Nehemia 13:15 - ŊWÀʼ NYÙY

¹⁵ Wáa dzə e ghan fen, m yén wíri é Juda, aá kám meluʼ e kishiíy ké bam, wiy e vifá ve yi vi, kúr e vimbèʼbìy, wiy sa e meluʼ mè wùn à báŋ se *vayin si, à *fig, à kfəə́ se vifa si sidzə̀m, aá béʼ, wiy sho e Jerusalem e kishiíy ké bam. M kàntì áwune ji á wáa yen a vifá vee fiìnè é kishiíy ké bam.

Nehemia 13:15 Referans Kwoze

Nehemia 10:31

«Vitúm vee shoon vi wíy wìy e vifá ve way ví, a fə̀m dzə̀ vifá ve yi, e kishiíy ké bam, kìn é kishiíy ke kuʼùn kí, é la vèr yòʼ yùn. «Lóo dzə e saàmbà kiya, é vèr wáa kwiír kwáʼ si, e kfə̀n a tiiné kaá e dzə̀m.

Nehemia 13:21

M wáa kàntì áwune ji á sà wiy, shiiy e ghaa kày ji ka á? A wìr kfə̀n yiì mùm, bo m ghár a wun, é wù yú. E kèʼ fo ghan see shooy, la wìr yòʼ dzəə mùm wáy woó kishiíy ké bam.

Ŋwàʼ Fəə 34:21

«Vèn wáa lìm líme vishiíy ntuùfú, lóo dzə e kee saàmbà ki, vèn meèmè. Lá vèn yòʼ lìm lim e kishiíy fóo fèy, kìn dzə̀ é ghan se á shev súm, kìn é ghan se á káv vifá.

Aysaya 58:13

Nyùy Tàr suuy jii: «A vèn lò, a lèm kishiíy kém ké bam ji kishiíy kee jeéy kí, e làa yòʼ a yiì vinyo vén é kishiíy fóo fèy, e kù a ker shií ji bo á kì rə́si kishiíy kee shoon, a yen ji dzə̀ kishiíy ben, a kí kér ghvə́m, e làa yòʼ a dù ghán yén é kishiíy fen, e làa yòʼ a dìy vinyo vén é kishiíy fen, e làa yòʼ a jaár kisúŋnìn,

Esiker 20:13

Yii bèy, wír veé Israyi ku shaà fo mbìy, a tav kitú vèr áwune é woʼ. Áwune yòʼ‑oò ló a yu sáʼ yém, e kù shaà fo mbìy, a ŋway nsər sém se sí fó dzəʼə̀m. Áwune‑eè màysì, e bìvír vishiíy vém vé bam ŋkuuŋkùŋ. Bìʼ bey, m rə̀m ji mo‑óò maʼ ŋgeʼ aáwuné kitu e woʼ fey mo dòʼshwíiy wom dzəə̀n, e laàr a fó ŋkuuŋkùŋ.

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Jeremia 17:24

« ‹Yii bèy, mo woo Nyùy Tàr wáa suúy jii, a vèn lò a dzə kén, a yu kinyo kém, e làa yòʼ a bèʼèy kifá, a tosín shuu se kày yeé ŋkàlaʼ sho e kishiíy ké bam, e kù a lèm kishiíy ké bam, é kí wáa dzə jeéy, a dzə, e làa yòʼ a yiì lim yímóʼó,

Remrí 8:19

A vèn wìy làysìn Nyùy Tàr woo Nyùy won, a jùmrì anyùy kisaŋe, a ghvəm, e kfə̀n a cù áwune, bo m yoŋ e vèn lán, e ké ru kí ji á kù wíy laàr a ven ŋkuuŋkùŋ.

Ŋwàʼ Fəə 35:2

Vèn kér a vishiíy ntuùfú vé a lìm lim yén. Ke kí meen ji saàmbà, bo dzə̀ á kishiíy ké bam, a dzə̀ kishiíy kee jeéy kí ke á meemè bìʼ Nyùy Tàr. A wìr yiì lim e kishiíy fóo fèy, bo á kù yúyri a ŋgaàŋ.

Nehemia 9:29

Wò‑oò kàntì ji áwune wàá binkir, a jùmrì a dzə̀ á nsər yè. Áwune tén, a koʼór a dzə̀ wún, e nèn a shoʼór nsər sé, a ŋway vinyo ve wò‑oò tinen, a vinyo vìn vi dzə̀ ve wò‑oò foon ji a wìr yúninè, wù wìy a ker dzəʼə̀m ye juŋe. Á lò fo fo, e bìn ndzə̀m e wò, e kfə̀n ji antavkìtu wùn aàsə̀mtuʼùrí.

