Nehemia 12:31 - ŊWÀʼ NYÙY

³¹ M nèn bàʼtí vilìmbìy veé Juda, e yiì, á kóʼ é kitu ke kày. M kfən sìysì vé yòvi ŋgoo sibaà sikuʼùn, á wáa yòv, a beèrì Nyùy. Ŋgoo yìmòʼ wáa lev, a dù e koy yìyí e mbìv Shùu Kày wo wú kiʼ róŋ.

Nehemia 12:31 Referans Kwoze

Nehemia 2:13

Mò‑oò fəə̀ vitsə́ʼ vin, e dù dzə́ə fó Shùu Kày woo fó Mboʼ, e lò, e dù e mbìv Dàn Koosàʼ, e kfə̀n dù e mbìv Shùu Kày wo wú kiʼ Róŋ, du bèy, leey virə́v vé kày yeé Jerusalem ye vé‑eè bvəʼtin, à shuu se kày se və́yí‑iì tònèn sí.

Nehemia 12:38

Ŋgoo vé yòv yìmòʼ‑oò lò, a dù kév a dzə̀ é koy ŋkoòvìi. Vèr à kintoʼnìn ke wìr ki nèn a jùmrì áwune, a shaà e mbìv kày yeé mbìv kùy Kirùmèn ke Kiy se bomén sí, e dù, e meé fo Kay ye Taʼaméné dzəə̀n,

Nehemia 12:40

Ŋgoo se vé yòv see sibaà se sí‑iì yov, suyrì Nyùy si nèn dù, e tìím aáwuné virə̀ʼ é lav Nyùy. M tiím kém vèr à kintoʼnìn ke vilìmbìy ke vèr áwune kì dzəə̀n kí,

2 Wòŋ 5:2

Fòn Solomon‑eè tòóy kfə́m sé wìr veé Isray, e tòóy atǎr ram wùn aàtǎr kfəə véví ji á wàá wiy é Jerusalem ji á fiʼ dù, e lì a ŋkùv mensàŋ Nyùy Tàr fó Ŋkàlaʼ Fòn Davir ye á yoŋ sa ji Sion, e kòʼ á sho e lav cù.

1 Wòŋ 28:1

Fòn Davir‑iì tòóy vilìmbìy veé Isray vidzə̀m, ví báʼtí é Jerusalem. Vé‑eè dzə̀ jii, atǎr ram seé Isray, amfòómé ve á sáʼ akáŋ rər ve á shiy woŋ, e lì amfòómé ve á wám wíri nsə̀kì nsə̀kì, à ve á wám wíri wií wií, e kfə̀n lì wír ve á leey fo kéŋ fòne e dzə̀m, à nyám si shó, kfə̀n leey sa fo wón ntoʼo, e bóo lì atǎr ntoʼ, e siì lì antav wùn à vé rər ve tavkíné adzə̀m.

1 Wòŋ 13:1

Fòn Davir nèn lò, e sùŋnín e vilìmbìy ve wíri ví vidzə̀m. Wù‑uù sùŋnín wùn aàmfòómé ve á sáʼ wír nsə̀kì nsə̀kì, e sùŋnín e ve á sáʼ wíri wií wií.

Nehemia 12:32

Hoshayia wáa lev aáwuné bàm, kintoʼnìn ke vilìmbìy veé Juda ki nèn bàtír,