Nehemia 12:43 - ŊWÀʼ NYÙY

⁴³ Á nèn a yiì cu si é kishiíy fen sigháʼán. Wìr dzə̀m wáa yu vijuŋ mo Nyùy yiìn, áwune wáa ker kishéʼrì ke tavín kí. Vikìy wùn à wóné‑eè shéʼri sa. Léŋ kisheʼrìi‑iì kóʼ fo Jerusalem, aá yú kwaʼda.

Nehemia 12:43 Referans Kwoze

Esra 3:13

Bó yòʼ‑oò dzə̀ wìr kìíy jeéyjeéy fó kinyò ke kí kooyì, bìʼ fo ŋkěŋ kisheʼrìi‑iì tatin ne, e ghàmnìn wùn à tóŋe, kiléŋléŋ kí wáa dù kwaʼda.

Nsùyrì Nyùy 92:4

Nyùy Tàr, à yiì ne, m wáa sheʼrí bìʼ lim sé se ghaʼtín sí, a m yov, shéʼri bìʼ vinyo ve ghaʼtín ve à yiìn.

Jeremia 31:13

Wónlě ŋgòne wíy a shèr ceŋ, a sheʼrí, é wónlě nsùm wùn à ŋgày sé wìr si wáa yu vijuŋ. M wíy bìnèr diy ye áwune diyì, é yí kfə́n ji kishéʼrì, e sham áwune, e bìnèr mendzən mev é vijùŋ.

Jeem 5:13

A wìr fo vèn lò, a ker ŋgeʼ, wù kù a lon a dzə̀ fo Nyùy, é wù sə́ wun. Wìr wáa dzə e vijùŋ, wù wàa yòv luŋ, a sùyrì Nyùy sho.

Efesor 5:19

Wìr wùn wìr kú a fèr kimfèr a dzə̀ kee kùm Nyùy, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho. Vèn kú a yòv, a sùyrì Nyùy shilív shén shidzə̀m,

Joon 16:22

Dzə̀ sá réŋréŋ mo vèn sov kitú lèn, a vèn wíy a sheʼrí e ghan sé bàm sí, bìʼ fo m du bèn, e dù, e kfən. A bó yòʼ dzə̀ wìr dzəə wìy sə̀ kishéʼrì kee shooy fo vèn.

Matio 21:15

Vitú ve atàá cù wùn à wír ve vé‑eè duŋrì nsər Nyùyi yén viŋgaʼnìn ve vinyò ve wù‑uù yii, e kfə̀n yù mo wónlèé ndzə́ʼ jii, «Fon wor èy, Wàn Davir èy», áwune nèn a yu bír,

Matio 21:9

Màŋgòŋ wùmòʼ shém fó mbìy, wùmòʼ láŋ bám, aá ndzə́ʼ jii: «Fòn wor èy, Fòn wor èy. Á yén mo Wàn Fòn Davir wiyì. Nyùy Tàr ku səə̀vì wír wo wù wiy e wùn yir. Á wáa burí Nyùy woó ntoò yùv.»

Jeremia 33:11

léŋ kisheʼrì fo, a yu wó vijùŋe, a yu yòv vijìn, a yu sa yòv wìr ve á wiy e cúu é lav cù ji á beerì Nyùy. Á wíy a yòv jii: « ‹Á wáa beèrì Nyùy Tàr woo Taà Mànjòŋ, wù dzə̀ e juŋ, a koŋ ye wù koŋ wír vəə́ yòʼ wíy mày.› A kí dzə̀ jii, m wíy siìr vijuŋ veé nsay foo fèy mo ví‑iì yii dzə́. Suuy mo woo Nyùy Tàr.»

Aysaya 61:3

Rúrú, Nyùy Tàr tùm ne mo ji m sə́mér wír ve á diy e Sion. Wù tùm ne mo ji m sə́ʼsí kibvə́ fo áwuné wùn, e sòv tán vibuùshì aáwuné kitu, e yiì, aáwune wáa yu vijuŋ moo wír wo á bòrìn virə̀ʼtìn ve bìʼ e wùn wó, e làa yòʼ dzə́ə a dìy. Aáwune kú a yòv a dzə̀ lúŋ nsùyrì, e làa yòʼ kfə̀n a sòv kitú. Áwune wíy a dzə moo kicí ke bìyìn wun woo Nyùy Tàr, kí téʼ, e rə̀ŋsìn. Á kù wíy a yiì a dzə̀ vinyo ve ru ví, é wíri wáa koʼór yír Nyùy, bìʼ kinyo ke wù yiìn.

