi, à veé Ammone, à veé Ashdodi yú ji lim kimbom ke kày yeé Jerusaleme dú a kijuŋ, aá sí maysì sə́tí a nsàn si, kí nyár áwune é ŋàŋ.

1 Samuel 5:1

Mo wír veé Filistiàa faàsìn ŋkùv mensàŋ Nyùy, e nèn lì fo Ebeneser, e dù sho e Ashdod.

Ŋwàʼ Fəə 34:11

«Vèn lem kinyo ke m suuy e vèn lán ki. M yíi jùm wír veé Amor wùn à veé Kanane, à veé Hiti, à veé Perisi, à veé Hivi, à veé Jebusi, aá wáa leʼ ven.

Remrí 7:1

Mooser shaà fo mbìy, a suúy jii, «Nyùy Tàr woo Nyùy won wíy lì ven, e dù sho e nsay ye vèn du, e nəə́ sho ji vèn yov, é wù tsəʼ vitúm fo fo vinín fo věn mbìy, a kù dzə̀ mo vèn wíy a nəə́, a dù. Wù wíy tsə̀ʼ wír veé Hit wùn à veé Girgashi, à veé Amori, à veé Kanane, à veé Perisi, à veé Hivi, à veé Jebusi. Dzə̀ vitúm saàmbà, a ví kùʼkìr, e kfə̀n tàvkír, e shaà ven.

1 Afòn 11:1

Fòn Solomon nèn lò, a kòŋ vikìy vee wón vitum. Wù‑uù lì wan Farao ji wiiy ntoʼ, e kfə̀n lì ámóʼó ve dzəə̀n wón Moav, ámóʼó wáa dzə wón Ammon wùn à veé Edome, à veé Sidone, e bóo lì veé Hit.

Nehemia 13:24

a kintoʼnìn ke won vév kí súŋnin a dzə̀ Lám Ashdod, kìn lám sé vitum vímóʼ ví, a bó á yòʼ kì mó a suŋnín e Lǎm Juda.

Nehemia 13:27

Kí nén a dzə ji vèr biʼnin ven é liì kisaŋ wo biibí və̀n, e wày vikìy vee vitúm e lav, e bìn ndzə̀m e Nyùy wor a?»

Ŋwàʼ Rut 1:4

Ntàm lòo dàtìr, wón Naomi vìyi nèn kòóy vikìy fó Moav. Wùmòʼ‑oò dzə̀ Orpa, wùmòʼ Rut. Viyá vi lòo meé áwune fó ji ghvə̀m,

Nehemia 10:31

«Vitúm vee shoon vi wíy wìy e vifá ve way ví, a fə̀m dzə̀ vifá ve yi, e kishiíy ké bam, kìn é kishiíy ke kuʼùn kí, é la vèr yòʼ yùn. «Lóo dzə e saàmbà kiya, é vèr wáa kwiír kwáʼ si, e kfə̀n a tiiné kaá e dzə̀m.