Nehemia 11:18 - ŊWÀʼ NYÙY

¹⁸ Wír veé ram Levi ve vé‑eè dzə́ é Jerusalem woo ŋkàlaʼ ye ranén rə̀n, vé‑eè dzə̀ wír nshòv sikweè e mwaamé e ghiì baà (284).

Nehemia 11:18 Referans Kwoze

Nehemia 11:1

Jerusalem‑eè dzə̀ é ghan sin, a wír ve vé‑eè dzə́ foo kù‑uù dzə̀ vilìmbìy ve wíri. Kibér ke wìr ki nèn a tàr kfəə́ se wíri, a shoʼ e mòʼón fo yee ghvə̀me, a tsənsí, á wáa dzə e Jerusalem woo ŋkàlaʼ Nyùy Tàr ye ranén, é kibér ke wìr ki wáa dzə e ntèʼ see fó ghaŋ.

Ŋgaà Yen 21:2

M nèn yèn Jerusalem wo fíy wo dzəə̀n láʼ Nyùy, a wù sə́ʼəy fo yuv fo Nyùy wùn, aá náŋsín, e wàyrí moo jín wo á du sho fo lum.

Ŋgaà Yen 11:2

Lá m yòʼ fìʼ a maàndzə yee fó ndzə. M maʼti á fó bèy. Á fò ne fó a ji wír ve bó á yòʼ kiìn Nyùyi wáa yiì sho mo á koŋè. Áwune wíy tòn ŋkàlaʼ ye lav cù tíy sho rə̀n, e nyàvrì sho a ŋwee nshòv sibaà e mkweè.

Matio 27:53

Jesus wìy fəə̀ fó kpu, wír vìyi nèn dù e Nyùy ŋkàlaʼ yee Jerusalem, wír aníne yén áwune fó.

Matio 24:15

Jesus kfə́n a naàrì jii, «Wíy lòo dzə e ghan see shooy, aá tiír kifá ke *ŋgaà ntum Nyùy woo Daniel‑iì yòŋèn é kirə̀ʼ ké Nyùy, a kifá kee shooy ki kóʼoy, bívir fó.» Wìr wo wù yoŋ kinyo kìn fo ŋwàʼ fèn səəm.

Daniel 9:24

«Ku kìíy ji Nyùy lèm ne ntàm bìʼ vinyo ve wìr vén, à vé ŋkàlaʼ yen ye ranén ví, a ntàm rə̀n dzə̀ kiyá saàmbà kàŋ msaàmbà. Wù lèm ji á mayir á yii ye bií, é vinyo ve á jáy vi seéy, aá kfən màn lòn woo bìʼ vinyo ve bi ví, é Nyùy nèn tìír kinyo kee tínén é nsànloŋ, é kí wáa tiy fo ŋkuuŋkùŋ, e kfə̀n tiír kinyo ke wù‑uù ghemen ndzə e wír vəə́, à ke wù‑uù tumen aŋgàa ntum və́ shó ki. Wù tiirì, aá nèn *kfə̀mrí kirə́ʼ keé lav cù kee jeéy kí féyì.

1 Afòn 11:13

A m yòʼ wíy faàsì sáʼ e dzə̀m fo wun. M wíy màʼtì rám ye mòʼóne e wun, é wù wáa saʼ. M wíy màʼtì bèy, a dzə̀ bìʼ Davir woo ŋgaà lìm wom, e kfə̀n màʼtì bìʼ Jerusalem wo m shoʼon.»

Matio 4:5

Kee shooy ki gháʼ, Satan nèn kfə̀n lì wun, e dù sho e Jerusalem, e kòʼ, e tìír e ntoò kitu ke *lav cù. Wù tiím fó,

Nehemia 11:17

e lì sa Mattania woo wan Mika wo yì‑iì dzəə̀n wan Sabdi woo wan Asav. Mattania‑aà dzə̀ wír wo wù‑uù yíi kèʼ, a dànèr yòv nsùyrì Nyùy. Ámóʼó wáa dzə Bakbukiya wo yì‑iì dzəə̀n kisher ke Mattania, à Abda woo wan Shammua, Shammua wo yì‑iì dzəə̀n wan Galal woo wan Jedutun.

Nehemia 11:19

Fo wír ve vé‑eè leey lav cùu, wáa dzə Akkuv wùn Talmon, e lì aŋgàa ŋgoo vév ve wùn áwune‑eè leey fó, wìr dzə̀m wáa dzə wír nshòv sibaà e msaàmbà e wiì (172).