Nehemia 11:24 - ŊWÀʼ NYÙY

²⁴ Petahia woo wír woó ram Juda nèn a dzə wír wo wù‑uù tír fon woó Persia e vinyò ve ví‑iì kùmèn wír veé Isray vidzə̀m, a wù‑uù dzə̀ wan Meshesabel woo wan Sera.

Nehemia 11:24 Referans Kwoze

Kèʼlo 38:30

Fə̀r və̀y nèn fəə̀ lèn e làv wo baar é koy, á shù rə́ yee yír ji Sera.

1 Wòŋ 18:17

Benaya woo wan Jehoyiada wáa dzə kitú ke vé rər ve vé‑eè shiy Fòn Davir, a wón Daviri dzə̀ kév atǎr ntoʼ.

Nehemia 10:21

à Meshesabel, à Tsadok, à Jaddua,

1 Wòŋ 23:28

A lim yéví dzə̀ ji á wáa sə a atàá cù vee wón Aaron e lìm see Nyùy Tǎr lav. Vé‑eè yíi a leéy vinyo veé maàndzə wùn à veé mewon me lav meé lav cù, e kfə̀n a leéy ji vifá vee jeéy vidzə̀m vi wáa dzə a là *kifàn. Aáwune kfə̀n‑eè yíi a yiì lim símóʼ sí é lav cù.

Nehemia 3:4

Meremot woo wan Uria woo wan Hakkos náŋsín kirə́v ke kí batin. Meshullam woo wan Berekiya woo wan Meshesabel náŋsín sá kímóʼ kí. E wun bàm, wáa dzə Tsadok woo wan Baana wo wù‑uù naŋsin sá fómóʼó.

Kèʼlo 46:12

Wón Juda vee vilume‑eè dzə̀ jii, Er wùn à Onan, à Shela, à Peres, à Sera. Yii bèy, a Er wùn Onan‑eè kpùkír é wòŋ Kanan. Wón Peres vee vilume‑eè dzə̀ jii, Hesron wùn Hamul.