Nehemia 12:42 - ŊWÀʼ NYÙY

⁴² e bóo lì Ma‑Aseyia wùn à Shemayia, à Eleasar, à Ussi, à Jehohanan, à Malkija, à Elam, à Eser. Vé yòvi ku nèn a yòv kitávín, a Jesrahia dzə̀ kilìmbìy kév.

Nehemia 12:42 Referans Kwoze

Nsùyrì Nyùy 81:1

Á wáa fuŋ yòv e Nyùy woo kikiŋ késən, a yòv, a burí Nyùy Jakov.

Nsùyrì Nyùy 95:1

Vèn wiy, é vèsən wáa yòv, a burí Nyùy Tàr. Vèsən wáa yòv, a ndzəʼ Ŋgaà Lùŋèr wòsən, Wù dzə̀ Kilán ke kí kiŋsìn vèsən.

Nehemia 11:14

Wù‑uù dzə̀ wùn aàfə́r vəə́, aá dzə̀ wír nshòv waamé e mbaà é wiì (128), a wìr dzə̀m kù‑uù dzə̀ wir rə̀r wo tavín, a kitú kév ké saʼ ki‑iì dzə̀ Sabdiel woo wan Haggedolim.

1 Wòŋ 6:40

woo wan Mayker woo wan Baaseya, wo yì‑iì dzəə̀n wan Malkija,

Nehemia 12:41

aá dzə̀ wùn aàtàá cù ve vé‑eè tóŋ sóŋé, a vé‑eè dzə̀ ji Eliakim wùn à Ma‑Aseyia, à Miniamin, à Mikayia, à Elionay, à Sekariya, e lì Hananiya,

Nehemia 12:43

Á nèn a yiì cu si é kishiíy fen sigháʼán. Wìr dzə̀m wáa yu vijuŋ mo Nyùy yiìn, áwune wáa ker kishéʼrì ke tavín kí. Vikìy wùn à wóné‑eè shéʼri sa. Léŋ kisheʼrìi‑iì kóʼ fo Jerusalem, aá yú kwaʼda.

Nehemia 10:8

à Maasia, à Bilgay, e lì Shemayia. Wír vìn adzə̀me kù‑uù dzə̀ atàá cù.

Nsùyrì Nyùy 81:2

Á wáa màʼ luŋ, a kùm nshùm, a bàytì lúŋ, à yé nshìí shó.