Nehemia 10:34 - ŊWÀʼ NYÙY

³⁴ «Ver vee atàá cù, vèr à wír veé ram Levìi, à wìr dzə̀m tàr ne, e shòʼtí kfəə́ se sí yíi a wìy e meŋkaʼ me cù mè e Nyùy wór lav e ghan se á sìysìn, e kiya kiya, aá wáa tòn e Nyùy Tàr woo Nyùy wór kiy cù, mo á saŋen é Ŋwàʼ Nsər.

Nehemia 10:34 Referans Kwoze

Nehemia 13:31

M kfən sìysì sa ji á wáa wìy a e meŋkaʼ mè e ghan se á lèmèn, à cu vifa ve mbìy ve á kavin ví. Éè Nyùy wom, á kuumé rì mo é shiliv she juŋ shi.

Aysaya 40:16

A wìr fə̀m lò ji wun‑éè cu Nyùy Tàr e cu ye tonèné, bo bó yòʼ dzə̀ vicí veé Lebanon vi fə̀ə́r meŋkaʼ megheénén. Bó yòʼ dzə̀ sá, á lo ji cu ye tonèné, nyám see fó si ghèén.

Ŋgàn 18:18

Melaà mè yii gháʼá, á màʼ sí mbàm, e lì mbìv ye yì fəəsin, kí tìnén melaà, e jàvsìn vindzəʼ ve antav.

Nehemia 11:1

Jerusalem‑eè dzə̀ é ghan sin, a wír ve vé‑eè dzə́ foo kù‑uù dzə̀ vilìmbìy ve wíri. Kibér ke wìr ki nèn a tàr kfəə́ se wíri, a shoʼ e mòʼón fo yee ghvə̀me, a tsənsí, á wáa dzə e Jerusalem woo ŋkàlaʼ Nyùy Tàr ye ranén, é kibér ke wìr ki wáa dzə e ntèʼ see fó ghaŋ.

1 Wòŋ 24:7

Á shwéŋ bey, wìr mbìy wo kí‑iì koon kiwuú kfə́ wáa dzə Jehoyiariv. Wo wù‑uù batin wáa dzə Jedayia.

1 Wòŋ 24:5

Á kù‑uù shwéŋ ké wìr dzə̀m shwéŋén, e bó a dìn káŋ woo wo wìr, bìʼ fo kí‑iì gháʼ fóo shoʼ mo rám see sibaà sin sidzə̀m si‑iì kér atàá cù ve vé‑eè kér antaʼ e lav cù, kfə̀n kér ve vé‑eè kiìn kinyo ke Nyùy kijuujùŋ.

Joshua 9:27

Wáa dzə e kishiíy fen, Joshua ku nèn lèm wír veé Gibeon ji á wáa siv a meŋkaʼ, e kfə̀n a tu a mendzə́v, a fo a e wír veé Israyi, e kfə̀n a dù e mendzə́v mee Nyùy Tǎr kiy cù mè. Kí ku nèn a dzə bèy, e wìy to lán e kirə̀ʼ kidzə̀m ke Nyùy Tàr‑iì wíy shoʼ ji á wáa cù wun sho.

Lim Aŋgàa Ntum 1:26

Á bùnrì bèy, e shwèŋ, kí koó Matiar. Á nèn wày wun aàŋgàa ntum Jesus vee nshòv mòʼón e ghvə̀mé ŋgoo.

Cù 24:5

Nyùy Tàr kfən yòŋ e Mooser ji wù suúy á ji á li á meŋkfəŋ me kpuún mè akilu nshòv sikweè e mbaà, e fèr ntuʼ se kiban sho nshòv sibaà e ghvə̀m.

Cù 24:6

Á yíi daà ntuʼ se kiban sìn ŋgoo sibaà é kidàŋ ke á laʼtin kisha ke mbàm ke baar kee wúntí kíwun sho. Ŋgoo yíi a ker ntuʼ ntuùfú.

Kintaŋ 28:2

«Naàrì e wír veé Israyi jii, cu ye á cu mo shó, a və́yí bin fo foo kù dzə̀ á ji vifá vém vé yi. Á ku yèn ji á wáa yiì a e ghan see shó, é kirəm kfə́ kí wáa rə̀ʼtìn, a bòŋ mo woo Nyùy Tàr.

2 Wòŋ 2:3

Fòn Solomon‑eè tsə̀nsí ntum e Hiram woo fon woó Taya jii, «Wòsò suúsín mo vèn tàr wor Davir‑iì suusin, à tsə́nsí vicí vé *sidar e wun, wù báʼrí ntoʼ rə shó.

Esra 3:5

Vé‑eè yii sa cu ye tonèné yee ghán sidzə̀m wùn à yé ŋwee wo fíyi, à yé ŋkàʼ sé Nyùy Tàr see jeéy sí, e bóo lì yé kimbòŋwùn ye wìr yii e Nyùy Tàr.