Nehemia 10:33 - ŊWÀʼ NYÙY

³³ Aá ku wìy a lìm vinyo veé lav Nyùy sho vee jii, kibán ke á maʼ Nyùy sho, à cu vifa ve yi yee ghán sidzə̀me, à nyám se cù ye tonèné yee vishiíy vidzə̀me, à vifá ve cù seé vishiíy vé bam vi, à vifá ve *Ŋkǎʼ Ŋwee wo Fíyi, à vé ŋkàʼ se shavín sí, à vé cù yee jeéyí, à vé cù ye á mán ajay wìr veé Isray shoo, e bóo lì lim símóʼ sí sidzə̀m see Nyùy woo Nyùy wór lav.

Nehemia 10:33 Referans Kwoze

2 Wòŋ 2:4

M yoŋ bèn, a m lo, e bàʼrì lav cù, e fo e Nyùy Tàr woo Nyùy wom, aá wáa ghvəm wun fo. Dzə̀ fó, fo á yíi a tòn kiláy ke rəʼtìn kí, a cù Nyùy Tàr shó, e kfə̀n a neèr kibán fo, é kí wáa dzə e wun si ghán sidzə̀m. Á kfə̀n yíi a yiì cu se tonèn sí fó, kijàvndzə kidzə̀m wùn à e ŋkuùr, a yiì e vishiíy vé bam, e kfə̀n a yiì e vishiíy vé *Ŋkǎʼ Ŋwee wo Fíyi, a yiì e vishiíy vé ŋkàʼ vímóʼ ví ve á lèm ji vé Nyùy Tàr woo Nyùy wor. Á mo kí dzəə̀n ji wír veé Israyi wáa yiì, e wìy dù, e mày.

Hibru 10:11

A ké atàá cù veé *mensàŋ me mvə mè ki dzə̀, a vé‑eè rə́si tíy kév vishiíy vidzə̀m, táŋri antàŋrí, a bó yòʼ dzə̀ féyì antàŋrí vee shooyi yiì, wìr ràn fo wùn vinyò ve bi ví.

Kolosia 2:16

Mo vèn sí yú kinyo a dzə̀ ké Nyùy, lá vèn yòʼ dzə́ə a yuurí kinyo ke wìr ve á suuy ji wír Nyùyi kér fó a nyeŋ vifá ve yi vímóʼ ví, wùn à vifá ve noón ví, e kfə̀n a rəsí kishiíy ké mbìy ki fó ŋwee, a bam vishiíy vímóʼ ví é kiya, e kù a lèm kishiíy ké bam a dzə̀ á ké wìr veé Juda.

Ŋwàʼ Fəə 30:16

À wíy a sə mbàm sìn fo wír veé Israyi, a lèm ji sé lìm yeé kibàn. M wíy a kuumé wír veé Isray bìʼ mbàm sìn, a teʼtín áwune fó ŋgeʼ.»