Nehemia 12:8 - ŊWÀʼ NYÙY

⁸ Wír veé ram Levìi wáa dzə jii, Jeshua wùn à Binnuy, à Kadmiel, à Sherebia, à Juda, à Mattania. Wír vìn wùn aàfə́r véví‑iì maʼ luŋ se nsùyrì Nyùy,

Nehemia 12:8 Referans Kwoze

Nehemia 11:17

e lì sa Mattania woo wan Mika wo yì‑iì dzəə̀n wan Sabdi woo wan Asav. Mattania‑aà dzə̀ wír wo wù‑uù yíi kèʼ, a dànèr yòv nsùyrì Nyùy. Ámóʼó wáa dzə Bakbukiya wo yì‑iì dzəə̀n kisher ke Mattania, à Abda woo wan Shammua, Shammua wo yì‑iì dzəə̀n wan Galal woo wan Jedutun.

Nehemia 12:24

Vilìmbìy veé ram Levi vee ji Hashabia wùn à Sherebia, à Jeshua woo wan Kadmiel, e lì afə́r vév ve wùn áwune‑eè tíy, kiʼnìnè, vé‑eè suyrì Nyùy, kfə̀n beerì wun, a mbìv yìmòʼ maʼà, a yìmòʼ kooyì, kù mo Davir woo wir Nyùy‑iì saʼan ji á ku yiì.

Nehemia 11:22

Kitú ke saʼ ke wìr veé ram Levi ve vé‑eè dzə́ e Jerusalem ki‑iì dzə̀ Ussi woo wan Bani wo yì‑iì dzəə̀n wan Hashabia, a Hashabia‑aà dzə̀ wan Mattania woo wan Mika. Ussi‑iì dzə̀ wír woó ram Asav ye yì‑iì dzəə̀n vé yòvi, a yii siysì áwune mo vinyo vi wáa ghanén e lav cù.

Nehemia 9:4

Wír veé ram Levi ámóʼó‑oò tíy e kirə̀ʼ ke seʼtìn kí, tóŋ e Nyùy Tàr woo Nyùy wov kitávín. A vé‑eè dzə̀ jii, Jeshua wùn à Bani, à Kadmiel, à Shebania, à Bunni, à Sherebia, à wùmòʼ woo Bani, e lì Kenani.

Nehemia 7:48

yé Lebana, yé Hagaba, yé Shalmay,

1 Wòŋ 9:33

Wír veé ram Levi ámóʼó‑oò kér yév yee lim a dzə̀ yòv woó lav cù. Atǎr kfəə vìne‑eè shiíykir e mewon me lav meé lav cù, aá yòʼ‑oò lo kfə̀n wày lim símóʼ sí aáwuné kiwo, bìʼ fo vé‑eè lo, á wàa lìm e shùy, a lìm vitsə́ʼə́.

Esra 3:2

Jeshua woo wan Josadak wùn aàfə́r və́ vee atàá cùu nèn tàtí wùn à Serubbabel woo wan Shealtiel wùn aàfə́r vəə́, wùn áwune bóm kíy cù Nyùy woó Isray, kíy wo á yíi a yiì cu se tonèn sí shó réŋréŋ mo Mooser woo ŋgaà lìm Nyùy‑iì saŋen e wun Ŋwàʼ Nsər ji dzə̀ á kù a yiì.

Nehemia 12:7

à Sallu, à Amok, à Hilkia, à wùmòʼ woo Jedayia. Á wír ve yì‑iì dzəə̀n vitú ve atàá cù wùn aàfə́r véví e ghan se Jeshua‑aà dzəə̀n taà cù wo kuʼùn.

Nehemia 12:9

a Bakbukiya wùn à Unni, aàfə́r véví tíy e ŋkìʼnìn, kooyì.

Esra 2:40

Wír ve dzəə̀n ji rám Levìi‑iì dzə̀ jii: Rám Jeshua wùn Kadmiel vee wón Hodavia, wír nshòv sikweè e msaàmbà (74).

Nehemia 7:43

Wír ve dzəə̀n ji rám Levìi‑iì dzə̀ jii, Rám Jeshua wùn à yé Kadmiel, à yé Binnuy, à yé Hodevàa, wír nshòv sikweè e msaàmbà (74).