Nehemia 12:35 - ŊWÀʼ NYÙY

³⁵ atàá cù ámóʼó ve vé‑eè tóŋ sóŋé nèn sə̀ʼ áwune. Sekariya nèn a jùmrì, Sekariya woo wan Jonatan, wo yì‑iì dzəə̀n wan Shemayia woo wan Mattania, a Mattania‑aà dzə̀ wan Mikayia woo wan Sakkur, wo yì‑iì dzəə̀n wan Asav.

Nehemia 12:35 Referans Kwoze

Joshua 6:4

Ŋkùv mensàŋ yíi a dù sa, aàtàá cùu kù yíi shem mbìy ŋkùv mensàŋ wír saàmbà, aá kér sóŋ see loŋ kiyaʼ adzə̀m. Lóo dzə e kishiíy kee saàmbà, vèn lèv, e kaàrí ŋkàlaʼ kàŋ saàmbà, áàtàá cùu wáa toŋ sóŋ.

Nehemia 11:17

e lì sa Mattania woo wan Mika wo yì‑iì dzəə̀n wan Sabdi woo wan Asav. Mattania‑aà dzə̀ wír wo wù‑uù yíi kèʼ, a dànèr yòv nsùyrì Nyùy. Ámóʼó wáa dzə Bakbukiya wo yì‑iì dzəə̀n kisher ke Mattania, à Abda woo wan Shammua, Shammua wo yì‑iì dzəə̀n wan Galal woo wan Jedutun.

2 Wòŋ 13:12

Vèn leéy, Nyùy dzə̀ vèr áwune, a shém wun mbìy. Atàá cù vəə́ dzə̀ kibáʼtín fó toŋ sóŋ, é vèr nəə́ ven e rə́r sí. Ven veé Isray, lá vèn yòʼ a fùnèn Nyùy Tàr wo dzəə̀n Nyùy atàr vén, bìʼ fo vèn yòʼ yíi so.»

2 Wòŋ 5:12

Wír veé ram Levi adzə̀m ve yì‑iì dzəə̀n vé yòvi wáa tiy e ghaa kiy cù, fo mbìv ye yì kiʼ fo shùy yii tó. Vé‑eè dzə̀ jii, Asav, Heman, Jedutun, e bóo lì wón vév wùn à wír vee áwuné kfəə, aá máʼ ndzə̀y se á fèrìn e làv wo fəvír woo fèm, kwáʼ viŋkwaʼ, kum lúŋ mbàytì, kum yé nshì. Atàá cù ve vé‑eè tóŋ sóŋé‑eè tíy aáwuné ghaŋ, aá dzə̀ wír kishóv mbaà é wiì (120).

1 Wòŋ 25:2

Fo wón Asavi, yì‑iì dzə̀ Sakkur, Joosev, Netania wùn à Asharela. Áwune‑eè lim e Asav woo tàr wóv sar, a yì‑iì fò fon vitaáví e wun, bo wù wáa tiisí ntum Nyùy.

Nehemia 12:34

à Juda, à Benjamin, à Shemayia, à Jeremia,

Nehemia 12:36

Wù wáa jùmrì wùn aàfə́r vəə́, vee Shemayia wùn à Asarel, à Milalay, à Gilalay, à Maay, à Netanel, à Juda, e lì Hanani, aá kér vifá ve yòv vee vé Davir woo wir Nyùy. Áwune wáa lev, a Esra woo ŋgaà dùŋrì du aáwuné mbìy.