Nsùyrì Nyùy 28:7

Nyùy Tàr dzə̀ vitaáví vém, a dzə ŋkeè wom rə̀r, a m yoy, tiir a dzə̀ é wùn wó. Wù sə̀ ne mo, e yiì, m wáa sheʼrí, a m yíi a yòv luŋ, a beèrì wun.

Nsùyrì Nyùy 27:6

Á bèy, m yíi a tiy aàŋgàa vibàn vémé kitu, a vé‑eè gìŋ ne mo, e tàr, a m yíi a seerí nyám si, a cù Nyùy Tàr, a ndzəʼ wun e wun lav cù. M yíi a yòv luŋ si, a sùyrì Nyùy Tàr shó, a burí wun.

Ŋwàʼ Jov 34:29

A Nyùy fə̀m dzə́, e làa yòʼ a ghay, a dzə̀ roòmè la wun? A wù bìn ndzə̀m e wíri, a dzə̀ yèn la wun? Yii bèy, kù kér wun wír, a kù kér wun kitúm,

2 Wòŋ 20:27

Wír veé Juda adzə̀m wùn à veé Jerusaleme nèn a kfən e Jerusalem, a sàvnìn, bìʼ fo Nyùy Tàr‑iì tònèn aŋgaà vév vibàn, e fò aáwune. Vé‑eè kfə́n bèy, a Fòn Jehoshafat du fo áwuné mbìy.

2 Wòŋ 20:13

Wír veé Juda adzə̀m wùn à vikìy véví, à wón véví, à wón ve bóri kù‑uù tíy e Nyùy Tǎr si, e shùu lav cù.

2 Wòŋ 7:10

Wáa dzə e kishiíy kee ji nshòv sitaár e mbaà fó ŋwee woo ji saàmbà, Fòn Solomon siìr wíri é bàm aáwuné melaʼ, a wìr dzə̀m yú vijuŋ, shéʼri vinyo ve juŋ ve Nyùy Tàr‑iì yiìn e Davir, e yiì e Solomon, e kfə̀n yiì e wír və́ veé Israyi.

1 Samuel 4:5

Ŋkùv mensàŋ Nyùy Tàr wìy, e mèé e kilaʼáy, wír veé Israyi wáa yòv kitávín, a kèŋ, nsay wáa sə̀ʼ.

Kintaŋ 10:10

Wíy lóo dzə e ghan se vèn banen, a sheʼrí Nyùy, kìn dzə̀ ŋkàʼ wo á lèmèn ji woó ghan see shó, kìn dzə̀ woo bìʼ ŋwee wo fíyi, vèn tòŋ sóŋ é kitu ke cù ye tonèné, e kfə̀n tòŋ é kitu ke cù kikòŋnìn, é mo woo Nyùy Tàr wáa kuumé ven, a sə ven. Kù dzə̀ mo Nyùy Tàr woo Nyùy won.»

Nehemia 12:42

e bóo lì Ma‑Aseyia wùn à Shemayia, à Eleasar, à Ussi, à Jehohanan, à Malkija, à Elam, à Eser. Vé yòvi ku nèn a yòv kitávín, a Jesrahia dzə̀ kilìmbìy kév.

Nsùyrì Nyùy 9:2

Éè Taà Vitu, m yíi a sheʼrí, a seŋ, a sàvnìn, a yòv, a burí yír yé, bìʼ vinyo ve ghaʼtín ve à yii.

Nehemia 12:27

Wáa dzə e ghan se vé‑eè yii ŋkàʼ wóo mvə̀ʼ kay yeé Jerusalem, á nèn ghàn e rám Levìí virə̀ʼ vé dzə, e fə̀ə́r áwune, e wìy sho e Jerusalem ji á yí á ŋkàʼ vən e kishéʼrì ki. Lóo yi, á wàa yòv a luŋ si, a kwaʼ vifá ve kwaʼán ví, a kùm lúŋ nshì wùn à yé mbàytìi, a beèrì a Nyùy sho.