Nehemia 10:1 - ŊWÀʼ NYÙY

¹ Wír ve vé‑eè wayin vifin vév é ŋwàʼ fène víne. Vé mbìyi dzə̀ jii, taà saʼ woo Nehemia woo wan Hakalia, e lì Tsədekiya.

Nehemia 10:1 Referans Kwoze

Nehemia 9:38

Á nèn a yòŋ jii, «Bìʼ vinyo ve ví kooyin vin vidzə̀m, vèr nén a gwàr *mensaŋ me mè yií a tiy fo. Vèr lo, e saŋ aàŋwàʼ, é vilìmbìy vér wùn à wír vér veé ram Levìi, aàtàá cù vérí wáyrí vifin vév shó.»

Nehemia 8:9

Wìr dzə̀m yú vinyo veé Ŋwàʼ Nsər, e nèn lò, a toŋnín toŋnín. Taà saʼ woo Nehemia wùn à taà cù woo Esra wo kfə̀n dzəə̀n ŋgaà dùŋrì, à wír veé ram Levi ve vé‑eè yéʼey wírií nèn a suúy e wìr dzə̀m jii, «Lá vèn dzə́ə a dìy, lá vèn dzə́ə a toŋ. Lán dzə̀ kishiíy ké Nyùy Tàr woo Nyùy won, kee jeéy kí.

Nehemia 1:1

Jí se Nehemia woo wan Hakalia. Yì‑iì dzə̀ é ŋwee woo Kislev, e kiya ke kí‑iì meen ji mbaà mo Fòn Artakerkes‑iì yiin vifon, a saʼ e Persia, a m dzə̀ é ŋkàlaʼ ye wiy yee Susa,

Nehemia 7:70

Vilìmbìy ve kfəə vímóʼ ví‑iì suʼ vifá vé a tom lim sho. Ŋgaà saʼ woó kishev ke wòŋ‑eè fó *kisha ke mbàm ke baar kí moo kilu waamé bey, à vighín ví mtàn (50), à vikúm vé atàá cù vi kishóv mtaár e ghiì tàn (530).

Esra 2:63

Ŋgaà saʼ nèn sùúy aáwune jii, «A taà cù bùŋ wóo toʼór áwune e Urim wùn Tumim, bo bó yòʼ dzə̀ áwune wàa yi a vifá ve cù, a ví sì ji vifá ve yi vee jeéy ví féyì.»

Nehemia 7:65

Taà saʼ nèn sùúy aáwune jii, «A taà cù bùŋ wóo toʼór áwune e Urim wùn Tumim, bo bó yòʼ dzə̀ áwune wàa yi a vifá ve yi vee jeéy ví.»

Nehemia 10:2

Atàá cùu wáa dzə jii, Serayia wùn à Asaria, à Jeremia,

Ŋwàʼ Fəə 24:4

Mooser nèn sàŋ nsər se Nyùy Tàr sidzə̀m fo nsay. Ndzə bvəə́shí, e jàv, wù bóm *kíy cù e sar gwan, e lì sə́y si nshòv sibaà e ghvə̀m mo rám seé Isray si dzəə̀n, e tùúy, sí wáa tiynín fo e kitu kitu.

2 Afòn 23:3

Wù nèn tìím e ghaa kfə̀y, e yiì kilìʼ e Nyùy Tǎr si ji wun yíi a ghan a e Nyùy Tǎr mbòv, a yunín a nsər sə́ wùn à ntir sə́ sí, à sáʼ rəə́. Wun yíi a ghar bèn a shilív sə́ shidzə̀m, a fo kitú kfə́ shó kidzə̀m, a jùmrì a jí se *mensàŋ se á saŋen é mvə̀m ŋwàʼ fèn, a yiì a mo sí dzəə̀n. Wír adzə̀me nèn bìnsí ji áwune yíi ghar a mensaŋ mee shooy, a tiy a sho.

Esra 10:3

Bo kí dzə̀ jii, vèsən gwar *mensaŋ vèsən à Nyùy wòsən ji á sí fəər a vikìy vin wùn à wóné. Tàr wor, vèr kù yíi yiì mo vèn à wìr dzə̀m wo wù yúnin nsər se Nyùy tirin ver. Vèr kù yíi yiì réŋréŋ mo Nsər Nyùy taʼà.

Nehemia 10:30

Vé‑eè lìʼ bey, e yòŋ jii, «Vèr yòʼ yíi a juùr wón vér e wón vitum veé nsay fène, a bó vèr yòʼ yíi a lì sa vév vee wón, a way e lav.