Nehemia 10:38 - ŊWÀʼ NYÙY

³⁸ Taà cù woo Aaron ram kù wíy a dzə fo si e ghan se wír veé ram Levìi wíy a sə kirə́ʼ ké kimòʼón kìn. Á sə́, aá jav kirə́ʼ e ghvə̀m, e lì kee kimòʼón ki, e dù sho e lav Nyùy woo Nyùy wor, e dù, e wày é vitàv fó mvəm.

Nehemia 10:38 Referans Kwoze

1 Wòŋ 9:26

Anshìy vee akweè ve yì‑iì dzəə̀n vitúu kù‑uù dzə̀ wír veé ram Levi feyì feyì, a vinyo vidzə̀m vi shaa a dzə̀ aáwuné kiwo, a kfə̀n kiiy áwune kinyo fo mewon me lav, kfə̀n kiiy ké vitàv vee Nyùy lav.

Cù 27:30

«Ké kifa kidzə̀m ke á kavin fó nsay, kìn dzə̀ viyíkìr veé sum, kìn dzə̀ báŋ se vici, bo á jav kirə́ʼ e ghvə̀m, e fo kintóʼ kee kimòʼón ki e Nyùy Tàr ji nsùʼ.

Kintaŋ 15:19

vèn keʼ, lóo laár vifá ve yi veé nsay foo fèy, vèn bàr vímóʼ ví ji cu Nyùy Tàr.

Kintaŋ 15:21

Mo ŋgwàʼ sén sí wíy a dzə, kù dzə̀ mo vèn wíy a yiì bèy, a fo kibán ke mbìy ki e Nyùy Tàr ji cu ye nanèné.

Kintaŋ 18:21

«Ké wìr veé ram Levi ki dzə̀ kév jii, fo kifa kidzə̀m ke wír veé Israyi kéŋé, m fò ne kintóʼ kimòʼón fo vee ghvə̀m vi aáwune ji vév vee vitsə́ʼ. Dzə̀ vilaʼày vév vé lìm ye áwune lim e *kibàn ké ntàsín.

Kintaŋ 18:24

M fò ne áwune vév vee vitsə́ʼ a dzə̀ nsùʼ wo wír veé Israyi fó e mò, a dzə̀ kintóʼ kimòʼón fo vee ghvə̀m ve áwune kéŋé. Á kinyo ke kí yiìn, é bo m yoŋ ké wìr veé ram Levi ji áwune yòʼ wíy a ker a nsay e wír veé Israyí mvəm ji vitsə́ʼ vév.»

Remrí 14:22

Mooser kú a yòŋ e wír veé Israyi jii, «Wíy lóo dzə e kitu ke kiya kidzə̀m, vèn kù a jàv vifá vee káv fó sum, kirə́ʼ e ghvə̀m, a shoʼ kee kimòʼón ki, a lèm jeéy ji ké Nyùy.

Nehemia 13:31

M kfən sìysì sa ji á wáa wìy a e meŋkaʼ mè e ghan se á lèmèn, à cu vifa ve mbìy ve á kavin ví. Éè Nyùy wom, á kuumé rì mo é shiliv she juŋ shi.