Nehemia 10:39 - ŊWÀʼ NYÙY

³⁹ Dzə̀ fo wír veé Isray wùn à veé ram Levìi kù yíi a dù, a lèm nsùʼ e dzə̀m, woo vifá ve yi wùn à woo meluʼ, à woo meŋgvə́r. Vitáv vee shooy vi dzə̀ fo á yii lem vifá ve ker veé lav cù, a kfə̀n dzə̀ fo atàá cù wùn à wír ve á leey lav cùu, à vé yòvi, yii dzə́. «Vèr yòʼ ghán màʼày lav Nyùy wor gheéy.»

Nehemia 10:39 Referans Kwoze

Hibru 10:25

Vèsən kú a tarnín ghán sidzə̀m, e làa yòʼ a màʼày kintatì mo wír ámóʼó yii. Wìr kú a tir fə́r və, a lùmèr shilív sə́, a kuumé ji ghán se Taàtá wòsən Jesus wíy kfən si sì á fo mentsə̀m.

2 Wòŋ 31:12

Mo á bàʼrìn, e nèn kwèʼ kifá kidzə̀m ke wíri‑iì foon, e wày é vitàv fey. Vifá vìn vi‑iì dzə̀ jii, afómo wùn à nsùʼ vifa wo vé‑eè li kee kimòʼón fo vee ghvə̀m vi, à vifá ve vé‑eè lèmèn jeéy ji vé Nyùy vi. Wìr wo wù‑uù leey fo vifa fèn dzə̀ Konaniya woo wír woó ram Levi, a ŋgaà ntom və dzə̀ fə́r və woo Shimey.

Nsùyrì Nyùy 122:9

Fo kòŋ ye m kér bìʼ lav cù Nyùy Tàr woo Nyùy wòsən, m nén a lon ji Nyùy Tàr ku yiì, é vèn wáa dzə kijuŋ.

Remrí 12:17

Ké kifa kidzə̀m ke á fó e Nyùy Tàr moo nsùʼ woo kintóʼ ke kifa kee kimòʼón ki fo vee ghvə̀m vi, kìn dzə̀ ke vèn shoʼon fó vifa ve yi, kìn dzə̀ fó melùʼ, kìn dzə̀ fó meŋgvə̀r, lá vèn yòʼ yì kifá fo fo e věn virə̀ʼ. Lá vèn yòʼ yì sá nyám yee dzə́ə mbìyi, kìn dzə̀ nàʼ, kìn dzə̀ bvə́y. Lá á yòʼ yì sá cu ye dzəə̀n yé ŋkàʼmé, à yé kimbòŋwùné, kìn dzə̀ cu símóʼ sí.

Kintaŋ 18:30

«Ku sùúy e wír veé ram Levìi jii, ‹Vèn lóo fo mbìv ye vèn tayin ji nsùʼ, bo kibér ki sì kén mo bùʼ á ven vifá e riimé, e kòy tútúʼ, e fèr meluʼ sho.

2 Afòn 7:10

Áwune nèn kfə̀n é ŋkàlaʼ, e yòŋ anshìy veé shùu kày, e sùúy jii, «Vèr dù e wír veé Siiriàá kilaʼáy, bó vèr yoʼ yèn wír, bó vèr yoʼ yù kikum ke wìr. Kù mày nyám se ŋkoʼ wùn à vimbèʼbìy ví ve ví tsə́ŋ fo, à táv sév sí, se sí kù tíy fo bèy.»

Kintaŋ 18:26

«Suúy e wír veé ram Levìi jii, ‹Vèn lóo sə nsùʼ fo wír veé Israyi, nsùʼ wo m foon e vèn ji vitsə́ʼ vén, bo vèn yíi fo sa nsùʼ e Nyùy Tàr, a wù yíi a dzə, a dzə̀ ji kintóʼ kimòʼón fo vee ghvə̀m vi.

2 Wòŋ 31:11

Fòn Hesekiya nen yòŋ ji á baʼri á vitáv e Nyùy Tǎr lav. Á ku nèn bàʼrì.

Nehemia 12:47

Wáa dzə e Serubbabel ghan wùn à e Nehemia ghan, wìr dzə̀m woó Isray ku nèn a fo mbìv vifa ye yì‑iì du e vé yòvi wùn à e wír ve á leey kayi. Wìr dzə̀m‑eè bar sa mbìv ye yì du e wír veé ram Levi ámóʼó, a wír veé ram Levìi bar sa mbìv ye yì du e rám Aarone.