Nehemia 10:36 - ŊWÀʼ NYÙY

³⁶ «Vèr wíy a lì sa wón vér vee vilum vee vé mbìyi, a wìy sho e Nyùy wór lav, a yen atàá cù sho, ve á lim e ghan see shó, ji á fó e Nyùy mo á saŋen é Ŋwàʼ Nsər, e kfə̀n a wìy sa e wón nyàm vee vilum vee vé mbìyi fó ŋgoo nàʼ wùn à fó ŋgoo njiì, à fó ŋgoo bvəy se loŋ.

Nehemia 10:36 Referans Kwoze

Ŋwàʼ Fəə 13:2

«Fó kifá kidzə̀m ke dzəə̀n dzə́ə mbìyi kee lumèn ki ji kinshoʼ kém. Wìr woó Isray dzəə wan mbìy, a dzə̀ lumèn, bo dzə̀ wóom. Nyàm dzəə wan mbìy woo lumèn, bo kù dzə̀ sá wóom.»

Galatia 6:6

Kímóʼ kí nén a dzə jii, wír ve á yéʼey kinyo ke Nyùy yéʼéyíné wáa jàv a vifá ve Nyùy foon aáwune vidzə̀m, a fo wír ve á yéʼey áwune.

Remrí 12:6

Dzə̀ fó, fo vèn wíy a wìy e cu yén ye tonèné, à ye seeríné, e kfə̀n a wìy e nsùʼ woo kintóʼ ke kifa kee kimòʼón ki fo vee ghvə̀m vi, a wìy e kfəə́ se cù si jeéy jeéy, a wìy e cu ŋkàʼmée, à yé kimbòŋwùné, e kfə̀n a wìy e kifá kee dzə́ə mbìy ki fó mvə̀m nyàm si, kìn fo věn bvəy si.

Ŋwàʼ Fəə 34:19

«Wón wíri vee vilum, kìn wón nyàm, à wón nàʼa, à wón bvəy vee vilume ve dzəə̀n dzə́ə mbìyi sì vém adzə̀m.

Kintaŋ 3:13

bìʼ fo wón adzə̀m ve dzəə̀n dzə́ə mbìyi kù dzə̀ vém. Mò‑oò yùyrí wón vee dzəə́ mbìyi é wòŋ Ejiv e kishiíy fóo fèy, e nèn shòʼ kifá kidzə̀m keé Isray ke dzəə̀n dzəə́ mbìyi ji kém. Kìn dzə̀ wan wìr, kìn wo nyàm, bo kù sí wìy a dzə vém. Dzə̀ mo Nyùy Tàr.»

Ŋwàʼ Fəə 23:19

«Vèn káv vifá ve mbìy vee věn nsay, vèn shàv ve juŋ vi, e wìy sho e mǒ lav, mo woo Nyùy Tàr woo Nyùy won. «Lá wìr yòʼ nàá wan bvəy e vín kiyìyí.

2 Wòŋ 31:5

Wíri‑iì yù sáʼ rə̀n, e nèn kù a wìy e ŋgòn se vifa see jeéy jeéy sí sigháʼán, sé vifa veé sum veé liì sàŋ, à sé melùʼ si, à sé meŋgvə̀r sí, à sé vilù si, e bóo lì sé vifa veé sum vímóʼ ví. Á kfən wìy e nsùʼ vifa vidzə̀m, aá jav kifá kee shó kirə́ʼ e ghvə̀m, á fò a dzə̀ kee kimòʼón ki. Á bèy, á nèn a fo vifá vigháʼán vigháʼán.

Nehemia 12:44

Wáa dzə e kishiíy fóo fèy, á kfən shòʼtí wír ve á wáa leéy vitáv vee fo á lem afómo wùn à ŋgòn se vifa si, à vifá ve kinshoʼ vi. Vé‑eè yíi a baʼtí vifá ve nsər din ji mbìv atàá cù wùn à ye wìr veé ram Levi, a dzə̀ ve wíri‑iì fó fo kwaʼ se vé‑eè lim e ghaa mvə̀m sé laʼ. A wír veé Judàa‑aà lo yù vijuŋ bìʼ lim ye atàá cù wùn à wír veé ram Levìi‑iì yii.

Nehemia 13:5

e fò kitáv ke kuʼùn kí, wù wáa shiíy sho. A kù dzə̀ kitáv fo vé‑eè yii lem cu vifa ve yi wùn à kiláy kee *frankinsen ki, à vifá ve ker vi, à vifá ve á fìʼìn kirə́ʼ e ghvə̀m, e shòʼ kee kimòʼón ki, e wìy sho, a yì‑iì dzə̀ sáŋ wùn à meluʼ mè, à meŋgvə́r mè, a dzə̀ vifá ve Nyùy‑iì yòŋèn ji á wáa fo e wír veé ram Levi wùn à e vé yòvi, à e wír ve vé‑eè leey kayi. Á kfə̀n‑eè lem sa mbìv vifa ye yì‑iì du aàtàá cùu fó.

Malakay 3:10

«Vèn wiy e nsùʼ wo a kì dzə̀ vèn wìy shó e dzə̀m, e lèm e mǒ kitàv. Nsùʼ woo ji á jav kifá ke á keŋen kirə́ʼ e ghvə̀m, e fò kee kimòʼón e Nyùy. Vèn wiy shó, é viyíkìr vi fíʼ a dzə e mǒ lav. Mo woo Nyùy Tàr woo Taà Mànjòŋ suuy jii, ‹Vèn ku mùm mo, e wìy e nsùʼ və̀n, e yèn mo m lo, e mvə̀ʼ shúu yuv, e cuùrì kisəəvì, é kí kuʼ, é vèn búŋ vitáv vé a lèm sho.