Nehemia 12:24 - ŊWÀʼ NYÙY

²⁴ Vilìmbìy veé ram Levi vee ji Hashabia wùn à Sherebia, à Jeshua woo wan Kadmiel, e lì afə́r vév ve wùn áwune‑eè tíy, kiʼnìnè, vé‑eè suyrì Nyùy, kfə̀n beerì wun, a mbìv yìmòʼ maʼà, a yìmòʼ kooyì, kù mo Davir woo wir Nyùy‑iì saʼan ji á ku yiì.

Nehemia 12:24 Referans Kwoze

Nehemia 11:17

e lì sa Mattania woo wan Mika wo yì‑iì dzəə̀n wan Sabdi woo wan Asav. Mattania‑aà dzə̀ wír wo wù‑uù yíi kèʼ, a dànèr yòv nsùyrì Nyùy. Ámóʼó wáa dzə Bakbukiya wo yì‑iì dzəə̀n kisher ke Mattania, à Abda woo wan Shammua, Shammua wo yì‑iì dzəə̀n wan Galal woo wan Jedutun.

Nehemia 9:4

Wír veé ram Levi ámóʼó‑oò tíy e kirə̀ʼ ke seʼtìn kí, tóŋ e Nyùy Tàr woo Nyùy wov kitávín. A vé‑eè dzə̀ jii, Jeshua wùn à Bani, à Kadmiel, à Shebania, à Bunni, à Sherebia, à wùmòʼ woo Bani, e lì Kenani.

Nehemia 8:7

Áwune kú a tiy fo vé‑eè tíyí, a yuurí Ŋwàʼ Nsər, wír veé ram Levìi wáa sə áwune, a toʼtí nsàv, á wáa yu kijuŋ. A wír vìne‑eè dzə̀ Jeshua wùn à Bani, à Sherebia, à Jamin, à Akkuv, à Shabbetay, à Hodia, à Ma‑Aseyia, à Kelita, à Asaria, à Josabad, à Hanan, e lì Pelayia.

Esra 2:40

Wír ve dzəə̀n ji rám Levìi‑iì dzə̀ jii: Rám Jeshua wùn Kadmiel vee wón Hodavia, wír nshòv sikweè e msaàmbà (74).

2 Wòŋ 8:14

Solomon‑eè jùmrì kinyo ke tàr wov Davir‑iì neèrìn, e nèn shòʼtí akáŋ vee vé atàá cù, á wáa yiì lim yév, e kfə̀n shòʼtí sa wír veé ram Levi, á wáa yòv luŋ si, a burí Nyùy sho, e kfə̀n a sə atàá cù, a yiì lim sév mo shií dzəə̀n é kishiíy kee shó. Wù kfə̀n‑eè shòʼtí sá akáŋ vee vé anshìy, á wáa shìy shuu se kày réŋréŋ mo Davir woo wir Nyùy‑iì yòŋèn.

1 Afòn 17:24

Wiíy və̀y suúy e Elija jii, «M kìíy ne lèn ji à dzə̀ wir Nyùy, a jì ye yì fəə́ fo wò shuù dzə̀ rú jí Nyùy.»

Joshua 14:6

Lòo dzə e kishiíy kímóʼ kí, wír veé ram Judàa nèn lò, e wìy, e yèn Joshua e Gilgal. Kalev woo wan Jefunne woo wir Kenas wáa suúy jii, «À kì kinyo ke Nyùy Tàr‑iì yòŋèn e Mooser woo wir Nyùy Tàr kùm wòsò, aá dzə̀ é Kadesh‑Barnea.

Remrí 33:1

Bo Mooser woo *ŋgaà ntum Nyùy wáa kpu, wù‑uù lòn kisəəvì bìʼ rám seé Isray.

2 Timoti 3:17

A Nyùy‑iì fò ŋwàʼ və̀n bèn ji wìr wo wù yii lim rə́ fíʼ a ker kifá ke lìm, e kiíy kinyo kfə́ kijuŋ, a dzə kibáʼtín mó a yiì lim ye juŋe e dzə̀m.

1 Timoti 6:11

Ké wò woo Timoti ki nén a dzə, aà dzə̀ ké ji ŋgaà lìm Nyùy. Kú a leʼ vinyo vee shooy vi léʼén vidzə̀m. Ku wày vifií ví cáʼ ji à wáa yiì a dzə̀ á vinyo ve ru ví, a yiì moo wír wo dzəə̀n wo Nyùy, a way shilív é wùn wó, a kòŋ wir dzə̀m, a tiy e Nyùy wùn kitávín, a lì vinyo vidzə̀m ji weè.

Nehemia 12:23

A vé‑eè sàŋ yír sé atǎr kfəə veé ram Levi e ŋwàʼ, a dzə̀ wo á yii sáŋ vinyo veé wòŋ sho. Á sáŋ bey, e dù, e mèé e ghan se Johanan woo wan Eliashiv‑iì sáʼá.

Nehemia 12:36

Wù wáa jùmrì wùn aàfə́r vəə́, vee Shemayia wùn à Asarel, à Milalay, à Gilalay, à Maay, à Netanel, à Juda, e lì Hanani, aá kér vifá ve yòv vee vé Davir woo wir Nyùy. Áwune wáa lev, a Esra woo ŋgaà dùŋrì du aáwuné mbìy.

1 Wòŋ 16:4

Davir‑iì lò, e shòʼtí wír veé ram Levi ámóʼó ji á wáa lìm a vinyo ve ŋkùv mensàŋ. Áwune‑eè yíi a beèrì Nyùy, a yòv luŋ si, a burí Nyùy Tàr woo Nyùy wìr veé Isray sho.