Nehemia 10:32 - ŊWÀʼ NYÙY

³² «Vèr liʼ sa ji vèr wíy a fo kimbàr ke *shekel kee kimòʼón ki fo vee vitaár vi e kitu ke kiya mo nsər dzəə̀n, ji nsùʼ wó a tom lim yeé lav Nyùy woo Nyùy wor shó.

Nehemia 10:32 Referans Kwoze

Kèʼlo 28:22

a tíy ye m tuuyin rə́ne wíy a dzə kirə́ʼ, a dzə̀ kee fo á wíy a bùnrì wò. A m kfə̀n wíy a jàv vifá ve à fó e mò vidzə̀m kirə́ʼ e ghvə̀m, a fo kee kimòʼón ki e wò.»

2 Korin 8:12

A wìr kòŋ ji wù fó kifá mo wù kérí, Nyùy kù səə̀sí kifá kee shooy. A bó yòʼ dzə̀ wù wàa leéy ji wìr fó kifá ke bó yòʼ dzəə̀n vitaáví və́.

Ŋgàn 3:9

Á sùyrì Nyùy Tàr e bùʼ wò, à vifá ve à kavin fó sum vé mbìy vi.

Ŋwàʼ Fəə 23:11

Yii bèy, lóo dzə e kee saàmbà ki, é vèn nèn kwìír, e màʼtì là káv ji aŋgàa kitàn vee věn mvəmé wáa yikír sa fo fo, é nyám seé kwaʼ si wáa yi sa kibér. Kù dzə̀ sá mo vèn yíi a yiì e súm vitiír vé *vayin vi, à wó vici vé *oliv vi bey.

1 Wòŋ 26:27

Vé‑eè lì vifá ve vé‑eè kuuyin fó kwaʼ rər, e lèm ji vifá vee jeéy ví ve á wáa naŋsín lav Nyùy Tàr shó.

Nehemia 5:10

Vèr aàfə́r vémé, à vé lìm vémé foor sa wíri mbàm wùn à vifá ve yi vi. Vèsən maʼti séʼ wóo kù a dìy ji á sə́.

Nehemia 9:14

Wò‑oò yèʼéy áwune, á kiíy kishiíy ké, e kù a bam ji kishiíy ké kee jeéy kí. À kfən tùm Mooser woo ŋgaà lìm wò, e nsər si wùn à sáʼ yée, à ntir sé si.

Nehemia 13:15

Wáa dzə e ghan fen, m yén wíri é Juda, aá kám meluʼ e kishiíy ké bam, wiy e vifá ve yi vi, kúr e vimbèʼbìy, wiy sa e meluʼ mè wùn à báŋ se *vayin si, à *fig, à kfəə́ se vifa si sidzə̀m, aá béʼ, wiy sho e Jerusalem e kishiíy ké bam. M kàntì áwune ji á wáa yen a vifá vee fiìnè é kishiíy ké bam.

Nehemia 13:18

Kí kù dzə̀ mo atàr véné‑eè yiìn ben, é bo Nyùy maʼ ŋgeʼ e vèsən à ŋkàlaʼ rə̀n kitu? Vèn kfə̀n sí bívir kishiíy ké bam, é Nyùy shwiíy kilòŋ, é ŋgeʼ si kfən nə̀ə́, e dzə̀r e Isray.»

Nehemia 13:21

M wáa kàntì áwune ji á sà wiy, shiiy e ghaa kày ji ka á? A wìr kfə̀n yiì mùm, bo m ghár a wun, é wù yú. E kèʼ fo ghan see shooy, la wìr yòʼ dzəə mùm wáy woó kishiíy ké bam.