Nehemia 12:29 - ŊWÀʼ NYÙY

²⁹ à fó Bet‑Gilgal, à fó mbìv wòŋ yee Geba wùn à Asmavet, a kù‑uù dzə̀ virə́ʼ vee fo wír véví‑iì bàʼrìn ntèʼ sév fó ndzə, e kaàrí Jerusalem, e tàr.

Nehemia 12:29 Referans Kwoze

Nehemia 11:31

Wír vee rám Benjamine nèn a dzə e Geba wùn ǎ Mikmash, ǎ Ayja, ǎ Betel, ǎ ntèʼ see fó si.

Esra 2:24

Veé Asmavet, wír nshòv sibaà e mkweè (42).

1 Wòŋ 6:60

E nsay rám Benjamin, vé‑eè fò áwune ŋkà se laʼ see Geba wùn à Alemet, à Anatot. Vé‑eè fó bèy, fó kwáʼ bvəy woo fó. Ŋkà se laʼ se vé‑eè jàvìn e rám Aarone mo kfə́ə sév sí dzə̀kìn, sí nén a dzə nshòv sitaár e ghvə̀m.

Joshua 21:17

Fo nsay rám Benjamin, vé‑eè shòʼtí ŋkà se laʼ see jii, Gibeon wùn à Geba,

Joshua 10:43

Joshua màysì bèy, wùn à shúu rər woó Israyi nèn kfə̀n é bàm é Gilgal.

Joshua 5:9

Nyùy Tàr yòŋ Joshua, e sùúy jii, «Lán və̀n, m tsə̀ʼ ne nshoórsí woó Ejiv fo věn kitu.» Mo Nyùy suuyin bey, á nen yòŋ fó ji Gilgal, e shem lán.

Remrí 11:30

Agwan vee abaà víne dzə̀ é mbìv Jordan yee fo shùy yii nəə, e wír veé Kanané nsay, ve á dzə́ e mbuŋ Jordan. A dzə̀ é ŋkìʼnìn Gilgal, a meʼ fo kicí kee *oak ke á yoŋ ji ké More ki dzəə̀n.

Nehemia 12:28

Wír veé ram Levi, vee vé yòvi nèn wìykìr fo ntèʼ seé ghaa Jerusalem, à fó ntèʼ seé Netofa,

Nehemia 12:30

Atàá cù wùn à wír veé ram Levìi nèn *kfə̀mrí vitú vév, e kfə̀mrí sa wíri, e nèn kfə̀mrí shuu se kày wùn à kayi.

Nehemia 13:10

M kfən lò, e yèn ji á yòʼ‑oò dzəə́ fó a mbìv vifa ye yì‑iì dzəə̀n ji ye wìr veé ram Levi. Kí nen yiì, wír veé ram Levi wùn à vé yòv ve vé‑eè lim e lav cùu kfə́nkír aáwuné sum sí.

Nehemia 7:28

Veé Bet‑Asmavet, wír nshòv sibaà e mkweè (42).

Nehemia 7:30

Veé Rama wùn à veé Gebàa, wír nshòv mòʼón e mbaà é ghiì ntuùfú (621).