Nehemia 13:22 - ŊWÀʼ NYÙY

²² M lò, e kfə̀n fò sáʼ ji wír veé ram Levìi kfə́mrí á vitú vév, e dù, a shìy a shuu se kày, é kishiíy ké bam ki fíʼ a dzə a kee jeéy kí. Éè Nyùy wom, kú a kuumé rì sa mo bìʼ kin, a sham mo bìʼ koŋ yé ye ghaʼtíné ye yí tíy fo ghán sidzə̀m.

Nehemia 13:22 Referans Kwoze

Nehemia 12:30

Atàá cù wùn à wír veé ram Levìi nèn *kfə̀mrí vitú vév, e kfə̀mrí sa wíri, e nèn kfə̀mrí shuu se kày wùn à kayi.

Nehemia 13:14

Éè Nyùy wom, kú a kuumé mo bìʼ vinyo vìn, e làa yòʼ làysìn vinyo ve juŋ ve mò‑oò yii e wò woo Nyùy wóm lav wùn à lim ye mò‑oò limèe.

Nehemia 13:31

M kfən sìysì sa ji á wáa wìy a e meŋkaʼ mè e ghan se á lèmèn, à cu vifa ve mbìy ve á kavin ví. Éè Nyùy wom, á kuumé rì mo é shiliv she juŋ shi.

Aysaya 49:23

Afone wíy a lìy wón vén, é vikǐy ntoʼ véví wáa nyoór. Á wíy a gvəʼtí, a tsəm sí fo nsay e věn si, a la kibvər fo věn wuù. Á bèy, é vèn nèn kìíy ji m dzə̀ á Nyùy Tàr, a wír ve á yoy, tiir e mǒ wùné yòʼ wíy woomé.»

Aysaya 38:3

Wù‑uù bunrì, diy e ŋàŋ, lón jii, «Éè Nyùy Tàr, ku kuùmé mo mò‑oò ghán e wò mbòv shilív shimòʼón, yii vinyo a dzə̀ ve ví gheen wò».

Nsùyrì Nyùy 130:7

Éè wìr veé Isray, vèn kú a tiír a dzə̀ Nyùy Tàr fó mbìy. Kù kér wun koŋ ye yí tíy fo, a kù luŋèr wun wíri ŋkuuŋkùŋ.

Nsùyrì Nyùy 51:1

Éè Nyùy, shám mendzə̀n mem mè. Ku shàm mo, bìʼ fo à yii koŋ wír vé kóŋen. Sə́ʼsí ajay vémé, bìʼ fo à yii shám wíri é ŋàŋ.

Nsùyrì Nyùy 5:7

A m dzə̀ kém, a dzə̀ m wàa nəə́ e wò lav cù, bìʼ koŋ ye à kér fo mò é ŋàŋ. M wíy a sùyrì wò e wò lav ye ranén, a gvəʼtí e wò si, a ghvəm wò fo.

Nehemia 12:10

Jeshua‑aà dzə̀ tàr à Joyiakim, a Joyiakim dzə̀ tàr à Eliashiv, a Eliashiv dzə̀ tàr à Joyiada,

Nehemia 5:19

Éè Nyùy wom, á kuumé rì mo e shiliv she juŋ shi, bìʼ kinyo kidzə̀m ke m yiìn e wír vìne.

2 Wòŋ 29:30

Fòn Hesekiya wùn aàtǎr ntoʼ vəə́ nèn yòŋ e wír veé ram Levìi ji á wáa sùyrì a Nyùy Tàr e luŋ se Davir wùn Asav woo ŋgaà ntum Nyùy‑iì saŋen sí. Á bèy, áwune nèn a yòv luŋ si, a sùyrì Nyùy e kishéʼrì ki, a gvəʼtí, a ghvəm wun.

2 Wòŋ 29:27

Fòn Hesekiya nèn fò vitaáví ji á yii á cu ye tonèné é kiy cù. Á lòo kèʼ ji á sí yii a cu, wíri nèn, kèʼ a yòv, a sùyrì Nyùy Tàr, vé sòŋé wáa toŋ sóŋ, wír ámóʼó wáa kùm visháʼáy vé Davir woo fon woó Isray.

2 Wòŋ 29:24

atàá cùu nèn seèrí, e lì mensə́, e yiì cú ajay sho e kiy cù ji á mán á ajay wìr veé Isray adzə̀m. Dzə̀ mo fòn‑eè yòŋèn ji á yii á cu ye tonèné, e kfə̀n yiì a yé ajay fo wír veé Israyi adzə̀m.

2 Afòn 23:4

Fòn Josia nèn fò sáʼ e Hilkia woo taà cù wo kuʼùn wùn aàtàá cù ve á tóm wune, aànshìy ve á tíy e shuù se lav cùu ji á fə́tí á vifá ve anyùy vidzə̀m fo Nyùy Tǎr lav. Á fə́tí á vifá ve á lóo cù nyùy woo *Baal, á wàa ker, e kfə̀n fə̀tí vé nyùy woo wiíy woo *Ashera, à ve á lóo cù vifá ve ví bán e yuv, á wàa ker vi. Á nèn fə̀tí vifá vee shooy. Fòn Josia tòn, aá fəə́ ne Jerusalem, e dù e kwaʼ e ghaa Kiwoóy ké Kidron. Á tòn fo bèy, fòn nèn yòŋ, á lì kibvə́, e dù sho e Betel.

Remrí 5:12

« ‹Vèn kuúmé kishiíy kém ké bam ki, e lèm ji kishiíy kee jeéy kí mo mo woo Nyùy Tàr woo Nyùy won‑eè yòŋèn e vèn.

2 Korin 1:12

A dzə̀ mo vèr à wíri yii dzə́, m wàa tuy shwín, a suúy feyì fo shiliv jii, m kù yii yii kinyo e wìr, a dzə̀ ke m yú fo Nyùy, bo taaka e vèn, e làa yòʼ a bìnbìn. A bó yòʼ dzə̀ m wàa yiì kinyo, a dzə̀ ke yii kwaʼtì wír. M kù yii kinyo kidzə̀m, a dzə̀ ke Nyùy din e mò, sə́ mo, a m yii.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

2 Afòn 20:3

«Éè Nyùy Tàr, m lón wò lónén. Kuúmé mo mò‑oò ghán e wò mbòv tìítiy, e shilív shém shí shidzə̀m.»