Nehemia 12:30 - ŊWÀʼ NYÙY

³⁰ Atàá cù wùn à wír veé ram Levìi nèn *kfə̀mrí vitú vév, e kfə̀mrí sa wíri, e nèn kfə̀mrí shuu se kày wùn à kayi.

Nehemia 12:30 Referans Kwoze

Ŋwàʼ Jov 1:5

Áwune yí ŋkàʼ vən, ghánen e melav melav, tárninè, Jov nèn bvəə̀shí, e jàŋrì áwune, e *kfə̀mrí. Wù lo, wù lò é yuv kijàvndzə kijàvndzə, e yiì cu ye tonèné jeéy jeéy mo wón və́ vee vilume dzəə̀n. A wù‑uù rəm fo wun bvə̀m jii, «Rə̀ʼ‑ə́ə̀ wáa dzə, a wón vémé jày ne, e kuù Nyùy aáwuné shiliv.» Á mo Jov kù‑uù yii bèy, ghán sidzə̀m.

Esra 6:21

Wír veé Isray ve vé‑eè kfənen é bàmé nèn yì ŋkàʼ vən wùn à wìr dzə̀m wo wù‑uù màʼtìn liì joònè, e tàtí áwune ji á fíʼ a cù a dzə̀ Nyùy Tàr woo Nyùy woó Isray.

2 Wòŋ 29:5

e sùúy aáwune jii, «Ven vee rám Levi, vèn yuúrí. Vèn kfə́mrí vitú vén ví, e *kfə̀mrí lav Nyùy Tàr woo Nyùy atàr vén. Vèn fəə́r kifá ke kí kóʼoy ki kidzə̀m fo lav cù.

Ŋwàʼ Fəə 19:10

Nyùy Tàr suúy e wun jii, «Sə́y, e sùúy e wíri, aá báʼtí vitú vév lán wùn à kibvəə́shí, e *kfə̀mrí, é vèr áwune tárnín. Á ku sù ndzə̀y sév,

Hibru 5:3

a kwàŋrì antàŋrí vee shooy. A bó yòʼ dzə̀ ji vé wìr vee shooy cáʼcáʼ, wù kwaŋrì sa və́, bìʼ fo wù kù dzəə̀n sá ŋgaà jay.

Hibru 5:1

Vèn kì jii, á yii shóʼ wír ji taà cù wo kuʼùn, bo á lèm ji wù wáa lìm fo wíri, a tatí Nyùy wùn à wíri. Wù nèn a cù Nyùy, a kwàŋrì antàŋrí, bìʼ vinyo ve wíri jáyí.

Nehemia 13:30

Á bèy, m nèn kfə̀mrí áwune fó vinyò ve bvəyrìn ví, e nèn naàrì lim atàá cù wùn à yé wìr veé ram Levìi. Wìr nén a tiy e wun shùu lìm.

Nehemia 13:22

M lò, e kfə̀n fò sáʼ ji wír veé ram Levìi kfə́mrí á vitú vév, e dù, a shìy a shuu se kày, é kishiíy ké bam ki fíʼ a dzə a kee jeéy kí. Éè Nyùy wom, kú a kuumé rì sa mo bìʼ kin, a sham mo bìʼ koŋ yé ye ghaʼtíné ye yí tíy fo ghán sidzə̀m.

2 Wòŋ 29:34

Atàá cù ve yì‑iì dzə̀ á yùv nyám se cù ye tonèné‑eè dzə̀ ashàr. Vé‑eè dzə̀ ashàr, bìʼ fo atàá cù aníne yòʼ‑oò ló ne kfə̀mrí vitú vév mo nsər dinè. Á bèy, afə́r vév vee rám Levi ve á yii lim seé lav cùu nèn a sə áwune, e dù, e meé mo vé‑eè yùvìn nyám, sí mày. Afə́r vév víne dzə̀ kév, a vé‑eè wày shilív e Nyùy kinyò, e shaà atàá cù, e nèn kfə̀mrí vitú vév, e shaà áwune.

Ŋwàʼ Fəə 19:15

Wù nèn kfə̀n sùúy e wíri jii, «Vèn kú a dzə kibáʼtín é kishiíy ke kí meen ji taár, é la wìr yòʼ kfə̀n shìíy e wiíy.»

Kèʼlo 35:2

Jakov nèn sùúy e kfə́ə rəə́ wùn à wír ve wùn áwune‑eè dzəə̀né jii, «Vèn tsəʼ mebvə̀m me anyùy vitume fo věn ghaŋ, mebvə̀m me vèn kérí. Vèn bvəti vishí vén, e màʼ ndzə̀y se ranén sí.

Nehemia 12:29

à fó Bet‑Gilgal, à fó mbìv wòŋ yee Geba wùn à Asmavet, a kù‑uù dzə̀ virə́ʼ vee fo wír véví‑iì bàʼrìn ntèʼ sév fó ndzə, e kaàrí Jerusalem, e tàr.

1 Wòŋ 15:14

Á bèy, atàá cù wùn à wír veé ram Levìi nèn kfə̀mrí vitú vév, e fíʼ a dzə agheénín móo dù, e bèʼèy ŋkùv mensàŋ Nyùy Tàr woo Nyùy wìr veé Isray.