Nehemia 13:21 - ŊWÀʼ NYÙY

²¹ M wáa kàntì áwune ji á sà wiy, shiiy e ghaa kày ji ka á? A wìr kfə̀n yiì mùm, bo m ghár a wun, é wù yú. E kèʼ fo ghan see shooy, la wìr yòʼ dzəə mùm wáy woó kishiíy ké bam.

Nehemia 13:21 Referans Kwoze

1 Pita 2:14

kìn visher və́ ve wù lèmèn ji á wáa saʼ woŋ, a màʼ ŋgeʼ e vé jayi, a sheʼrí wír ve á yii réŋ.

Esra 7:26

Wír wo wù yíi ten fó a yunín nsər se Nyùy wò, kìn sé fòn, bo á yíi saʼ ŋgaàŋ réŋréŋ mo nsər dzəə̀n, kìn dzə̀ ji á du shó e kisəə, kìn ji á fəə́r, kìn ji á koó vifá və́, kìn ji á wáy ŋgaàŋ e sháŋ.

Nehemia 13:15

Wáa dzə e ghan fen, m yén wíri é Juda, aá kám meluʼ e kishiíy ké bam, wiy e vifá ve yi vi, kúr e vimbèʼbìy, wiy sa e meluʼ mè wùn à báŋ se *vayin si, à *fig, à kfəə́ se vifa si sidzə̀m, aá béʼ, wiy sho e Jerusalem e kishiíy ké bam. M kàntì áwune ji á wáa yen a vifá vee fiìnè é kishiíy ké bam.

Nehemia 13:20

Vé way ve vé‑eè fiinè kfəə́ se vifaa ku siì wìy moo vishiíy vibaà bey, wiyì, á shìíy é ghaa Jerusalem ji á bvəə́shi, e yiì a wáy é kishiíy ké bam.

Nehemia 10:32

«Vèr liʼ sa ji vèr wíy a fo kimbàr ke *shekel kee kimòʼón ki fo vee vitaár vi e kitu ke kiya mo nsər dzəə̀n, ji nsùʼ wó a tom lim yeé lav Nyùy woo Nyùy wor shó.