Nehemia 11:4 - ŊWÀʼ NYÙY

⁴ é bo wír ámóʼó wáa dzə e Jerusalem, aá ló fó rám Juda, e kfə̀n lò fo yé Benjamine. Vilìmbìy ve yì‑iì dzəə̀n rám Juda vi‑iì dzə̀ jii, Ataya woo wan Ussiya wo yì‑iì dzəə̀n wan Sekariya, Sekariya woo wan Amaria, wo yì‑iì dzəə̀n wan Shefatia woo wan Mahalalel, wo wù‑uù ràmèn fo wàn Juda woo Peres.

Nehemia 11:4 Referans Kwoze

Kèʼlo 38:29

Wù kfən siìr kóy və́ é bàm, fə̀r nen fəə̀ fó mbìy. Máŋkooy njàʼàm jii, «Ábáy, á mo à toʼon ké dzə́ə a?» Wù nèn shù yír woo shooy ji Peres.

Ŋwàʼ Luk 3:33

A Naashon dzə̀ wan Amminadav woo wan Admin, wo yì‑iì dzəə̀n wan Arni woo wan Hesron, wo yì‑iì dzəə̀n wan Peres woo wan Juda.

Ŋwàʼ Rut 4:18

a dzə̀ rám Peres, a yí dzə̀ jii, Peres, Hesron, Ram, Amminadav, Naashon, Salmon, Boas, Obed, Jessi, e lì Fòn Davir.

Nehemia 11:3

Vilìmbìy ve kishev ke wòŋ ke dzəə̀n ji Juda ve ví‑iì dzə́ e Jerusalem vi víne. Yii bèy, kùʼùn wìr veé Isray wùn aàtàá cùu, à wír veé ram Levìi, à vé lìm veé lav cùu, e lì rám aŋgàa lìm Solomone kú a dzə kév é mvəm sé laʼ seé Juda, a wìr kù‑uù dzə́ a dzə̀ fo vitsə́ʼ vé tàr wov ví dzəə̀n,

Nehemia 11:5

Wùmòʼ‑oò dzə̀ Ma‑Aseyia woo wan Baruk, wo yì‑iì dzəə̀n wan Kol‑Hose, Kol‑Hose woo wan Hasaya, wo yì‑iì dzəə̀n wan Adaya woo wan Joyiariv, a Joyiariv‑iì dzə̀ wan Sekariya wo tàr wov dzəə̀n wir kfəə Shilo.