Nehemia 10:30 - ŊWÀʼ NYÙY

³⁰ Vé‑eè lìʼ bey, e yòŋ jii, «Vèr yòʼ yíi a juùr wón vér e wón vitum veé nsay fène, a bó vèr yòʼ yíi a lì sa vév vee wón, a way e lav.

Nehemia 10:30 Referans Kwoze

Remrí 7:3

Lá vèn yòʼ wìy a tatí vijín vèn áwune mó a fo wón vén ji vikǐy won vév, kìn mó a lì wón vév ji vikǐy won vén.

Ŋwàʼ Fəə 34:16

Kímóʼ kí jii, a tàm vèn nèn lò, a tàʼ vikǐy won vén a dzə̀ fo wón véví mvəm. A kí kòóy bèy, bo á yíi lòo cù anyùy vév, é wón vén vee vilume wáa cù sa.

Nehemia 13:23

Kú a dzə e ghan fóo fèy, m yén sá wír veé Juda, aá kér vikìy a dzə̀ wón veé Ashdod wùn à veé Ammon, à veé Moavi,

Nehemia 13:25

M sáʼ áwune, e kuùrì, e dzə̀v ámóʼó, e dzə̀n nə́ŋ, e kàn áwune, á yí kilìʼ e Nyùy yir. M yòŋ jii, «Vèn yòʼ dzəə́ wìy a juùr wón vén e wón vitume, a vèn yòʼ dzəə́ wìy a way sa wón vév é lav ji vikǐy won vén, kìn ji vén vee vikìy.

Nehemia 13:30

Á bèy, m nèn kfə̀mrí áwune fó vinyò ve bvəyrìn ví, e nèn naàrì lim atàá cù wùn à yé wìr veé ram Levìi. Wìr nén a tiy e wun shùu lìm.

Remrí 29:11

Vèn kù dzə̀ vèn à wóné, à vikìy véné, e lì viŋgwìy ve ví dzə́ vèn áwune, sív meŋkaʼ men, kfə̀n tú mendzə́v.

2 Afòn 23:3

Wù nèn tìím e ghaa kfə̀y, e yiì kilìʼ e Nyùy Tǎr si ji wun yíi a ghan a e Nyùy Tǎr mbòv, a yunín a nsər sə́ wùn à ntir sə́ sí, à sáʼ rəə́. Wun yíi a ghar bèn a shilív sə́ shidzə̀m, a fo kitú kfə́ shó kidzə̀m, a jùmrì a jí se *mensàŋ se á saŋen é mvə̀m ŋwàʼ fèn, a yiì a mo sí dzəə̀n. Wír adzə̀me nèn bìnsí ji áwune yíi ghar a mensaŋ mee shooy, a tiy a sho.

2 Afòn 23:25

Bó fòn wùmòʼ yòʼ‑oò yiì a dzə e Josia mbìy, fə̀m e wun bàm, wo wù‑uù foon kitú kfə́ kidzə̀m e Nyùy Tàr, a lìm fo fo shilív shidzə̀m, à vitaáví və́ ví vidzə̀m, a ghar vinyo ve ví dzəə̀n é Ŋwàʼ Nsər Mooser vidzə̀m.

2 Wòŋ 34:31

Wù nèn tìím e wun kirə̀ʼ fo wù yii tíyí, e yiì kilìʼ e Nyùy Tǎr si jii, wun yíi a ghan a e Nyùy Tǎr mbòv, a yunín a nsər sə́ wùn à ntir sə́ sí, à sáʼ rəə́, a wun yíi a yunín a shilív sə́ shidzə̀m, e fo a kitú kfə́ shó kidzə̀m, e nèn a jùmrì a jí se mensàŋ se vé‑eè saŋen é ŋwàʼ fèy, e kù a yiì a mo sí dzəə̀n.

Nehemia 5:12

Áwune nèn bìnèr jii, «Vèr yíi siìr, a bó vèr yòʼ dzəə́ yiì a leéy kifá fo áwune. Vèr yíi yiì mo à suuyin.» M nèn kùm atàá cù, e yiì, vilìmbìy vi lìʼ ji áwune yíi a yiì a kinyo ke á kàʼàn.

Nehemia 10:1

Wír ve vé‑eè wayin vifin vév é ŋwàʼ fène víne. Vé mbìyi dzə̀ jii, taà saʼ woo Nehemia woo wan Hakalia, e lì Tsədekiya.

Nsùyrì Nyùy 119:106

M yiì ne kilìʼ, e fìnèr ji m kù yíi a jùmrì vinyo ve à tinen, e wày ji nsər, a ví dzə̀ là kiloʼ.