Biblia Todo Logo
Bib sou entènèt

- Piblisite -




Nehemia 12:1 - ŊWÀʼ NYÙY

1 Atàá cù wùn à wír veé ram Levi ve vé‑eè kfənen wùn à Serubbabel woo wan Shealtiel, à Jeshua woo taà cù wo kuʼùné vìne. Vé‑eè dzə̀ jii, Serayia wùn à Jeremia, à Esra,

Gade chapit la Kopi




Nehemia 12:1
22 Referans Kwoze  

Ku dù cércér, e sə̀ *kisha ke mbàm ke fəvír kí wùn à ke baar kí fo áwune. À sə́, à fèr ntáráʼ shó, e sòv e Joshua woo taà cù wo kuʼǔn kitu, wun woo wan Jehosadak.


«Dù sùŋnín lèn e Serubbabel woo taà saʼ woó Juda woo wan Shealtiel, e kfə̀n sùŋnín e Joshua woo taà cù wo kuʼùn woo wan Jehosadak, à kibér ke wìr ke kí‑iì kfənen fó kwaʼ nsàm kí.


Á mo Nyùy Tàr‑iì lùmèrìn shilív shé Serubbabel, woo taà saʼ woó Juda woo wan Shealtiel, wùn à shé Joshua woo taà cù wo kuʼùn, woo wan Jehosadak shi, e kfə̀n lùmèr melív me kiber ke wìr ke kí‑iì kfənen fó kwaʼ nsàm. Shilív shí lúm áwune bey, áwune nen kù kfə̀nkír, e tsə̀ŋén a dzə̀ lim e lav cù, lav Nyùy wov woo Nyùy Tàr woo Taà Mànjòŋ.


Serubbabel woo wan Shealtiel wùn Joshua woo wan Jehosadak, à kibér ke wìr ke kí‑iì kfənen fó kwaʼ nsàm kí ku nèn yùnín jí Nyùy Tàr woo Nyùy wov. Dzə̀ ji vé‑eè yuùrí ntum ye Hagay woo ŋgaà ntum Nyùy‑iì tiisin réŋréŋ mo Nyùy Tàr woo Nyùy wov‑iì tumen wun, e kù nèn biìmé, e ghvə̀m Nyùy Tàr.


Wáa dzə e kiya ke kí‑iì meen ji baà, mo Darius‑iì sáʼ ji fon kitum kee Persia, e kishiíy ké mbìy ki fó ŋwee woo ntuùfú, Nyùy Tàr tiísí ntum rə e Hagay woo *ŋgaà ntum və. A ntum rə̀n‑eè dzə̀ ye Serubbabel woo taà saʼ woó Juda, a dzə̀ wan Shealtiel, a kfə̀n dzə̀ sá ye Joshua woo taà cù wo kuʼùn woo wan Jehosadak.


Jeshua‑aà dzə̀ tàr à Joyiakim, a Joyiakim dzə̀ tàr à Eliashiv, a Eliashiv dzə̀ tàr à Joyiada,


Áwune‑eè kfə̀n wùn à Serubbabel, à Jeshua, à Nehemia, à Asaria, à Raamia, à Nahamani, à Mordekay, à Bilshan, à Misperet, à Bigvay, à Nehum, e bóo lì Baana. Kfəə́ seé Isray se sí‑iì kfənen sí sìne mo vilum véví‑iì dzəə̀n.


Serubbabel woo wan Shealtiel wùn Jeshua woo wan Josadak yú sáʼka wov, e kù nèn kèʼ, e kfə̀n a bàʼrì lav Nyùy e Jerusalem, aŋgàa ntum Nyùy vìyi wáa sə áwune.


áwune nèn dù, e yèn Serubbabel wùn aàtǎr kfəə Israyi, e sùúy aáwune jii, «Vèsən tátí, a bàʼrì lav Nyùy Tàr, bìʼ fo kù dzəə̀n sá Nyùy wo vèr yii cu, a vèr‑iì sí seéri nyám si, cu wun sho, e kèʼ fo ghan se Fòn Esar‑Hadon woó Assiriya‑aà wìyìn e vèr fen.»


Wáa dzə e ŋwee woo baà fó kiya ke kí‑iì meen ji baà mo áwune‑eè kfənen é Jerusalem, e kirə̀ʼ ké lav Nyùy, á nèn kèʼ lim ji á kfən bàʼrì a lav Nyùy fo. Wìr dzə̀m wo wù‑uù kfənen é Jerusalem tátí, a lìm, e kèʼ fo Serubbabel woo wan Shealtiel wùn Jeshua woo wan Josadak, e lì atàá cù wùn à wír veé ram Levi adzə̀m. Áwune‑eè lèm wír veé ram Levi vee kèʼ fó kiya mbaà, a koʼ koʼón ji á wáa leéy a kibaʼrì ke lav Nyùy Tàr ye á kfə̀n baʼrì rə̀n.


Jeshua woo wan Josadak wùn aàfə́r və́ vee atàá cùu nèn tàtí wùn à Serubbabel woo wan Shealtiel wùn aàfə́r vəə́, wùn áwune bóm kíy cù Nyùy woó Isray, kíy wo á yíi a yiì cu se tonèn sí shó réŋréŋ mo Mooser woo ŋgaà lìm Nyùy‑iì saŋen e wun Ŋwàʼ Nsər ji dzə̀ á kù a yiì.


Wír veé ram Levi ámóʼó ve vé‑eè dzə́ e nsay rám Judàa nèn dù, e tàtí rám Benjamin, wùn áwune wáa dzə aáwuné nsay.


à Amaria, à Malluk, à Hattush,


Swiv nou:

Piblisite


Piblisite