Nehemia 13:19 - ŊWÀʼ NYÙY

¹⁹ M fó sáʼ ji lóo dzə e ŋkuùr kishìíy ke kí fó e kishiíy ké bam ki, á sə̀tí á shuu se kày, a yen a fóo mvə̀ʼ, a bó kishiíy ké bam ki shaá. M yòŋ bèy, e nèn lèmrì vé lìm vém ámóʼó é shuù se kày ji á wáa yen a fo kifá ki nəə́ á kay e kishiíy ké bam.

Nehemia 13:19 Referans Kwoze

Cù 23:32

Kù wíy a dzə kishiíy ké meèmè kee jeéy kí fo vèn, a vèn kù wíy a tèr fo vifa veé shií, e kèʼ fo ŋkuùr kishìíy kee bvə̀ʼə̀, e meé e ŋkuùr kishìíy kee ghvə̀m. Vèn ku lèm kishiíy kin ki.»

Nehemia 7:3

M nèn yòŋ aáwune ji á wáa yen a fóo wìy mvə̀ʼ shuu se kày yeé Jerusalem, a bó shùy lúm. Mo vé shìy veé shùu kàyi kù wíy a tiy fo, bo á kù wíy a sətí shuu se kày e ŋkuùr, a fìnrì e kóŋ sé mfìn si. M kfən yòŋ ji áwune shóʼtí á wír veé Jerusalem ámóʼó, aá wáa shìy a sa virə́ʼ vee jeéy vímóʼ ví, aámóʼó wáa shìy a dzə̀ á gháŋ se laʼ sév.

Cù 23:22

«Vèn wíy lóo kav vifá fo sum, lá á yòʼ a dìy ji á síy á súm siyín, e dù, e meé e ŋguùŋè si, kìn dzə̀ ji á kfə́nrí wuú, e sìyrí. Vèn lem vee shooy vi ji vé aghéʼncey wùn à viŋgwìy vi. Dzə̀ mo Nyùy Tàr woo Nyùy won.»

Joon 5:10

Vé wòŋe yén, a ŋgaà bònén və̀y béʼ gham rə́, á nèn a saʼ jii, «Lán dzə̀ kishiíy ké bam, a dzə̀ nsər fo wìr wáa beʼ kifá.»

Nehemia 13:20

Vé way ve vé‑eè fiinè kfəə́ se vifaa ku siì wìy moo vishiíy vibaà bey, wiyì, á shìíy é ghaa Jerusalem ji á bvəə́shi, e yiì a wáy é kishiíy ké bam.