Nehemia 12:27 - ŊWÀʼ NYÙY

²⁷ Wáa dzə e ghan se vé‑eè yii ŋkàʼ wóo mvə̀ʼ kay yeé Jerusalem, á nèn ghàn e rám Levìí virə̀ʼ vé dzə, e fə̀ə́r áwune, e wìy sho e Jerusalem ji á yí á ŋkàʼ vən e kishéʼrì ki. Lóo yi, á wàa yòv a luŋ si, a kwaʼ vifá ve kwaʼán ví, a kùm lúŋ nshì wùn à yé mbàytìi, a beèrì a Nyùy sho.

Nehemia 12:27 Referans Kwoze

1 Wòŋ 15:16

Fòn Davir kfən sùúy aàtǎr kfəə see rám Levi si ji á shóʼtí á afə́r vév ámóʼó ji vé yòvi, aá wáa yòv luŋ, a kùm lúŋ sí, a kwaʼ vifá ve kwaʼán ví, é kiléŋléŋ kí wáa koʼ, a bòŋ.

2 Wòŋ 29:30

Fòn Hesekiya wùn aàtǎr ntoʼ vəə́ nèn yòŋ e wír veé ram Levìi ji á wáa sùyrì a Nyùy Tàr e luŋ se Davir wùn Asav woo ŋgaà ntum Nyùy‑iì saŋen sí. Á bèy, áwune nèn a yòv luŋ si, a sùyrì Nyùy e kishéʼrì ki, a gvəʼtí, a ghvəm wun.

2 Wòŋ 5:13

Aŋgaà ve vé‑eè tóŋ sóŋ wùn à vé yòvi‑iì tàtí amòʼón, a sùyrì Nyùy Tàr, e kfə̀n a beèrì wun. Vé‑eè yov luŋ kitávín woo jii: «Nyùy Tàr dzə̀ e juŋ, a koŋ ye wù koŋ wír vəə́ yòʼ wíy mày.» Á lòo yòv, lòo kùm vifá ve kumèn ví, lòo toŋ sóŋ sí, lòo kwaʼ vifá ve kwaʼán ví, mbàʼ nèn gbù, e rùn lav Nyùy Tàr.

1 Wòŋ 15:28

Á bèy, wìr dzə̀m woó Isray nèn a wìy e ŋkùv mensàŋ e Jerusalem, a yòv, a rəəmé, a toŋ loŋ, a toŋ sóŋ, a kwaʼ viŋkwaʼ, a kùm lúŋ mbàytì wùn à yé nshìí.

Remrí 20:5

«Á bèy, é vilìmbìy vi nèn yòŋ e wíri jii, ‹A lùmèn dzə̀ fen, a wù báʼrí lav e fíy, a wù yóʼ ne mvə̀ʼ, e dìn e Nyùy, wù wàa kfən e bàm e wun lav. Là bey, wù kpú é shùu rər, bo wìr wo sən yíi mvə̀ʼ.

1 Wòŋ 15:12

e sùúy aáwune jii, «Vèn dzə̀ atǎr kfəə seé ram Levi. Vèn aàfə́r véné yíi *kfəmrí vitú vén, e wìy e ŋkùv mensàŋ Nyùy Tàr, Nyùy wìr veé Isray, e tiír e kirə̀ʼ ke m naŋsin ji kfə́.

1 Wòŋ 15:4

Á wìy, wù nèn tòóy kfə́ə Aaron wùn à wír veé ram Levìi.

Ŋgaà Yen 5:8

Mo wù səən, vifá vee vikweè vìy wùn à kfə́m see nshòv sikweè e mbaà siy si nèn a gbù e si wo. A wìr mòʼón mòʼón kér lúŋ ye vé‑eè fèrìn e *kisha ke mbàm ki, kfə̀n kér kighín ke á fèrìn sá e kisha kee shooy ki. Kiláy kí wáa dzə sho kirúnén, a kí din bunrì ye wír Nyùyi bunrì fo wun.

Filipi 4:4

A m suuy e vèn adzə̀m jii, vèn wáa sheʼrí dzəʼə̀m ye vèn kér vèn à Tàr wòsən Jesus ghán sidzə̀m. A m suuy, kfə̀n lo li jii, vèn wáa sheʼrí.

Nsùyrì Nyùy 149:3

Á wáa dzən, a burí yír rə́, a kùm nshùm, à lúŋ nshìí, a burí wun sho.

Nsùyrì Nyùy 30:1

Áà Nyùy Tàr, m yíi a koʼór yír yé. Wò‑oò nàn mo fó nsay, e làa yòʼ màʼtì ji aŋgaà vém vibàné wáa sheʼ mo.

Nehemia 11:20

Wír veé Isray wùn aàtàá cùu, à wír veé ram Levi ve vé‑eè beriné nèn a dzə kév a dzə̀ é ŋkà se laʼ seé Juda sidzə̀m, a wìr dzə́ a dzə̀ fo vitsə́ʼ vé tàr wov ví dzəə̀n.

Nehemia 8:17

Màŋgòŋ e dzə̀m wo wù‑uù kfənen é bàm fo vé‑eè koon áwune, e dù sho‑oò fèr táv sí, a dzə sho, a sheʼrí e ŋàŋén. Wír veé Israyi yòʼ‑oò yiì yì ŋkàʼ vən e dzəə foo fèy, e kèʼ fo Joshua woo wan Nun ghan, e wìy, e meé e ghan fen.

