Nehemia 11:30 - ŊWÀʼ NYÙY

³⁰ ǎ Sanoa, ǎ Adullam, ǎ ntèʼ see fó si. Vé‑eè dzə́ e Lakish, ǎ ŋgvən see fó si, e kfə̀n a dzə e Aseka, ǎ ntèʼ see fó si. Nén a dzə jii, áwune‑eè dzə̀ʼə̀m, e kèʼ fo Beersheba fo mbìv yee tsə́n, e dù, e mèé e Kiwoóy ké Hinnom fo mbìv yee kuy.

Nehemia 11:30 Referans Kwoze

Joshua 15:8

Kù bey, bìíy nèn kù kòʼ é Kiwoóy ké Ben Hinnom, e dù a gwàmrì a shaà tsə́n tsə́n e babá sé ŋkàlaʼ wìr veé Jebus, a dzə̀ ji Jerusalem. Yì nen shaà, e kòʼ é kitu ke gwan wo wù neèmèn é mbìv kùy Kiwòóy ké Hinnom, e mbìv yee fo shùy yii nəə mo Kiwoóy ké Refayim ki duùn a ndzə̀y fo kùy.

Joshua 10:3

Fòn Adonisedek nèn tsə̀nsí ntum e Hoham woo fon woó Hebron, e kfə̀n tsə̀nsí e Piram woo fon woó Jarmut, e tsə̀nsí e Jafia woo fon woó Lakish, e tsə̀nsí e Debir woo fon woó Eglon, e yòŋ jii,

Mayka 1:15

Wír veé Maresha, Nyùy Tàr yíi way ven áàŋgàa vibàn véné wo, aá ton ven, é vilìmbìy veé Isray vi du, e lìr e mbvə̀ʼ yeé Adullam.

Jeremia 32:35

Áwune kfə̀n‑eè bòm kirə́ʼ ké cù ke nyùy woo Baal e Kiwoóy ké Ben Hinnom, a lì wón vév vee vilum wùn à vee vikìyí, a yiì cu sho e nyùy woo *Molek, a bó m yòʼ‑oò yiì yòŋ kinyo kee bey, a bó kí yòʼ fə̀m‑eè yiì ne a dzə e mǒ kwàʼtì ji áwune yii kfə́ə joònè woo ben, e yiì, é Juda jáy.»

Jeremia 19:6

Bo ke mo woo Nyùy Tàr suuy ki dzə̀ jii, ghán sí wíy gheén, é la á yòʼ dzə́ə a yòŋ fen ji Kiwoóy ké Tofet, kìn ji Kiwoóy ké Ben Hinnom. Á wíy a yòŋ a dzə̀ ji Kiwoóy ké Kinjuyrì.

Jeremia 19:2

é vèr áwune du á e Kiwoóy ké Ben Hinnom, dzə́ə fó shùu kày wo á yoŋ ji wó Vimbvə́ʼ ve Vifa. Á mee fo, é m fiʼti á kinyo ke wun suuy e mò aáwune.

Aysaya 37:8

Mfòómé woó Assiriya nèn lò, a kfən e bàm, a wù yú ne ji fòn woó Assiriya lò a ne fo Lakish. Wù lòo kfən, e yèn, a fòn sí maʼ Libna e rə́r sí.

Nehemia 3:13

Yì‑iì nàŋsín Hanun wùn à wír ve vé‑eè dzə́ e Sanoàa Shúu Kày woo fó mboʼ. Áwune‑eè nàŋsín, e wàyrí shuu si wùn à mfìn si, à kóŋ sé mfìn si, e kfə̀n nàŋsín sa kirə́v ké kày, e dù, e mèé e Shùu Kày wo wú kiʼ róŋ, a kí dzə̀ kóy kishóv mtàn e ghiì baà.

2 Afòn 23:10

Fòn Josia‑aà bvə̀ʼə́y sá kirə́ʼ ké cù kee Tofet ke kí‑iì dzəə̀n é Kiwoóy ké Ben Hinnom. A wù‑uù bvə́ʼəy ji lá wìr yòʼ kfə̀n a lì a wán və woo wiíy, kìn woo lumèn, a tòn fo ji wun cu a nyùy woo Molek.

Joshua 18:16

Yì nen sə̀y, a dù, e bàʼ e ghaa gwan wo wù kíy Kiwoóy ké Ben Hinnom, ke kí ndzəy kuy fo Kiwoóy ké Refayim. Yì nen sə̀y é Kiwoóy ké Hinnom tsə́n fó wòŋrí gwan woó Jebusi, e sə̀y róŋ róŋ, e bàʼ e En‑Rogel.

Joshua 15:39

Lakish, Boskat, Eglon,

Joshua 12:15

fon woó Libna, fon woó Adullam,

Kèʼlo 21:14

Ndzə bvəə́shí, e jàv, Abraham nèn lì vifá ve yi wùn à kitém ke mendzə̀v kí, e fò e Hagar. Wù shúr é mbèʼ wo, e shàʼtì ji wùn wàn ku dù a duùn bey. Hagar nèn lì kiwuú é dzəə, a ghan, a jan e woʼ yeé Beersheba.

Kèʼlo 25:16

Wón Ishmael vìne nen fèr rám nshòv sibaà e ghvə̀m, a yír sin si dzə̀ sé ram sév réŋréŋ mo áwune dzə́ aáwuné virə̀ʼ.

Nehemia 11:29

Ámóʼó é En‑Rimmon wùn ǎ Tsora, ǎ Jarmut,

Nehemia 11:31

Wír vee rám Benjamine nèn a dzə e Geba wùn ǎ Mikmash, ǎ Ayja, ǎ Betel, ǎ ntèʼ see fó si.