Nehemia 13:18 - ŊWÀʼ NYÙY

¹⁸ Kí kù dzə̀ mo atàr véné‑eè yiìn ben, é bo Nyùy maʼ ŋgeʼ e vèsən à ŋkàlaʼ rə̀n kitu? Vèn kfə̀n sí bívir kishiíy ké bam, é Nyùy shwiíy kilòŋ, é ŋgeʼ si kfən nə̀ə́, e dzə̀r e Isray.»

Nehemia 13:18 Referans Kwoze

Esiker 23:26

Wír vee shooyi wíy sòr ndzə̀y sé, e kuúy vifá vé ve sùsù vidzə̀m.

Esiker 23:8

Bó wù yòʼ‑oò lo màʼtì visàkì ve wù‑uù kèʼèn é Ejiv fo wù‑uù kiiyin vilum, á wáa tay wun e wo, a wù dzə̀ə́ wánlè, a shiíy wùn áwune.

Jeremia 44:9

Vèn làysìn ne liì kisaŋ wo vé‑eè yii e nsay Juda, yii e dzəə seé Jerusalem à? Liì kisaŋ wo atàr véné‑eè yii, aàfon veé Judàa yii, a vikǐy ntoʼo yii sa, a vèn kù yii, a vikìy véné yii sa.

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Kintaŋ 32:14

Lèn, vèn kfən ŋàʼáy e kén kí, a jùmrì kiwuú ké atàr vén. Ven vee kidzəə́y ké ambùʼtìvìnyò, vèn lo, e yiì, é dòʼshwiiy Nyùy Tàr maysi, e kòʼ kóʼón e wír veé Israyí kitu.

Cù 26:28

bo m yíi shwiíy kilòŋ ke biibí kí, e shwivír ven, e dzə̀sì ŋgeʼ e věn kitu, é sí foy, e shaà sé mbìy si kàŋ saàmbà, kù bey, bìʼ vinyo vén ve bi ví.

Cù 26:18

«Vinyo ve ghaʼtín vin vi kooy bèy, vèn lurì, kfə́n tén fó a yunín mo, bo m yíi dzə̀sì ŋgeʼ sén kàŋ saàmbà bìʼ ajay vén.

Jeremia 44:22

Mo bó yòʼ‑oò dzə̀ Nyùy Tàr wàa kòmèr liì won kisaŋ wùn à vinyo ve joònè ve vèn yii, nsay yen nèn lày kisáŋ, a dzə kinjúm, e kfə̀n ji kifá ke liy ki, a dzə là wír, kù mo yì dzəə̀n lán və̀n.

Jeremia 44:23

Ŋgeʼ sìn si‑iì nə̀ə́ ven, e wìy shem lán bèn, a dzə̀ bìʼ kiláy ke vèn‑eè ton, cu anyùy sho, nèn jáy e Nyùy Tàr. Vèn yòʼ‑oò ló a yunín Nyùy Tàr. Vèn yòʼ‑oò ló a yu sáʼ rə́, a jùmrì nsər sə́, a yu ntir sə́.»

Ŋwàʼ Fəə 31:12

Nyùy Tàr nèn sùúy e Mooser jii,

Nehemia 10:32

«Vèr liʼ sa ji vèr wíy a fo kimbàr ke *shekel kee kimòʼón ki fo vee vitaár vi e kitu ke kiya mo nsər dzəə̀n, ji nsùʼ wó a tom lim yeé lav Nyùy woo Nyùy wor shó.

Amos 8:5

Vèn lo, vèn wàa shwemkír ven ven jii, ‹Ŋkàʼ woó ŋwee wo fíyi yíi mày e ghàn ka féyì, é bo á kfə́n a kavnín wáy, a bìn vifá ve yi. Kishiíy ké bam ki lo, e mày e ghàn ka, aá fiʼ mvə̀ʼ kitáv ké saàr, e kèʼ wáy. Vèr kér fóo fàr mfìʼ, a màʼ vifá shishàr, a koóy mbàm nyanyày, a boʼ vé yune e kilu mbóʼmé.