Nehemia 12:10 - ŊWÀʼ NYÙY

¹⁰ Jeshua‑aà dzə̀ tàr à Joyiakim, a Joyiakim dzə̀ tàr à Eliashiv, a Eliashiv dzə̀ tàr à Joyiada,

Nehemia 12:10 Referans Kwoze

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Nehemia 13:7

é m kfə́n á e bàm é Jerusalem. M kfə́n, e nèn yèn virim ve Eliashiv kfərin wùn Tobia ji wù wáa shiíy a e kitàv keé lav Nyùy.

Nehemia 13:4

Kinyo kìn ki‑iì kooyì, a taà cù woo Eliashiv wo vé‑eè shoʼon, wù wáa leéy vitáv veé lav cù koó ne viŋkar wùn Tobia,

Nehemia 12:26

Wír vìne‑eè yii lim yév é ghan se Joyiakim‑eè sáʼá, Joyiakim woo wan Jeshua wo yì‑iì dzəə̀n wan Josadak, aá kfə̀n‑eè yii e ghan se Nehemia‑aà dzəə̀n taà saʼ, e kfə̀n yiì e taà cù woo Esra ghan, Esra wo kfə̀n‑eè dzəə̀n ŋgaà dùŋrì.

Nehemia 3:1

Eliashiv woo taà cù wo kuʼùn wùn aàŋgàa ŋgoo və́ vee atàá cùu nèn bòm Shúu Kày Njiì, e shwì Nyùy sho ji sì á woo jeéyí, e nèn wàyrí shuu si. Vé‑eè bòm kirə́v ké kày, e kèʼ fo fo, e dù, e meé e Kirùmèn kee Wiì, e kfə̀n dù, e mèé e Kirùmèn kee Hananel, e nèn shwì sá Nyùy sho.

Nehemia 12:9

a Bakbukiya wùn à Unni, aàfə́r véví tíy e ŋkìʼnìn, kooyì.

Nehemia 12:11

a Joyiada dzə̀ tàr à Jonatan, a Jonatan nèn dzə̀ tàr à Jaddua.

1 Wòŋ 24:11

Woo bvə̀ʼə̀ wáa dzə Jeshua, woo ghvə̀m wáa dzə Shekania.

1 Wòŋ 24:12

Woo nshòv mòʼón e ghvə̀m wáa dzə Eliashiv, woo nshòv sibaà e ghvə̀m wáa dzə Jakim.

Nehemia 12:22

Vé‑eè sàŋ yír sé atǎr kfəə veé ram Levi wùn à yír sé atàá cù si, e lèm e ŋwàʼ, e kèʼ fo ghan se Eliashiv‑iì dzəə̀n ji taà cù wo kuʼùn, e kù a saŋ sa bèy e Joyiada ghan, a saŋ e sé Johanan si, à sé Jaddua si, e dù, e meé e ghan se Darius‑iì sáʼ e Persia.