Nehemia 10:31 - ŊWÀʼ NYÙY

³¹ «Vitúm vee shoon vi wíy wìy e vifá ve way ví, a fə̀m dzə̀ vifá ve yi, e kishiíy ké bam, kìn é kishiíy ke kuʼùn kí, é la vèr yòʼ yùn. «Lóo dzə e saàmbà kiya, é vèr wáa kwiír kwáʼ si, e kfə̀n a tiiné kaá e dzə̀m.

Nehemia 10:31 Referans Kwoze

Cù 23:3

vèn lim lim yéné vishiíy ntuùfú, yii bèy, kee saàmbà ki dzə̀ kishiíy ké bam ke vèn meeme é mbòŋén fo věn antàʼtìn, e bàʼtí, a bùnrì mo é virə̀ʼ vidzə̀m ve vèn dzə́ sho. Lá vèn yòʼ yiì lim yímóʼó gheéy. Dzə̀ kishiíy ké bam ke Nyùy Tàr.

Ŋwàʼ Fəə 20:10

a ke kí meen ji saàmbà ki dzə̀ kishiíy ké bam ke Nyùy Tàr woo Nyùy won. Lóo dzə e kishiíy fen, lá wìr yòʼ yiì lim. Kìn dzə̀ ŋgaà lav, kìn wán və woo lumèn, kìn woo wiíy, kìn kwàn və́ woo lumène, kìn woo wiíyi, kìn nyám rə, kìn kiŋgwìy ke kí dzəə̀n e wun laʼ, lá á yòʼ lìm lim, a fə̀m dzə̀ rəné,

Aysaya 58:6

«Vinyo ve m taʼ ji wír ve á lem jíŋe wáa yiì vi dzə̀ jii, M taʼ ji á bvəti asháŋ ve á gòvtìn wíri, e kùr shó, e bvə̀tì akfəə̀ ve á kurin fáŋ ye yí dzər, gháʼ áwune shó. M taʼ ji á ku sə̀ wír ve á nyavrì sho, aáwune boy, e laàr dzə́ə se wíri shaa sho, e bó a yiì ŋgeʼ aámóʼó.

2 Wòŋ 36:21

Á bèy, kinyo ke Nyùy Tàr‑iì yiìn ne yòŋ, e shaà fo ŋgaà ntum və woo Jeremia ki nèn ghèén. A kí dzə̀ jii, nsay wíy gòʼ kisáŋ, aá yòʼ lime kiyá msaàmbà, e fíʼ kfəmén, e koo kaá vibaamé ve ví‑iì gòʼòn là bám.

Cù 23:21

Lóo dzə e kishiíy fóo fèy, vèn jàŋ ŋkàʼ, e kaàrí, a bùnrì Nyùy Tàr. Lá wìr yòʼ lìm lim e kishiíy fen moó vishiíy vímóʼ ví vee viy. Sì nsər ye vèn wíy a lèm mo ŋgwàʼ sén sí wíy a dzə e virə̀ʼ vidzə̀m ve vèn dzə́ sho.

Cù 16:29

«Nsər ye yì kù wíy a tiy ghán sidzə̀m nén a dzə jii, wíy lòo dzə e kishiíy ke kí meen ji ghvə̀m fo ŋwee wo wú meen ji saàmbà, é vèn nəʼsi vitú vén, e lèm kishiíy kee shooy ji ké bam, kìn dzə̀ ven vee wón nsay, kìn viŋgwìy ve ví dzə́ e věn mvəm.

Ŋwàʼ Fəə 12:16

Lóo dzə e kishiíy ké mbìy ki wùn à kee saàmbà ki, vèn nèn bàʼtí kirə́ʼ kimòʼón, e yiì bunrì. Lá wìr yòʼ lìm kifá e vishiíy fóo fèy, é ku jòʼsì vifá ve yi ve a dzə̀ á fèr ji wìr dzə̀m yí.

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

Kolosia 2:16

Mo vèn sí yú kinyo a dzə̀ ké Nyùy, lá vèn yòʼ dzə́ə a yuurí kinyo ke wìr ve á suuy ji wír Nyùyi kér fó a nyeŋ vifá ve yi vímóʼ ví, wùn à vifá ve noón ví, e kfə̀n a rəsí kishiíy ké mbìy ki fó ŋwee, a bam vishiíy vímóʼ ví é kiya, e kù a lèm kishiíy ké bam a dzə̀ á ké wìr veé Juda.

Matio 6:12

a làysìn ajay vér mo vèr laysìn vé wìr ve á jáy e vèr.

Ŋwàʼ Fəə 34:16

Kímóʼ kí jii, a tàm vèn nèn lò, a tàʼ vikǐy won vén a dzə̀ fo wón véví mvəm. A kí kòóy bèy, bo á yíi lòo cù anyùy vév, é wón vén vee vilume wáa cù sa.

Nehemia 13:23

Kú a dzə e ghan fóo fèy, m yén sá wír veé Juda, aá kér vikìy a dzə̀ wón veé Ashdod wùn à veé Ammon, à veé Moavi,

Nehemia 13:27

Kí nén a dzə ji vèr biʼnin ven é liì kisaŋ wo biibí və̀n, e wày vikìy vee vitúm e lav, e bìn ndzə̀m e Nyùy wor a?»