Nehemia 11:17 - ŊWÀʼ NYÙY

¹⁷ e lì sa Mattania woo wan Mika wo yì‑iì dzəə̀n wan Sabdi woo wan Asav. Mattania‑aà dzə̀ wír wo wù‑uù yíi kèʼ, a dànèr yòv nsùyrì Nyùy. Ámóʼó wáa dzə Bakbukiya wo yì‑iì dzəə̀n kisher ke Mattania, à Abda woo wan Shammua, Shammua wo yì‑iì dzəə̀n wan Galal woo wan Jedutun.

Nehemia 11:17 Referans Kwoze

1 Wòŋ 9:15

e lì Bakbakkar wùn à Heresh, à Galal, à Mattania woo wan Mika, Mika woo wan Sikri, Sikri woo wan Asav,

Filipi 4:6

Lá vèn yòʼ a yaŋyáŋ bìʼ kinyo kímóʼ kí gheéy. Vèn kú a bùnrì a dzə̀ Nyùy, a neèr vinyo ve ví gháʼ ven ví e wùn si. Lóo bùnrì, á wàa beèrì sa wun fo vinyò ve wù rə́si yii e vèn.

Nehemia 12:31

M nèn bàʼtí vilìmbìy veé Juda, e yiì, á kóʼ é kitu ke kày. M kfən sìysì vé yòvi ŋgoo sibaà sikuʼùn, á wáa yòv, a beèrì Nyùy. Ŋgoo yìmòʼ wáa lev, a dù e koy yìyí e mbìv Shùu Kày wo wú kiʼ róŋ.

Nehemia 12:25

Wír ve vé‑eè leey vitáv veé shuù se kàyi‑iì dzə̀ jii, Mattania wùn à Bakbukiya, à Obadia, à Meshullam, à Talmon, e lì Akkuv.

Nehemia 10:12

à Sakkur, à Sherebia, à wùmòʼ woo Shebania,

1 Wòŋ 16:41

Wír ve vé‑eè dzəə̀n wùn áwuneé‑eè dzə̀ Heman wùn à Jedutun, à kibér ke wìr ve vé‑eè shoʼtin, e yòŋrì yír sév ji á wáa yòv luŋ, a beèrì Nyùy Tàr shó, bìʼ fo koŋ ye wù koŋ wír vəə́ yòʼ wíy mày.

1 Wòŋ 16:4

Davir‑iì lò, e shòʼtí wír veé ram Levi ámóʼó ji á wáa lìm a vinyo ve ŋkùv mensàŋ. Áwune‑eè yíi a beèrì Nyùy, a yòv luŋ si, a burí Nyùy Tàr woo Nyùy wìr veé Isray sho.

2 Samuel 9:12

A Mefiboshet kér wán wo terí, a yírí dzə̀ ji Mika. Wìr dzə̀m woo Tsiba lav nèn kù a lìm fo Mefiboshet.

Nehemia 11:16

Ámóʼó jii, Shabbetay wùn Josabad ve yì‑iì dzəə̀n vilìmbìy veé ram Levi, ve ví‑iì leey lim yeé ghaŋ se lav cù,

Nehemia 11:18

Wír veé ram Levi ve vé‑eè dzə́ é Jerusalem woo ŋkàlaʼ ye ranén rə̀n, vé‑eè dzə̀ wír nshòv sikweè e mwaamé e ghiì baà (284).

Nehemia 12:24

Vilìmbìy veé ram Levi vee ji Hashabia wùn à Sherebia, à Jeshua woo wan Kadmiel, e lì afə́r vév ve wùn áwune‑eè tíy, kiʼnìnè, vé‑eè suyrì Nyùy, kfə̀n beerì wun, a mbìv yìmòʼ maʼà, a yìmòʼ kooyì, kù mo Davir woo wir Nyùy‑iì saʼan ji á ku yiì.

Nehemia 12:46

Bìʼ fo, yì‑iì dzə̀ fó ŋgùʼ, e Davir wùn Asav ghan, vilìmbìy ve yòv vi kù‑uù sì, ve ví‑iì danèr luŋ se vé‑eè yov suyrì, kfə̀n beerì Nyùy sho.