Esra 6:16

Wír veé Israyi nèn bàʼtí adzə̀m, a dzə̀ ji atàá cù, wùn à wír veé ram Levìi, à kibér ke wìr ke kí‑iì kfənen é bàm kí, wùn áwune nèn yiì ŋkàʼ, e fò lav cù yee shoon e Nyùy.

2 Wòŋ 7:6

Atàá cùu kù‑uù tíy aáwuné virə̀ʼ, a wír veé ram Levìi tíy e vév ví, tíy bèy, kér vifá ve yòv. Vifá ve yòv vìn vi dzə̀ ve Fòn Davir‑iì fèrìn ji á wáa sùyrì a Nyùy Tàr shó. Fòn Davir‑iì lóo sùyrì, wù wàa yòv jii, «Koŋ ye Nyùy Tàr koŋ wír vəə́ yòʼ wíy mày.» Atàá cùu‑uù tíy e ŋkìʼnìn wìr veé ram Levi, tíy bèy, tóŋ sóŋ, a wír veé Isray adzə̀me kù tíy e yuv.

1 Wòŋ 26:31

Kimfèr ke kfəə Hebron mo yí dzəə̀n, kìn mo áwune dzəə̀n é melav melav, kí din ji Jeria dzə̀ á kitú kév. Yì‑iì dzə̀, a Fòn Davir sí sáʼ ji kiyá mkweè, á nèn lò, e kèʼ a tàr mo kfə́ə Hebrone‑eè dzəə̀n, e yèn a vé rər ve tavkíné‑eè dzə̀ wír veé kfəə fèn, aá dzə́ e Jaser, e mbìv wòŋ yee Gilead.

1 Wòŋ 23:5

é vee ansə̀kì akwèe wáa dzə anshìy, é vee ansə̀kì akweè ámóʼó wáa dzə ve á wíy a sùyrì Nyùy e visháʼáy vé yòv ve wun woo fon baʼtin ji á wáa yòv yòv sho vi.

1 Wòŋ 16:42

Heman wùn Jedutun‑eè leey sa fo sòŋ ye toŋéné wùn à viŋkwaʼ ve kwaʼán ví, à visháʼáy vímóʼ ví ve vé‑eè lo, á wàa sùyrì Nyùy sho e kibàn. Vé‑eè lèm wón Jedutun ji á wáa dzə anshìy veé shùu kày.

1 Wòŋ 16:5

Vé‑eè shòʼ Asav ji kilìmbìy, Sekariya wáa dzə ŋgaà ntom və. Jeyel wùn à Shemiramot, à Jehiel, à Mattitia, à Eliav, à Benaya, à Obed‑Edom, à Jeyel wùmòʼ, áwune wáa dzə wír ve vé‑eè yíi a kùm lúŋ sí. Asav‑iì yíi a kwaʼ viŋkwaʼ,

1 Wòŋ 13:8

Davir wùn à wír veé Isray adzə̀me wáa dzən, a yòv e vitaáví vév ví vidzə̀m, a sheʼrí Nyùy Tàr. Vé‑eè yov luŋ, kum lúŋ, kum nshùm, kwáʼ vifá ve kwaʼán ví, kfə̀n tóŋ sóŋ.

2 Samuel 6:12

Davir nèn lò, e yù ji ŋkùv mensàŋ yiì ne a, Nyùy Tàr səə́ví Obed‑Edom, kfə̀n səə̀vì a kifá kfə́ kí kidzə̀m. Wù nèn dù, e lì ŋkùv mensàŋ fo Obed‑Edom laʼ, a wìy sho e ŋkàlaʼ ye á yoŋ ji Ŋkàlaʼ Davir.

Remrí 16:11

Vèn wiy e Nyùy Tàr woo Nyùy wón si, e kirə̀ʼ ke wù wíy shoʼ ji á wáa ghvəm yír rə́ fó, aá wáa yinín, a sàvnìn vèn à wón vén vee vilume, à vee vikìyí, e kù a sàvnìn sa vèn aàkwàn vén vee vilume, à vee vikìyí, à wír veé ram Levi ve á dzə̀kìn e věn ŋkà se laʼa. A sàvnìn vèn à viŋgwìy vi, à wón tsə̀ə́, à vikǐy ŋkfə ve á dzə́ e věn mvəmé.

1 Afòn 8:63

Fòn wáa yiì cu kikoŋnìn e nàʼ nsə̀kì nshòv sibaà e mbaà (22,000), bvə́y si ansə̀kì kishóv mbaà e wiì (120,000). Kù bey, fòn wùn à wìr dzə̀m woó Isray nèn fò lav cù e Nyùy Tàr.

2 Wòŋ 29:25

Fòn Hesekiya‑aà tìír wír veé ram Levi aáwuné virə̀ʼ e Nyùy Tǎr lav. Wù‑uù fò vifá ve kwaʼán ví aáwune, à lúŋ nshìí wùn à yé mbàytìi, kù mo Nyùy Tàr‑iì yòŋèn, e shaà fo Fòn Davir, e kfə̀n shaà fo Gad woo ŋgaà si fòn, à fo Natan woo *ŋgaà ntum Nyùy.

Nehemia 12:43

Á nèn a yiì cu si é kishiíy fen sigháʼán. Wìr dzə̀m wáa yu vijuŋ mo Nyùy yiìn, áwune wáa ker kishéʼrì ke tavín kí. Vikìy wùn à wóné‑eè shéʼri sa. Léŋ kisheʼrìi‑iì kóʼ fo Jerusalem, aá yú kwaʼda.