Nehemia 10:35 - ŊWÀʼ NYÙY

³⁵ «Vèr kfə̀n yíi a fo sa vifá ve mbìy vi e Nyùy Tǎr lav. Vifá ve mbìy ve vèr káv fo věr sum sí wùn à ve vèr koy kòyìn fó vici ví, aá kù wíy a yiì bèy e kiya kiya.

Nehemia 10:35 Referans Kwoze

Remrí 26:2

vèn kù a lì vifá vee káv mbìyi, ve vèn lìmèn é nsay ye Nyùy Tàr woo Nyùy won fó e vèn, a way e ŋkaà, a dù sho e kirə̀ʼ ke Nyùy Tàr woo Nyùy won wíy shoʼ ji á wáa ghvəm wun fo.

Ŋwàʼ Fəə 23:19

«Vèn káv vifá ve mbìy vee věn nsay, vèn shàv ve juŋ vi, e wìy sho e mǒ lav, mo woo Nyùy Tàr woo Nyùy won. «Lá wìr yòʼ nàá wan bvəy e vín kiyìyí.

Kintaŋ 18:12

«M kfə̀n fò ne wò ŋgòn se vifa se wír veé Israyi táy a dzə̀ ve juujùŋ vi, fó e Nyùy Tàr, ŋgòn se vifa veé sum wùn à meŋgvə́r me fíy mè, à meluʼ mee koy mbìyi.

Ŋwàʼ Fəə 34:26

Vèn káv vifá ve mbìy vee věn nsay, vèn shàv ve juŋ vi, e wìy sho e mǒ lav, mo woo Nyùy Tàr woo Nyùy won. Lá vèn yòʼ nàá wan bvəy, e vín yè woví.»

Kintaŋ 18:2

Ku lì afə́r vé ve dzəə̀n rám Levi, Levi woo tàr à ram yén, é vèn áwune wáa lìm, aá wáa sə vèn à wón vée e ghan se vèn taʼtìn e shùu *kibàn ké mensàŋ.

Esiker 44:30

Fo vifa vee káv fó sum wùn à báŋ se vifa si, vifá vìn, ve dzəə̀n káv mbìyi, wùn à kfəə́ se cù sidzə̀m se wír veé Israyi yii fəər ji á wáa cù mo shó vi, kù sí wìy a ker atàá cù. Vèn kfə̀n wíy a ŋèʼ sa meŋkfəŋ mee káv mbìyi, a fo aàtàá cùu. A vèn wìy a yiì bèy, bo m wíy a səə̀vì láʼ sén.

Cù 6:5

kìn dzə̀ kifá kiné kí ke wù kùvrìn, e lìʼ, e kàn yír Nyùy kisáŋ. Wù kù siìr kifá kee shó e wun kishiíy ké cù yee bìʼ njò. Wù lóo siìr, é wù kfən dzə̀sì kintóʼ kímóʼ kí shó. Kintóʼ kee shooy ki kú a dzə moo, aá kì jàv kifá kee shooy virə́ʼ vitàn, á lì kee kimòʼón kí. Wù dzəsì, é wù nèn fò lèn kidzə̀m e ŋgaà kifa.

Cù 6:6

Wù siirì, é wù kfən cù Nyùy Tàr, e fíʼ làʼ njò rə. Wù yíi wìy e kiyáʼ kee là nsem ki, a dzə̀ ke kí gheenen é cù yee bìʼ njò, e yen taà cù sho.

Nehemia 13:31

M kfən sìysì sa ji á wáa wìy a e meŋkaʼ mè e ghan se á lèmèn, à cu vifa ve mbìy ve á kavin ví. Éè Nyùy wom, á kuumé rì mo é shiliv she juŋ shi.