Nehemia 13:16 - ŊWÀʼ NYÙY

¹⁶ Wír veé Taya ve vé‑eè dzə́ e Jerusaleme wáa wìy sa e sə́ si wùn à vifá ve way ví kfəə́ e dzə̀m, a fiìnè e Jerusalem, e wír veé Judàa, e vishiíy vé bam.

Nehemia 13:16 Referans Kwoze

Ŋwàʼ Fəə 23:12

«Vèn wáa lìm líme kishiíy ntuùfú, lóo dzə e kee saàmbà ki, vèn meèmè, é nàʼ wìr wùn à kimbèʼbìy kfə́ kí meeme, é wír və́ kibàme rəsin, é kiŋgwìy ke kí lim fo wun ki rəsin sá.

Remrí 5:14

a kee saàmbà ki dzə̀ kishiíy ké bam ke Nyùy Tàr woo Nyùy won. Lóo dzə e kishiíy fen, lá wìr yòʼ yiì lim, kìn dzə̀ ŋgaà lav, kìn wán və woo lumèn, kìn woo wiíy, kìn kwàn və́ woo lumène, kìn woo wiíyi, kìn nàʼ və, kìn kimbèʼbìy kfə́, kìn kfə́ə nyàm rə yìmòʼ, kìn kiŋgwìy ke kí dzə́ e věn nsay. Vèn ku yiì, áàkwàn véné meeme sá moo ven.

Ŋwàʼ Fəə 20:10

a ke kí meen ji saàmbà ki dzə̀ kishiíy ké bam ke Nyùy Tàr woo Nyùy won. Lóo dzə e kishiíy fen, lá wìr yòʼ yiì lim. Kìn dzə̀ ŋgaà lav, kìn wán və woo lumèn, kìn woo wiíy, kìn kwàn və́ woo lumène, kìn woo wiíyi, kìn nyám rə, kìn kiŋgwìy ke kí dzəə̀n e wun laʼ, lá á yòʼ lìm lim, a fə̀m dzə̀ rəné,

Nehemia 13:15

Wáa dzə e ghan fen, m yén wíri é Juda, aá kám meluʼ e kishiíy ké bam, wiy e vifá ve yi vi, kúr e vimbèʼbìy, wiy sa e meluʼ mè wùn à báŋ se *vayin si, à *fig, à kfəə́ se vifa si sidzə̀m, aá béʼ, wiy sho e Jerusalem e kishiíy ké bam. M kàntì áwune ji á wáa yen a vifá vee fiìnè é kishiíy ké bam.

Nehemia 13:17

M nèn a saʼ vilìmbìy veé Juda, a suúy jii, «Dzə̀ liì virìm woó le wo vèn kér və̀n, bívir kishiíy ké bam?