Nehemia 12:44 - ŊWÀʼ NYÙY

⁴⁴ Wáa dzə e kishiíy fóo fèy, á kfən shòʼtí wír ve á wáa leéy vitáv vee fo á lem afómo wùn à ŋgòn se vifa si, à vifá ve kinshoʼ vi. Vé‑eè yíi a baʼtí vifá ve nsər din ji mbìv atàá cù wùn à ye wìr veé ram Levi, a dzə̀ ve wíri‑iì fó fo kwaʼ se vé‑eè lim e ghaa mvə̀m sé laʼ. A wír veé Judàa‑aà lo yù vijuŋ bìʼ lim ye atàá cù wùn à wír veé ram Levìi‑iì yii.

Nehemia 12:44 Referans Kwoze

Ŋwàʼ woó Rom 12:7

A ŋgaàŋ sə́ a dzə̀ kintatì, wù wàa tiy a dzə̀ shó. Kìn wù duŋrì kinyo ke Nyùy, wù kù a tiy sa sho.

Aysaya 40:31

Yii bèy, wír ve á yoy, tiir a dzə̀ e Nyùy Tǎr wùné kù wíy a gàr, a dù duùn fó mbìy, a gàr, là dór, kù moo lùŋ wo wiy wo wù féŋ e yuv. Áwune wíy a nyeŋ, e làa yòʼ a dor, a ghan, é la shwín sév sí yòʼ a seèm.

Ŋgàn 8:34

Bòŋ ké wìr wo wù yú jí yem, dzə́ e mǒ shùu lav, shiy mo é shùu kày.

1 Wòŋ 23:28

A lim yéví dzə̀ ji á wáa sə a atàá cù vee wón Aaron e lìm see Nyùy Tǎr lav. Vé‑eè yíi a leéy vinyo veé maàndzə wùn à veé mewon me lav meé lav cù, e kfə̀n a leéy ji vifá vee jeéy vidzə̀m vi wáa dzə a là *kifàn. Aáwune kfə̀n‑eè yíi a yiì lim símóʼ sí é lav cù.

1 Wòŋ 9:26

Anshìy vee akweè ve yì‑iì dzəə̀n vitúu kù‑uù dzə̀ wír veé ram Levi feyì feyì, a vinyo vidzə̀m vi shaa a dzə̀ aáwuné kiwo, a kfə̀n kiiy áwune kinyo fo mewon me lav, kfə̀n kiiy ké vitàv vee Nyùy lav.

Kintaŋ 3:10

Ké Aaron wùn à wón vəə́, ku lèm áwune, aá kú a lìm lim yév ji atàá cù. Kí nén a dzə jii, a wìr woo və̀y shaà e mentsə̀m me kibàn ké Nyùy, bo wù kpú.»

Remrí 18:8

Wù wíy a ker kifá ké a yi réŋréŋ mo kí dzəə̀n fó kijàv, e bó a tatí ke kfə́ə rəə́ fiìnèn, a tom wun sho.

1 Wòŋ 26:20

Wír veé ram Levi ámóʼó‑oò leey fo vitàv veé lav cù, kfə̀n leey fo vitàv vé vifa ve vé‑eè shoʼtin, e lèm jeéy ji vé Nyùy.

Nehemia 10:36

«Vèr wíy a lì sa wón vér vee vilum vee vé mbìyi, a wìy sho e Nyùy wór lav, a yen atàá cù sho, ve á lim e ghan see shó, ji á fó e Nyùy mo á saŋen é Ŋwàʼ Nsər, e kfə̀n a wìy sa e wón nyàm vee vilum vee vé mbìyi fó ŋgoo nàʼ wùn à fó ŋgoo njiì, à fó ŋgoo bvəy se loŋ.