1 Tesalonika 4:6

Lá wìr yòʼ jày e wìr e kinyò fèn, e lì wiíy ŋgaàŋ, bìʼ fo Nyùy wíy fo ŋgeʼ ye kuʼùn e wír ve á yii vinyo vee shoone réŋréŋ mo vèr‑iì sí tír ven.

Efesor 4:17

Ke m tír ven shó e Tàr wòsən Kristu yir kí nén a dzə jii, lá vèn yòʼ dzə́ə a dzə, a yiì a moo wír ve bó á yòʼ kiìn Nyùy. Áwune yòʼ kì fo á dzəə̀n.

Galatia 5:3

M nen kfə̀n a feesí vituʼùr vé wìr ve á biíme ji vé‑éè wáa yiì bèy jii, a wìr lò, a yiì bèy, bo wù kér a fó wìy a ŋeèvì nsər se Nyùy‑iì foon e wír veé Judàa sidzə̀m, a lèm.

Lim Aŋgàa Ntum 20:21

Mò‑oò fiʼtì kinyo kimòʼón e wíri adzə̀m, kìn dzə̀ wír veé Juda, kìn bó yòʼ dzə̀ veé Juda jii, á biner melív mev, e kfə̀n fo Nyùy, e wày shilív e Tàr wòsən Jesus Kristu wùn.

Lim Aŋgàa Ntum 2:40

Pita nèn kfə̀n a suúy vinyo vímóʼ ví vinín, a tir áwune jii, «Vèn ku sə̀ vitú vén fó ŋgeʼ ye Nyùy wíy màʼ e ŋgwàʼ ye bi rə̀n kitu.»

Mayka 6:3

Éè wìr vem, m jày ka e vèn? M kfə̀n ji kibeʼèy fo vèn a dzə̀ é dzəə yeé le? Vèn fó mo binèr.

Jeremia 42:19

Jeremia ku kfə̀n a suúy jii, «Éè kiber ke wìr veé Juda, Nyùy Tàr sùúy ne ji lá vèn yòʼ dù a e Ejiv. Ku kfə̀n a dzə kíwun ke m tír ven shó lán.

Nsùyrì Nyùy 50:7

Éè wìr vem, vèn yuúrí, é m súŋnín. Éè Isray, m yíi a dìn ji vèn jày á ne. Kù dzə̀ mo Nyùy woo Nyùy won.

2 Wòŋ 24:19

Yii bèy, Nyùy tsə́nsí aŋgàa ntum, á wáa kàntì wíri ji á kfə́n á e bàm, la wìr yòʼ kfə̀n.

Nehemia 13:16

Wír veé Taya ve vé‑eè dzə́ e Jerusaleme wáa wìy sa e sə́ si wùn à vifá ve way ví kfəə́ e dzə̀m, a fiìnè e Jerusalem, e wír veé Judàa, e vishiíy vé bam.

Ŋgàn 28:4

Wír ve á ŋwáy nsəri búri a kù dzə̀ wír ve á méŋ Nyùy, a wír ve á yú nsəri sháʼnin kinyo kév.

Amos 8:5

Vèn lo, vèn wàa shwemkír ven ven jii, ‹Ŋkàʼ woó ŋwee wo fíyi yíi mày e ghàn ka féyì, é bo á kfə́n a kavnín wáy, a bìn vifá ve yi. Kishiíy ké bam ki lo, e mày e ghàn ka, aá fiʼ mvə̀ʼ kitáv ké saàr, e kèʼ wáy. Vèr kér fóo fàr mfìʼ, a màʼ vifá shishàr, a koóy mbàm nyanyày, a boʼ vé yune e kilu mbóʼmé.

Ŋwàʼ Fəə 31:12

Nyùy Tàr nèn sùúy e Mooser jii,

Ŋwàʼ Fəə 31:16

Wír veé Israyi kù wíy a lèm kishiíy ké bam kìn ji ŋkàʼ mo rám sév sí wíy a dzə, é wáa dzə *mensaŋ me mè jòʼsìn, e dù, e mày.

Nehemia 10:32

«Vèr liʼ sa ji vèr wíy a fo kimbàr ke *shekel kee kimòʼón ki fo vee vitaár vi e kitu ke kiya mo nsər dzəə̀n, ji nsùʼ wó a tom lim yeé lav Nyùy woo Nyùy wor shó.

Ŋwàʼ Jov 39:12

À yíi a tiír rú vifií é wùn wó ji wù yíi a beʼ sáŋ ye à tinen fó kwaʼ, e kfə̀n a beʼ ye à buʼun é riimé a?