Nehemia 13:17 - ŊWÀʼ NYÙY

¹⁷ M nèn a saʼ vilìmbìy veé Juda, a suúy jii, «Dzə̀ liì virìm woó le wo vèn kér və̀n, bívir kishiíy ké bam?

Nehemia 13:17 Referans Kwoze

Nehemia 13:11

M nèn a saʼ vilìmbìy ji á sà ŋwày lav cù bèn ji ka á? M yiì bèy, e nèn bàʼtí wír veé ram Levi, e kfə̀n lèmrì aáwuné virə̀ʼ vé lìm.

Nehemia 13:25

M sáʼ áwune, e kuùrì, e dzə̀v ámóʼó, e dzə̀n nə́ŋ, e kàn áwune, á yí kilìʼ e Nyùy yir. M yòŋ jii, «Vèn yòʼ dzəə́ wìy a juùr wón vén e wón vitume, a vèn yòʼ dzəə́ wìy a way sa wón vév é lav ji vikǐy won vén, kìn ji vén vee vikìy.

Mayka 3:9

Ven vee atǎr saʼ rám Jakov, vèn yuúrí, ven ve á sáʼ kitúm kee Isray. Vèn ŋwáy kinyo kee tínén é nsànloŋ, kù jwivrì kinyo ke ru kí jwívrin.

Mayka 3:1

Á bèy, Mayka wáa tiisí jii: «Ven vee atǎr saʼ rám Jakov, ven ve á sáʼ kitúm kee Isray, vèn yuúrí kinyo ke m lo, a suúy ki. Bó yòʼ dzə̀ kilíŋ kén fó a yiì kijuŋ e wíri a?

Jeremia 13:18

Nyùy Tàr yòŋ e mo jii, m suúy á e fòn wùn yaà yeèfòn jii, «Vèn sə́ʼə́y fó kàvàʼ. Vijuŋ ve ntáráʼ won ví mày ne. Ví keèsí ne fo věn kitu.

Jeremia 5:5

M nen yèn jii, mo‑óò du, e yèn a dzə̀ vilìmbìy vév, e sùŋnín aáwune. A dzə̀ áwune kù kìíy vinyo ve Nyùy Tàr taʼà. A dzə̀ áwune kù kìíy nsər se Nyùy wov. Yii bèy, m dù, e yèn, aá tátí ne adzə̀m, e mèŋ sáʼ Nyùy Tàr. Á tèn ne fó a neŋ e wun sar.

Aysaya 1:10

Ven vee atǎr saʼ ve á noon fo atǎr saʼ veé Sodomé loŋ, vèn yuúrí kinyo ke Nyùy Tàr suuy ki. Ven vee anjiì vinyò ve bi ví moo wír veé Gomorra, vèn fó vituʼùr ví, e yuùrí ntir se Nyùy wòsən sí kijuŋ.

Ŋgàn 28:4

Wír ve á ŋwáy nsəri búri a kù dzə̀ wír ve á méŋ Nyùy, a wír ve á yú nsəri sháʼnin kinyo kév.

Nehemia 5:7

M nèn lèéy kinyo kée yiì. M kùm vilìmbìy wùn à vé saʼa, a roòmè áwune jii, «Vèn jwe, vèn foor afə́r vén mbàm, nyavrì aáwune e séʼ wo vèn shóʼó.» M nèn jàŋ dzəʼə̀m ye kuʼùné bìʼ áwune.

Nehemia 13:16

Wír veé Taya ve vé‑eè dzə́ e Jerusaleme wáa wìy sa e sə́ si wùn à vifá ve way ví kfəə́ e dzə̀m, a fiìnè e Jerusalem, e wír veé Judàa, e vishiíy vé bam.

Cù 19:17

«Lá wìr yòʼ a ker fə́r və é shiliv. Wìr ku sìysì kinyo ke wùn fər və kérí síysin fó jay kinyo bìʼ ŋgaàŋ.

Esiker 20:13

Yii bèy, wír veé Israyi ku shaà fo mbìy, a tav kitú vèr áwune é woʼ. Áwune yòʼ‑oò ló a yu sáʼ yém, e kù shaà fo mbìy, a ŋway nsər sém se sí fó dzəʼə̀m. Áwune‑eè màysì, e bìvír vishiíy vém vé bam ŋkuuŋkùŋ. Bìʼ bey, m rə̀m ji mo‑óò maʼ ŋgeʼ aáwuné kitu e woʼ fey mo dòʼshwíiy wom dzəə̀n, e laàr a fó ŋkuuŋkùŋ.