Nehemia 12:26 - ŊWÀʼ NYÙY

²⁶ Wír vìne‑eè yii lim yév é ghan se Joyiakim‑eè sáʼá, Joyiakim woo wan Jeshua wo yì‑iì dzəə̀n wan Josadak, aá kfə̀n‑eè yii e ghan se Nehemia‑aà dzəə̀n taà saʼ, e kfə̀n yiì e taà cù woo Esra ghan, Esra wo kfə̀n‑eè dzəə̀n ŋgaà dùŋrì.

Nehemia 12:26 Referans Kwoze

Nehemia 8:9

Wìr dzə̀m yú vinyo veé Ŋwàʼ Nsər, e nèn lò, a toŋnín toŋnín. Taà saʼ woo Nehemia wùn à taà cù woo Esra wo kfə̀n dzəə̀n ŋgaà dùŋrì, à wír veé ram Levi ve vé‑eè yéʼey wírií nèn a suúy e wìr dzə̀m jii, «Lá vèn dzə́ə a dìy, lá vèn dzə́ə a toŋ. Lán dzə̀ kishiíy ké Nyùy Tàr woo Nyùy won, kee jeéy kí.

Esra 7:11

Fòn Artakerkes‑iì fò ŋwàʼ e Esra woo taà cù, a kfə̀n dzə̀ ŋgaà dùŋrì wo wù‑uù yeʼeyin ne vinyo vee kùm nsər se Nyùy wùn à sáʼ Nyùy ye wù‑uù foon e wír veé Israyi. Ŋwàʼ və̀ne dzə̀ jii:

Esra 7:6

Esra wáa dzə, a dzə̀ ŋgaà dùŋrì, a wù kì Ŋwàʼ Nsər Mooser kijuŋ, ŋwàʼ wo wú kér nsər se Nyùy Tàr woo Nyùy wìr veé Isray‑iì foon. Wìy lòo dzə e kiya ke kí‑iì meen ji saàmbà mo Fòn Artakerkes‑iì saʼan ne vifon və́, Esra nèn lò fo Babilon a dù e Jerusalem. Mo Nyùy Tàr woo Nyùy və‑əə̀ leey fo wun, fòn nèn biìmé kinyo kidzə̀m ke wù‑uù dzə́rí. Wír veé Isray ámóʼó ve vé‑eè duùn wùn áwune é Jerusaleme‑eè dzə̀ jii, wír vee viy wùn aàtàá cùu, à wír veé ram Levìi, à vé yòvi, à wír ve á yii leey lav cùu, e lì ve á yii lim e lav Nyùy.

2 Wòŋ 9:26

Wù‑uù sáʼ vitúm vidzə̀m vee kèʼ fó ndzəv yee Yufret, e dù, e mèé e nsay Filistia, e kfə̀n dù, e mèé e bìíy Ejiv.

Nehemia 8:1

Wìr dzə̀m nèn wìy e Jerusalem, e bàʼtí e maàndzə yeé Shùu Kày woó Dzəə̀ Ndzə̀v ji wír amòʼón. Á nèn sùúy e Esra woo ŋgaà dùŋrì ji wù wiy á e Ŋwàʼ Nsər wo Nyùy Tàr‑iì foon e wír veé Israyi, e shaà fo Mooser.